Champon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Shikairō champon

Champon (ちゃんぽん?) (chanpon) utawa Nagasaki champon yaiku mi godhog khas kutha Nagasaki. Champon mujudake variasi saka mi godhog cara Tionghoa. Bahan nggawene yaiku daging babi, panganan laut kang isih usum, kamaboko, lan janganan (kul, tauge) digongso karo gajih babi. Banyu kaldu saka campuran balung babi utawa balung pitik ditambahake kanggo nggodhog mi nganti empuk. Ing Korea, masakan kang meh padha karo chmampon diarani Jjampong (짬뽕), lan dimasak nganggo tambahan lombok. Ing Okinawa, champon tegese sapiring sega salawuhe.

Etimologi[sunting | sunting sumber]

Ing basa Jepang, tembung "champon" tegese masak campuran maneka werna bahan pangan utawa nyampur rong jinis bahan pangan kang beda. Tembung iki asale saka basa Tionghoa: 攙烹 (chānpēng).[1] Saliyane iku, wong diarani nganggo basa champon yen ngomong nganggo basa Jepang dicampur basa asing. Kanggone wong Kyushu, "champon" tegese campuran maneka warna ombèn-ombèn ngandhut alkohol utawa nyampur maneka warna lawuh dadi siji.[2] Saliyane kuwi, tembung "champon" mbokmenawa saka dialek Fujian, "shapon" kang tegese mangan.[3]

Cathetan suku[sunting | sunting sumber]

  1. ^ Sanseidō kokugo jiten (Ed.3 ed.). Sanseidō. 1982. ISBN 4-385-13187-2.
  2. ^ Rurubu Free Nagasaki (Autumn 2007): 7.
  3. ^ "Food Culture". Dewan Pariwisata Kota Nagasaki. http://www.at-nagasaki.jp/foreign/english/about/culture/. Retrieved 12 Januari.
Sumber artikel punika saking kaca situs web: "http://jv.wikipedia.org/w/index.php?title=Champon&oldid=832615"