Chrisye

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Chrisye
250px-Chrisye.jpg
Latar mburi
Jeneng lair Christian Rahadi
Lair 16 September 1949
Yogyakarta, Flag of Indonésia Indonesia
Tilar donya 30 Maret 2007 (umur 57)
Jakarta, Flag of Indonésia Indonesia
Jinis Musik Pop, pop progresif
Perdamelan penyanyi
Instrumèn Bass
Taun aktif 19672007
Parusahan rekaman Musica Studios
Pasangan Damayanti Noor
Anak Rizkia Nurannisa
Risti Nurraisa
Rainda Prashatya lan Randa Pramasya (kembar)

Chrisye utawa kang nduwèni jeneng jangkep Chrismansyah Rahardi iku sawijining penyanyi pop saka Indonésia.[1] Chrisye lair ing Yogyakarta, 16 September 1949.[2] Dhèwèké lair saka pasangan (Alm) Laurens Rahadi lan (Alm) Hana.[1] Garwané Chrisye yaiku G.F Damayanti Noor, nikah taun 1982 lan nduwèni putra papat, yaiku Rizkia Nurannisa, Risti Nurraisa, Rainda Prashatya, lan Randa Pramasya.[2] Wiwit tanggal 31 Juli 2005, Chrisye dirawat ing rumah sakit ing Singapura amarga lara Kanker Paru-Paru. Chrisye ninggal donya jam 4:08 WIB tanggal 30 Maret 2007 ing Jakarta lan dikubur ing TPU Jeruk purut, Jakarta Kidul.[2]

Dilairaké ing Jakarta saka kulawarga Tionghoa-Indonésia, Chrisye kepéncut marang musik nalika isih anom. Nalika isih sinau ing SMA, Chrisye main gitar bas jroning sawiji band sing dibentuk bebarengan karo kangmasé, Joris. Ing pungkasan dasawarsa 1960-an Chrisye dadi anggota band Sabda Nada (sing tembé buri ganti jeneng dadi Gipsy). Ing taun 1973, sakwisé cuti sauntara wektu, Chrisye mèlu band kasebut menyang New York kanggo main musik. Sakwisé mulih menyang Indonésia mung sedhéla, Chrisye bali menyang New York karo band liya, ya iku The Pro's. Sakwisé bali menyang Indonésia, ing taun 1976 Chrisye kerja padha karo Gipsy lan Guruh Soekarnoputra kanggo ngrekam album indie Guruh Gipsy.

Sakwisé suksès gawé Guruh Gipsy, ing taun 1977 Chrisye ngasilaké loro karya sing paling apik, ya iku "Lilin-Lilin Kecil" tulisan James F. Sundah sarta album jalur swara Badai Pasti Berlalu. Sukses kaloro karya iki agawé Chrisye direkrut déning Musica Studios, lan karo parusahan rekaman iku Chrisye ngrilis album solo perdhanané, Sabda Alam, ing taun 1978. Saklawasé karieré sing luwih saka 25 taun Chrisye ngasilaké 18 album solo liya, sarta main jroning siji film: Seindah Rembulan (1981).

Chrisye tilar donya ing omahé ing Jakarta ing tanggal 30 Maret 2007 sawisé mataun-taun nandang lara kanker paru-paru. Chrisye ninggalaké garwa, Gusti Firoza Damayanti Noor, lan papat anak.[3]

Dikenal kanggo vokalé sing alus lan gaya panggung sing kaku, Chrisye dianggep salah siji penyanyi Indonésia legendharis. Lima album sing kalebu karyané diamot jroning dhaptar 150 Album Indonésia Paling apik déning majalah musik Rolling Stone Indonésia. Lima laguné (lan siji manèh sing Chrisye ndhukung) diamot jroning dhaptar lagu paling apik déning majalah sing padha ing taun 2009. Sawetara albumé disertifikasi perak utawa luwih dhuwur. Chrisye nampa loro lifetime achievement award, siji ing taun 1993 saka BASF Awards lan siji manèh ing taun 2007 saka stasiun télévisi SCTV. Ing taun 2011, Rolling Stone Indonésia nyathet Chrisye minangka musisi Indonésia paling apik nomor telu salawasé.

Sekolahé[sunting | sunting sumber]

Karir[sunting | sunting sumber]

Chrisye wiwit aktif ngrintis karir musiké ing taun 1968 nalika nggabung dadi basis jroning formasi Sabda Nada. Taun 1968 - 1969 dhèwèké nggabung grup musik Gipsy karo Zulham Nasution, Keenan Nasution, Gauri Nasution, Onan lan Tami.[4] Pengaruh musik Gypsi teka saka blood, sweat & tears, procol harum, king crimson, genesis lan chichago.[5] Karo klompok Gipsy iki Chrisye kang nalika iku dadi penyanyi (vokalis) lan bassis tau kacathet dadi grup musik penghibur ing sawijining restoran Indonésia ing New York.[4]

Nalika ing New York, Chrisye nggabung karo Abadi Soesman, Dimas Wahab, Rony Makasutji, lan Broery Marantika kang kagabung jroning grup musik The Pro's.[6]

Nanging Gipsy ora tahan suwé. Taun 1970 Gipsy Band lan Chrisye tau manggung ing TIM Jakarta kang nekakaké almarhum Mus Mualim.[4]

Saktekané ing Indonésia, Chrisye lan GIPSY kolaborasi karo Guruh Soekarnoputra nggawé album rekaman. Kolaborasi iki kasil nggawé album rock yaiku Guruh Gipsy kang ana unsur-unsur tradhisional gamelan Bali lan instrumèn konvènsional.[5]

Watara taun 1977, Chrisye nembé miwiti karier solo. Dhèwèké nembangaké lagu karyané James F. Sundah kang judhulé Lilin-lilin Kecil. Dhèwèké uga menang "Lomba Karya Cipta Lagu Remaja Prambors" (LCLR). Sakdawané taun 1980-an tekan taun 2000, mèh kabèh album kang dirilis kerep ditampa apik ing indhustri musik Indonésia.[4]

Chrisye sansaya kawentar ing akir taun 70-an nalika nggawé soundtrack film Badai Pasti Berlalu karo Jockie Surjoprajogo lan Eros Djarot.[2]

Anggota band lan proyèk wiwitan (1968–1977)[sunting | sunting sumber]

Gambar:Chrisye in 1977.jpg
Chrisye main bas ing taun 1977.

Ing tengahan dasawarsa 1960-an, kulawarga Nasution mbentuk sawijining grup musik; Chrisye lan Joris nonton grup musik mau main musik Uriah Heep lan Blood, Sweat & Tears.[7] Ing taun 1968 Chrisye ndhaftar ing Universitas Kristen Indonésia (UKI) supaya dadi insinyur kaya sing dikarepaké bapaké. Watara taun 1969, Gauri ngundang supaya dadi anggota grup musik Nasution, Sabda Nada, kanggo ngganti pemain bas sing pinuju lara, Eddi Odek.[8][9] Amarga marem marang kemampuané, Nasution sasedulur njaluk Chrisye dadi anggota tetep. Sabda Nada main sacara teratur ing Mini Disko ing Jalan Juanda sarta kanggo pesta ulang taun lan pernikahan.[9] Nalika Chrisye diwènèhi kasempatan kanggo nembang nalika nembangaké lagu vèrsi daur ulang, Chrisye ngupaya nganggo swara sing mèmper penyanyi asliné.[10]

Ing taun 1969 Sabda Nada ngganti jeneng dadi Gipsy supaya kaprungu luwih macho lan kaya grup musik Barat.[11][12] Jadwal kanggo grup musik iku, sing ora nduwèni manager, padhet banget amarga main secara teratur ing Taman Ismail Marzuki.[13][14] Wusnané, Chrisye mundur saka UKI; ing taun 1970 Chrisye mlebu Akademi Pariwisata Trisakti amarga ngganggep jadwalé luwih flèksibel.[14]

Rong taun sabanjuré, Chrisye ditawani main ing New York. Senadyan Chrisye seneng banget, Chrisye wedi nyaritakaké marang bapaké, sing Chrisye ngrasa ora bakal sarujuk. Wusanané Chrisye lara sawetara sasi, sauntara iku Sabda Nada lunga menyang New York.[15] Sakwisé Chrisye mbahas rasa kuwatiré karo ibuné lan Joris, bapaké banjur sarujuk supaya Chrisye mundur saka kuliah lan lunga menyang New York. Sakwisé kaséhatané pulih, ing tengah taun 1973 Chrisye lunga bebarengan Pontjo nemoni Gipsy ing Amerika Serikat;[16] ing taun sing padha Chrisye mundur saka Trisakti.[8]

Saklawasé ing New York, Gipsy manggung ing Ramayana Restaurant,[17] sing duwèké parusahan minyak Pertamina. Band iku, sing dipapanaké ing sawijining apartmen ing Fifth Avenue, manggon ing New York amèh setaun. Band iki nembangaké lagu-lagu Indonésia sarta vèrsi dhaur ulang saka lagu Procol Harum, King Crimson, Emerson, Lake & Palmer, Genesis lan Blood, Sweat & Tears. Senadyan Chrisye ngrasa frustrasi amarga ora bisa èksprèsi dhiri kanthi musik orisinal, Chrisye tetep nyambut gawé.[18]

Sakwisé bali menyang Indonésia ing pungkasan taun 1973, Gauri ngenalaké Chrisye karo penulis lagu Guruh Soekarnoputra, anak saka mantan presidhen Soekarno. Déné Nasution sasedulur karya bebarengan karo Guruh kanggo nyiapaké proyèké, Chrisye wiwit ngripta lagu dhéwé; amarga ngripta lagu dhéwé Chrisye rumangsa yèn Chrisye kangèlan gawé lirik sing ngandhut konsonan keras, lan bisa ngéndhani uni kasebut.[19] Taun sabanjuré Chrisye bali menyang New York karo band liya, The Pro's. Ing tengahan taun 1975

Prèstasi[sunting | sunting sumber]

Internasional[sunting | sunting sumber]

Nasional[sunting | sunting sumber]

Film[sunting | sunting sumber]

Sakliyané nduwèni prèstasi musik Chrisye uga nduwé kaprigelan liya, amarga kasunyatané dhèwèké tau main jroning film layar amba kayata "Seindah Rembulan" (1981) lan dadi bintang tamu ing "Gita Cinta dari SMA" (1981).[1]

Lima saka wolulas album solo kang wis dirilis Chrisye kasil éntuk bebungah musik paling gèngsi ing Indonésia kang dianakaké déning perusahaan pabrik pita kaset kosong, HDX lan BASF. Ing antarané album Aku Cinta Dia, Hip Hip Hura, Kisah Cintaku lan Pergilah Kasih. Sawijining tembang kang diripta déning Chrisye, judhulé Lagu Cinta kang dilagokaké déning Vina Panduwinata kasil éntuk bebungah lagu paling apik déning BASF.[4]

Album[sunting | sunting sumber]

  • Lilin-Lilin Kecil (Single), Jurang Pemisah (1976)
  • Guruh Gipsy : Album Guruh Gipsy (1977)
  • Badai Pasti Berlalu (1977)
  • Sabda Alam (1978)
  • Percik Pesona (1979)
  • Puspa Indah Taman Hati - solo album (1980)
  • Pantulan Cinta - solo album (1981)
  • Resesi - solo album (1983)
  • Metropolitan (1983)
  • Nona (1984)
  • Sendiri (1984)
  • Aku Cinta Dia (1985)
  • Hip Hip Hura (1985)
  • Nona Lisa (1986)
  • Jumpa Pertama (1987)
  • Hening, Kidung - new arrangement (1988)
  • Pergilah Kasih - solo album (1989)
  • Cintamu T’lah Berlalu (1992)
  • Sendiri Lagi (1993)
  • Kesan Dimatamu (1994)
  • AcoustiChrisye (1996)
  • Kala Cinta Menggoda (1997)
  • Badai Pasti Berlalu - Re-recorded (1999)
  • Konser Tur Legendary (2001)
  • Dekade (2002)
  • Senyawa (2004.[1]

Album Kompilasi[sunting | sunting sumber]

  • 1994 - THE BEST OF
  • 1996 - AKUSTICHRISYE
  • 1999 - BEST CINTA
  • 2002 - KONSER TUR 2001
  • 2007 - CHRISYE MASTERPIECE TRILOGY LIMITED EDITION.[6]

Single[sunting | sunting sumber]

  • 1992 - Cintamu Telah Berlalu
  • 1990 - Hening bersama Rafika Duri & Trio Libels
  • 1990 - Kidung bersama Rafika Duri & Trio Libels
  • 1994 - Kesan Di Matamu
  • 2008 - Lirih.[6]

Cathetan sikil[sunting | sunting sumber]

  1. ^ a b c d e (id)biografi.rumus.web.id (diaksès tanggal 16 September 2011)
  2. ^ a b c d (id)gadogadomusik.com (diaksés tanggal 16 September 2011)
  3. ^ Antara 2007, Chrisye Tilar donya Dunia.
  4. ^ a b c d e f g (id)www.uniquenews.net (diaksès tanggal 16 September 2011)
  5. ^ a b (id)www.indonesiantunes.com (diaksés tanggal 16 September 2011)
  6. ^ a b c (id)selebriti.kapanlagi.com (diaksès tanggal 16 September 2011)
  7. ^ Endah 2007, hlm. 58-59.
  8. ^ a b Hariyadi, Redana, and Mulyadi 1998, Luwih Jauh dengan Chrisye.
  9. ^ a b Endah 2007, hlm. 62–66.
  10. ^ Kompas 1993, Chrisye: Menjadi Penyanyi.
  11. ^ Antara 2007, Chrisye Meninggal Dunia.
  12. ^ Hariyadi, Redana, and Mulyadi 1998, Lebih Jauh dengan Chrisye.
  13. ^ Antara 2007, Chrisye meninggal Dunia.
  14. ^ a b Endah 2007, hlm. 66–71.
  15. ^ Endah 2007, hlm. 75–80.
  16. ^ Endah 2007, hlm. 81–86.
  17. ^ Antara 2007, Chrisye Tilar Meninggal Dunia.
  18. ^ Endah 2007, hlm. 86–96.
  19. ^ Endah 2007, hlm. 96–97.

Rujukan[sunting | sunting sumber]

  • Endah, Alberthiene (2007). Chrisye: Sebuah Memoar Musikal. Jakarta: Gramedia Pustaka Utama. ISBN 978-979-22-2606-5.

Sumber artikel punika saking kaca situs web: "http://jv.wikipedia.org/w/index.php?title=Chrisye&oldid=865238"