Chanpurū

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Somen chanpuru (Sōmen gorenge wong Okinawa

Chanpurū (チャンプルー?) yaiku panganan khas Okinawa arupa gongso janganan nganggo endhog pitik, tahu, utawa asring ditambah daging babi kaleng (spam). Bumbune uyah, kecap asin, lan mrica sithik. Sawijining panganan chanpurū kang paling misuwur yaiku Gōyā Chanpurū (orak-arik paré). Ing basa Ryukyu, "chanpuru" tegese "campur bawur".

Janganan kang padatan bisa dimasak dadi chanpurū yaiku paré, kul, bawang bombay, wortel, shiitake, tauge, lan kucai. Sōmen lan tahu uga kerep dadi bahan pokoke chanpurū. Masak chanpurū ora mbutuhake uyah lan kecap asin maneh yen wis nganggo daging babi kaleng amarga rasane wis asin.

Ana maneka werna crita ngenani asl-usul jeneng panganan iki. Ana panemu bilih tembung "chanpurū" asale saka tembung "campur" basa Indonesia.[1] Senajan kaya mangkono, tetembungan basa Jepang uga ngenal tembung "champon" kang tegese "nyampur" utawa "masakan campur bawur".[2] Ing basa Mandarin, "chān" () uga tegese "nyampur".

Wong Okinawa bombong karo budhaya Ryukyu kang campur bawur karo kabudhayan manca saka Asia Tenggara, China, lan Amerika. Budhaya Okinawa kerep diarani minangka budaya chanpurū (chanpurū bunka) dening wong Okinawa.

Referensi[sunting | sunting sumber]

  1. ^ "Chanpurū shokubunka". Doraku asahi.com. http://doraku.asahi.com/earth/japan/okinawa/060720.html. Retrieved 12 Januari.
  2. ^ Sanseidō kokugo jiten (Ed.3 ed.). Sanseidō. 1982. ISBN 4-385-13187-2.

Pranala njaba[sunting | sunting sumber]

Logo Wikimedia Commons
Pirsani galeri bab Chanpurū ing Wikimedia Commons.


Sumber artikel punika saking kaca situs web: "http://jv.wikipedia.org/w/index.php?title=Chanpurū&oldid=832644"