Charles Greeley Abbot

Saka Wikipédia Jawa, bauwarna mardika basa Jawa
Charles Greeley Abbot
Dr. Charles Greeley Abbot
Lair(1872-05-31)31 Mèi 1872
Wilton, New Hampshire, United States[1]
PatiDhésèmber 17, 1973(1973-12-17) (umur 101)
Maryland, United States
BangsaAmerican
BebungahHenry Draper Medal (1910)
Rumford Prize (1915)
Karièr ngèlmiah
Babaganastrophysics

Charles Greeley Abbot inggih punika salah satunggaling astronom ingkang miyos wonten ing tanggal 31 Mèi 1872 lan séda ing taun 1973. Piyambakipun ugi minangka panaliti astrofisik saking Amérikah Sarékat lan minangka sekretaris ingkang kaping gangsal saking Smithsonian Institution, ingkang njabat saking taun 1928 ngantos taun 1944.[1]

Abbot medal saking dados direktur ing Smithsonian Astrophysical Observatory, kanggé dados asisten sekretaris lan lajeng dados sekretaris ing Smithsonian Institution ing sadangunipun pakaryanipun. Minangka tokoh ahli astrofisika, piyambakipun inggih nliti konstanta saking srengéngé. Panaliten ingkang langsung dipunpandhegani déning piyambakipun inggih dipunlampahaken kanggé manggihaken tombol surya kompir, boiler surya, lan produk - produk sanèsipun ingkang bab ngginakaken ènergi surya ingkang sampun dipunpatenaken.

Biografi[besut | besut sumber]

Charles Greely Abbot inggih miyos wonten ing Wilton, New Hampshire.[1] Tiyang sepuhipun inggih namung gadhah padamelan dados tani lan piyambakipun inggih minangka putra paling alit saking sekawan sedherekipun. Minangka satunggaling lare enem ingkang gadhah bakat ingkang kathah, piyambakipun lajeng yasa lan nyipta kathah prakawis, kados ndamel piranti kanggé ndandosi piranti ingkang risak, roda toya kanggé nguripaken pompa, lan ugi damel pit onthel. Piyambakipun mandheg anggènipun sekoah ing yuswa 13 taun lan lajeng dados tukang kayu. Kalih taun salajengipun piyambakipun lajeng saged sekolah malih ing tingkat SMA. Piyambakipun ugi mlebet sekolah Phillips Andover Academy.

Ing taun 1895, piyambakipun pikantuk gelar Master of Science ing babagan fisika.[1][2] Abbot lajeng kepanggih kaliyan Samuel P. Langley wonten ing kampus MIT nalika Langely nembé sowan kanggé pados asisten. Lajeng ing taun punika ugi, piyambakipun lajeng saged makarya minangka pembantu ing Smithsonian Astrophysical Observatory.[1][3]

Padamelanipun[besut | besut sumber]

Abbot miwiti padamelanipun wonten ing panaliten bab astrofisika kanthi pokok kajianipun wonten ing radiasi srengéngé saderengipun nerasaken kanggé metakake pola siklik ingkang kapanggih wonten ing variasi srengéngé. Kanthi wontenipun panaliten punika, piyambakipun gadhah pangangkah kanggé nglacak konstanta surya supados saged damel prediksi pola cuaca. Piyambakipun pitados bilih srengéngé inggh punika satunggaling lintang variabel ingkang kénging efek cuaca ing bumi, ingkang lajeng nuwuhaken kathah kritikan ing jamanipun. Piyambakipun ugi nindakaken kerja lapangan ing Smithsonian Institution ingkang dipunyasa nalika masa jabatanipun minangka direktur ing SAO, Observatorium Lick lan wonten ing Gunung Wilson Observatory, Wonten ing Observatorium Lick piyambakipun makarya sesarengan kaliyan W.W. Campbell. Kangge ngicalaken kathah kritikan ingkang medal, lajeng Abbot ngginakaken balon kanthi pyrheliometer ingkang dipuninstal wonten ing bab pengukuran. Abbot inggih punika ilmuwan ingkang sapisan saking Amérika ingkang nindakaken panaliten punika, kanthi asilipun balon saged dumugi langkung saking 25 kilomèter.

Cathetan suku[besut | besut sumber]

  1. a b c d e "Charles Greely Abbott, 1872-1973". Smithsonian History. Smithsonian Institution Archives. Diarsip saka sing asli ing 27 March 2012. Dibukak ing 11 April 2012.
  2. Warner, Deborah Jean (1975). "Biographical Memoirs: Charles Greeley Abbot". The American Philosophical Society Year Book 1975. The American Philosophical Society. kc. 111–116. Dibukak ing 11 April 2012.
  3. "Abbot Becomes Director of SAO". Institutional History Division. Smithsonian Institution Archives. Dibukak ing 11 April 2012.