Chamaeleon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
CHAMAELEON

Peta Chamaeleon
Daftar lintang ing Chamaeleon
Cekakan Cha
Genitif Chamaeleontis
Asensio rekta 11
Deklinasi −80
Area 132 derajad pesagi (#79th)
Lintang utama 3
Lintang
Bayer/Flamsteed
16
Lintang
mawa planèt
1
Lintang padhang 0
Lintang cedhak 0
Lintang paling padhang α Cha (4.05m)
Lintang paling cedhak α Cha ( tc)
Obyèk Messier 0
Udan météor None
Rasi lintang
sing wewatesan
Musca
Carina
Volans
Mensa
Octans
Apus
Katon antara lintang +0° lan −90°.
Katon paling cetha ing wektu 21.00 jroning sasi April.
'

Chamaeleon ( /kəˈmliən/) inggih punika salah satunggaling rasi lintang ingkang alit lan lemah ingkang mapan wonten ing wilahan langit sisih kidul. Rasi lintang punika sepindhaipun dipunandharaken ing abad kaping enem welas déning astronom lan kartografer saking Walandi, Petrus Plancius saking asiling observasi lan panalitèn panaliti saking Walandi inggih punika Pieter Dirkszoon Keyser lan Frederick de Houtman.[1] Chamaeleon sepindhahipun dipungambaraken wonten ing atlas langit ing Uranometria Johann Bayer ing taun 1603.

Lintang-lintang[sunting | sunting sumber]

Rasi lintang Chamaeleon gadhah dhaérah ingkang ambanipun kirang langkung 132 drajat pesegi lan ngewrat setunggal lintang ingkang dipunmangertosi minangka planèt-planèt. Rasi lintang punika saged dipuntingali ing garis lintang antawisipun +0° lan -90° lan paling saé dipuntingali ing jam 9 dalu ing salebeting wulan April. Boten wonten lintang ing Chamaeleon ingkang padhangipun langkung saking sekawan magnitudo. Déné lintang-lintang ingkang wonten ing rasi lintang punika inggih kados mekaten:

  • Lintang ingkang paling padhang wonten ing rasi lintang Chamaeloen inggih punika lintang Alpha Chamaeleontis ingkang tebihipun kirang langkung 63,5 taun cahya saking bumi lan gadhah magnitudo 4,07.
  • Gamma Chamaeleontis inggih punika lintang ingkang paling padhang nomer kalih wonten ing rasi lintang Chamaeleon. Gamma Chamaeleontis inggih gadhah magnitudo 4,11.
  • Beta Chamaeleontis inggih punika lintang ingkang paling padhang nomer tiga ing rasi lintang Chamaeleon, inggih kalebet lintang tipe B ingkang tebihipun kirang langkung 270 taun cahya saking bumi, kanthi variasi magnitudo antawisipun 4,14 lan 4,30.
  • Chamaeleon ugi gadhah saperangan lintang binar inggih punika delta -1, epsilon, lan theta Chamaeleontis, ingkang minangka lintang binar ingkang amab.

Objèk langit lebet[sunting | sunting sumber]

Objek langit bagéyan lebet ingkang dipunpanggihaken ing Chameleon ing taun 1999. Objèk punika minangka kluster ingkang boten limrah ingkang ngewrat udakawis 12 lintang ingkang paling enèm (8 milyar taun umuripun), ingkang mapan wonten ing punjering eta Chamaeleontis. Punika inggih kluster kebikak ingkang sepindhah dipunpanggihaken amargi objèk punika minangka anggota saking lintang sinar X. Kluster eta Chamaeleontis inggih gadhah wujud ingkang boten limrah amargi objèk punika medal kanthi kaisolasi, boten gadhah lebu utawi gas awan ingkang padatanipun ngewrat ing objèk lintang sanèsipun.[2]

Chamaeleon inggih taksih kalebet satunggaling kulawarga rasi lintang Johann Bayer, sesarengan kaliyan rasi lintang Hydrus, Dorado, Volans, Apus, Pavo, Grus, Phoenix, Tucana, Indus lan Musca. Déné rasi lintang sanèsipun ingkang wonten ing sak kiteripun rasi lintang Circinus inggih punika Musca, Carina, Volans, Mensa, Octans lan Apus. [3]

Cathetan suku[sunting | sunting sumber]

  1. ^ Ridpath & Tirion 2001, hlm. 116-117.
  2. ^ Luhman, K.L. & Steeghs, D. 2004, ApJ, 609, 917
  3. ^ (en)Chamaeleon(dipunundhuh tanggal 23 Pebruari 2013)
  • Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
  • Ridpath, Ian; Tirion, Wil (2007), Stars and Planets Guide, Princeton University Press, ISBN 978-0-691-13556-4
  • Staal, Julius D.W. (1988), The New Patterns in the Sky: Myths and Legends of the Stars, The McDonald and Woodward Publishing Company, ISBN 0-939923-04-1
Sumber artikel punika saking kaca situs web: "http://jv.wikipedia.org/w/index.php?title=Chamaeleon&oldid=863820"