Charles Robert Richet

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Charles Richet

Charles Robert Richet (Paris, 25 Agustus 1850, séda tanggal 4 Desember 1935) inggih punika salah satunggaling ahli wonten ing ilmu fisiologi Perancis ingkang miwiti manéka panalitén, kadosta neurokimia, sistem pencernaan, termoregulasi kéwan kéwan "berdarah panas" utawi ingkang asring dipunsebut minangka Homoiterm, lan ugi babagan sistem pernafasan. Piyambakipun dipunparingi gelar profesor wonten ing bidang ilmu fisiologi déning Collège de France wonten ing taun 1887 lan ugi dados anggota Académie de Médecine nalika ing taun 1898. Wonten ing taun 1914, piyambakipun kagabung kaliyan Académie des Sciences.[1]

Karya[sunting | sunting sumber]

Piyambakipun menangaken Hadhiah Nobel wonten ing bidang fisiologi lan kedokteran nalika taun 1913 kanthi karyanipun babagan anafilaksis (istilah Charles Robert Richet kanggéé kahanan reaksi alergi). Panalitén punika mbiyantu ngandharaken kathah perkawis wonten ing bidang medis kadosta asma lan ugi ngandharaken sapérangan kasus intoksikasi lan séda dadakan ingkang sadéréngipun boten saged dipunmangertosi.[2]

Charles Robert Richet inggih punika sosok utawi tokoh ingkang kagungan "ketertarikan" wonten ing kathah disiplin ilmu kalebet ugi sejarah, sosiologi, filsafat, psikologi, seni drama sarta sajak.

Piyambakipun ugi tumemen wonten ing bidang hipnosis. Nalika taun 1891, Charles Robert Richet mungkasaken Annales des sciences psychiques. Piyambakipun ugi kagungan hubungan kaliyan para ahli supranatural wonten ing jamanipun, kadosta Albert von Schrenck-Notzing lan ugi Frederic William Henry Meyers. Nalika taun 1905 Robert Richet dados ketua saking Society for Psychical Research wonten ing negara Inggris. Piyambakipun lajeng ngawontenaken sawijining ékspérimén kaliyan Marthe Béraud, Elisabette D'Espérance, William Eglinton lan Stefan Ossowiecki, saking asiling panaliténipun punika, piyambakipun damel "ektoplasma".[3]

Parapsikologi[sunting | sunting sumber]

Minangka salah satunggaling panaliti Robert Richet kagungan "ketertarikan" babagan andharan fisik kanggé fenomena (kadadosan) paranormal.[4] Piyambakipun lajeng ngrembag téori babagan fenomena paranormal wonten ing bukunipun ingkang kagungan judul Our Sixth Sense (1928).[5] Piyambakipun ugi ngandharaken bilih sapérangan prastawa mediumship saged dipunandharaken kanthi fisik amargi proyeksi eksternal zat bahan (ektoplasma) saking badan medium.[6]

Pranala Njaba[sunting | sunting sumber]

Cathetan Suku[sunting | sunting sumber]

  1. ^ Charles Richet Biography
  2. ^ The Nobel Prize in Physiology or Medicine
  3. ^ Past Presidents | Society for Psychical Research
  4. ^ Alvarado, C. S. (2006). Human radiations: Concepts of force in mesmerism, spiritualism and psychical research. Journal of the Society for Psychical Research, 70, 138–162.
  5. ^ Richet, C. (nd, ca 1928). Our Sixth Sense. London: Rider. (First published in French, 1928)
  6. ^ Richet, C. (1923). Thirty Years of Psychical Research. New York: Macmillan. (Translated from the second French edition)