Chibi Maruko-chan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Samak pisanan Shueisha

Chibi Maruko-chan (ちびまる子ちゃん) yaiku serial anime kang kaangkat saka manga populèr karyane Momoko Sakura lan uga jeneng undangané paraga utamané awujud bocah cilik wadon umuré sangang taun kelas 3 SD. Kisahe nyritakake komedhi urip saben dina bocah SD miturut pengalaman pengarange nalika isih cilik. Chibi Maruko-chan uga didadèkaké serial drama kanthi paraga cilik Ei Morisako (generasi pisanan) lan Ayaka Itoh (generasi kapindho).[1]

Sinopsis[sunting | sunting sumber]

Sawijining dina Hiroshi (bapake maruko) menang undian hadhiahe mobil, dheweke ngajak sakeluwargane mlaku-mlaku nanging namung ibune sing ora melu amarga mabuk dharat. Pungkasane sing mangkat, mung wong papat thok (bapake, simbah kakung, maruko, lan mbakyune), embuh kenapa saben dalan mobile arep nabrak trus mula sakabehing sing ana ing jero mobil jantunge arep copot. Apa maneh simbah kakunge sing eling nalika isih nom tau nglakoni tes kesamaan banyaknya detak jantung lan nadhi kang dipercaya yen jumlahe padha antarane dhetak jantung lan nadhi mula sing dites bakalan urip nganti tekan 24 jam maneh. Sanajan arep nabrak, akhire tekan ing pecinan. Nanging, wis adoh-adoh tekan pecinan, ing kana mung madhang mie. Mbakyune Maruko shock banget nganti tekan omah. Tekan omah, kaya biyasane urusane Maruko langsung mara paturasan, banjur mbakyune ditakoni ibune, "Mau kepriye?" Mbakyune mangsuli "mie". Saben ditakoni ibune wangsulane kayak ngono trus. Sawise kedadeyan iku, mobile iku mung dienggo Hiroshi lunga mancing.[2]

Keluwarga Maruko-chan[sunting | sunting sumber]

Barisan buri, saka kiwa: Hiroshi, Sumire, lan Tomozou; barisan tengah, saka kiwa: Sakiko lan Kotake; lan barisan ngarep: Momoko (a.k.a. Maruko)
  • Momoko "Maruko" Sakura (さくらももこ, Sakura Momoko)
Paraga utama ing komik Chibimaruko-chan duweni jeneng asli Momoko Sakura kayadene jeneng pengarange, yaiku bocah wadon kelas 3 SD kang urip ing keluwarga kanthi ekonomi menengah mangisor. Dheweke kesed, seneng blangkrahan, bijine elek trus, lan kerep telat mangkat sekolah mula kerep nyusahake ibune, apa maneh nalika nggugah tangi. Sipate beda karo mbakyune sing sregep, pinter, sarta pandhiriyane kalem. Kayadene bocah saumurane, dheweke ora seneng yen diwenehi tugas omah lan kerep pilih-pilih panganan. Saliyane iku, dheweke putu kasayangane simbah kakunge. Maruko duwe kepinginan dadi pengarang manga nalika gedhe besok.[3]
  • Hiroshi Sakura (さくらひろし, Sakura Hiroshi)
Bapake Maruko, wong kang egois lan yen ngendika tembunge pedhes lan sakarepe dhewe, tau tukaran karo Maruko amarga perkara Natto. Critane bapake ngecap Maruko kang ora seneng yaiku mung ngisin-isinake Jepang thok. Anggota keluwarga liyane nganggep ngendikane bapake kelewatan banget, saliyane iku isih akeh perkara kang ndadekake Maruko utawa anggota keluwarga liyane tukaran karo dhewele. Hobine mung mancing lan ngombe ombenan kang marakake mabuk.[4]
  • Sumire Sakura (さくらすみれ, Sakura Sumire)
Ibune Maruko, kerep nyeneni Maruko amarga dheweke nakal. Sumire yaiku ibu kang dhisiplin nanging tolerir. Dheweke tlaten banget karo pengeluaran keluwarga lan ngupayakake entuk barang-barang kabutuhan kanthi rega kang murah banget. Nalika isih nom, jeneng asline yaiku Kobayashi Sumire.
  • Sakiko Sakura (さくらさきこ, Sakura Sakiko)
Yaiku mbakyune Maruko, beda banget karo Maruko kang kesed, bandhel, kerep entuk biji elek. Sakiko wong kang sregep, kalem, lan pinter. Dheweke kerep entuk perhatiyan saka ibune kang ndadekake Maruko iri. Sakiko yaiku murid kelas 6 SD kang padha karo sekolahe Maruko.
  • Tomozou Sakura (さくら友蔵, Sakura Tomozō)
Simbah kakunge Maruko, Maruko yaiku putu kasayangane. Simbahe iki kerep banget katon bareng karo Maruko, embuh nonton TV utawa mlaku-mlaku. Tomozou duweni sipat kang dramatis banget nalika nanggepi kahanan lan gampang kaasut omongane wong liya.

Kanca-kancane Maruko[sunting | sunting sumber]

Kanca-kancane Maruko [5]
No. Jeneng Katrangan
01. Tamae Honami (穂波たまえ, Honami Tamae) Sahabate Maruko. Dheweke bocah kang pinter lan melu apa kang dilakoni Maruko. Maruko ngundange kanthi jeneng Tama-chan.
02. Kazuhiko Hanawa ( 花 轮 和 彦 , Hanawa Kazuhiko) Kanca sakelase Maruko kang sugih banget lan manggon sementara ing omah pengasuhe Simbah Hediji. Ibune kerep lunga menyang luwar kutha utawa luwar negeri mula dheweke arang banget ketemu ibune. Saben dinane, dheweke dijemput mobil limusin.
03. Sueo Maruo ( 丸 尾 末 男 , Maruo Sueo) Maruo yaiku kanca sakelase Maruko kang dadi ketua kelas. Dheweke mesthi kepingin disenengi kanca-kancane. Dheweke nganggo kacamata kandel banget amarga sregep sinau lan maca buku. Garis ireng mesthi metu ing raine saben wektu, apa maneh nalika dheweke katon bungah banget, mula katon medeni ing kanca-kancane. Dheweke wedi banget yen ana sing ngrebut posisine minangka ketua kelas lan kerep nyedhaki kanca sekelase kang kanton pinunjul lan ngapik-apiki supaya ora nibakake posisine.
04. Noritaka Hamazaki (浜崎憲孝(はまじ), Hamazaki Noritaka (Hamaji)) Hamaji yaiku murid paling nakal ing kelase Maruko, sanajan Hamaji dadi wakil ketua kelas.
05. Tarō "Butaro" Tomita (富田太郎(ブー太郎), Tomita Tarō (Butarō)) Bocah lanang ing kelase Maruko kanthi rai piglike lan ing pungkasan mesthi ngomong "Buu," tembung onomatopoeia Jepang nalika babi ndengus. Dheweke kanca cedhake Hamaji lan ing ngendi-endi mesthi karo Hamaji.
06. Hanako Migiwa (みぎわ花子, Migiwa Hanako) Hanako kedanan Hanawa lan ora seneng ing sakupenge bocah wadon liyane amarga Hanawa naksir Maruko, dheweke galak karo Maruko. Hanako sinau ing kelas 3 ing limang taun pungkasan amarga bijine elek lan saben taun ora munggah kelas. Dheweke yaiku presidhen kelas wadon lan kayadene Maruko niyat banget mertahanake posisine.
07. Shinji Sekiguchi (関口しんじ, Sekiguchi Shinji) Sanajan ora tau katon, nanging Shinji bocah kang nyenengake. Dheweke tau ngajari Maruko numpak pit.
08. Kimio Nagasawa (永沢君男, Nagasawa Kimio) Omahe dibakar nalika ana kacilakaan kang ndadekake keluwargane kere. Ing episode iki mesti ngatonake gandheng cenenge karo geni Nagasama. Mula iku, Maruko mesthi ora pedhuli karo dheweke, lan kabeh wong mesthi ngece dheweke. Kimio ora tau ngomong karo wong liya, kajaba Fujiki, sahabate.
09. Shigeru Fujiki (藤木茂, Fujiki Shigeru) Bocah kang kalem lan kanca cedhake Nagasawa-san. Dheweke manggon ing omah dhewe amarga wong tuwane mangkat menyang kantor esuk banget lan kondure tengah wengi.
10. Shouta Yamada (山田笑太, Yamada Shouta) Dheweke ora tau mandheg guyu, emboh iku lucu apa ora. Ing kelas, dheweke entuk paraban "bocah idiot" (クラスのバカ男子)
11. Kenichi Ono (大野けんいち, Ono Kenichi) Dheweke kanca cedhake Sugiyama Satoshi. Bocah loro iku seneng banget karo bal-balan.
12. Satoshi Sugiyama (杉山さとし, Sugiyama Satoshi) Kanca cedhake Kenichi. Bocah loro iku seneng guyonan, nanging serius nalika kerja. Bocah loro iku dadi tim kang apik amarga tulung tinulung.
13. Toshiko Tsuchihashi (土橋とし子, Tsuchihashi Toshiko) Toshiko yaiku bocah wadon kang anutan lan sopan. Dheweke mesthi pedhuli karo wong liya. Toshiko uga kanca cedhake Maruko lan Tamae.
14. Misuzu Fuyuta (冬田美鈴, Fuyuta Misuzu) Dheweke naksir Kenichi Ono. Misuzu bocah kang rada aneh. Dheweke seneng nggambar raine wong kang aneh banjur gambarane iku diwenehake marang wong kang digambar.

Cathetan Sikil[sunting | sunting sumber]

  1. ^ "夢の音色" Chibi Maruko-chan, Januari 18, 1989, volume 4, halaman 135.
  2. ^ Hahn, Joel."Kodansha Manga Awards" Comic Book Awards Almanac. Retrieved 2009-05-25.
  3. ^ ComiPress "Historic Shōjo Manga Circulation Numbers". Retrieved 2008-01-06.
  4. ^ Nick India-Chibi Maruko Chan Accessed May 25, 2009
  5. ^ (id) Kanca-kancane Maruko (dipununduh tanggal 30 Maret 2011)
Sumber artikel punika saking kaca situs web: "http://jv.wikipedia.org/w/index.php?title=Chibi_Maruko-chan&oldid=831249"