Changnyeong

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Changnyeong

Changnyeong (창녕군) inggih menika satunggaling kabupatèn ingkang mapan wonten ing propinsi Gyeongsang Kidul, Korea Kidul.[1] Kabupatèn menika gadhah wewengkon perlindungan alam liar ingkang tasih alami lan situs-situs kuno mawi sejarah.[1] Nakdong-gang, lèpèn paling dawa wonten wonten ing Korea Kidul, mili nglewati wewengkon menika sadèrèngipun tumuju muara dhateng Selat Korea.[1]

Rawa Upo[sunting | sunting sumber]

Rawa Upo (우포늪) inggih menika rawa ingkang mapan wonten ing wewengkon Kabupatèn Changnyeong.[2] Rawa menika kalebet bageyan saking dhataran teles lan rawa paling wiyar ing [Korea]] ingkang ginanipun kanggé papan nglestantunaken ekologi.[3] Rawa Upo sareng kalihan dhaérah rawa sanesipun ing wewengkon menika, kados Mokpo, Sajipo, lan Jjokjibeol dipunparingi nama sistem Rawa Upo .[2] Wiyaripun sedaya Rawa Upo menika dumugi 2 juta m².[1]

Tilaran sejarah[sunting | sunting sumber]

Seokbinggo
Situs Makam Gaya

Changnyeong menika kathah tilaran sejarah kadosta :

  • Changnyeong Seokbinggo utawi Griya Es Changnyeong menika jinising gudhang ing nginggilipun lemah ingkang dipunginakaken kanggé nyimpen watu ès.[1] Seokbinggo dipunbangun nalika masa Dinasti Joseon (1392-1910) lan kalebet Harta Nasional Korea Selatan No.310.[1]
  • Cheok-gyeongbi (monumen watu) inggih prasasti ingkang dipunbangun déning Raja Jinheung saking Silla.[1] Monumèn menika kalebet harta nasional nomor 33 lan mapan wonten ing taman Manokjeong, kutha Changnyeong.[1] Cheok-gyeongbi jumeneng ing taun 561 kanggé mengeti penaklukkan Silla awit saking kerajaan Bihwa Gaya.[1]
  • Changnyeong cheok-hwabi menika salah satunggaling monumèn ingkang dipunbangun déning Heungseon Daewongun (bapak Kaisar Gojong) nalika taun 1871 ing sedaya negeri minangka lambang nentang marang imperialisme kulon.[1]
  • Changnyeong-gaeksa menika bangunan panyipengan tua ingkang jumeneng kirang langkung 300 taun kepengker.[1] Bangunan ingkang dipundamel tanpa ngginakaken piranti paku menika sampun bola-bali dipunpindhah lan dipunbangun malih, ananging tasih nedahaken arsitèktur ingkang asli.[1]
  • Pagoda tiga tingkat ing desa Suljeong. Pagoda menika dipunanggep sami éndahipun kalihan Pagoda Seokga ing Kuil Bulguk ing Gyeongju lan dipunbangun kanthi wekdal ingkang sami, ananging bagéyan pucukipun boten kantun malih. Jejulukipun menika Pagoda Wetan.
  • Kompleks Gundukan Makam Gyodong.[4] Situs makam menika kalebet Situs Mawi Sejarah Korea Selatan No.80 ingkang ndhapuk gundukan-gundukan bukit alit ingkang kalebet tilaran Kerajaan Bihwa Gaya.[4]
  • Museum Changnyeong inggih menika muséum ingkang nedahaken 1.012 artefak tilaran Kerajaan Bihwa Gaya.[1]
  • Gwallyongsa utawi Kuil Gwallyong inggih menika kuil ingkang mapan wonten ing sikiling Gunung Hwawang.[1] Kuil menika dipunbangun nalika masa kerajaan Silla.[5] Aula utami kuil, Yaksa-jeon sarta patung Buddhanipun kalebet harta nasional.[5]

Hwawangsan[sunting | sunting sumber]

Gunung Hwawang

Hwawangsan utawi Gunung Hwawang inggih menika gunung kanthi inggil 2.600 meter lan kondhang minangka objek wisata amargi kaéndahanipun. [1] Nalika mangsa semi, Hwawangsan kebak kalihan kembang azalea kanthi werna ungu.[6] Dene nalika mangsa panas saking wewatuan menika medal tuk (mata air).[1] Ing mangsa gugur gegodhongan ing gunung menika wonten wernanipun lan padang suketipun dados kuning kados emas ugi kebak kalihan kembang eulalia.[1][6] Ing gunung menika saben taun dipunwontenaken festival kembang api.[1] Ing Hwawangsan wonten Bèntèng Hwawangsan ingkang dipunbangun déning Jenderal Gwak Jae-u nalika masa Dinasti Joseon minangka perlindungan ing masa Invasi Jepang dhateng Korea ing taun 1592.[6]

Cathetan suku[sunting | sunting sumber]

Commons-logo.svg
Wikimedia Commons gadhah galeri bab:

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Changnyeong&oldid=843447"