Chairul Tanjung
| Chairul Tanjung | |
|---|---|
 | |
| Rerincèn dhiri | |
| Lair | Juni 16, 1962 Jakarta, Indonésia |
| Sisihan | Anita Ratnasari Tanjung |
| Anak | Putri Indahsari Rahmat Dwiputra |
| Almamater | Fakultas Kedhokteran Gigi Universitas Indonésia/S1 (purna;1987) Institut Pendidikan lan Pembinaan Manajemen (IPPM)/S2 (purna;1992) |
| Panggaota | Ingkang Kagungan (CEO) utama CT Corp |
| Agama | Islam |
Chairul Tanjung (lair ing Jakarta, 16 Juni 1962; umur 61 taun) inggih punika pangusaha saking Indonésia. Chairul Tanjung misuwur minangka konglomerat Indonésia ingkang namanipun naté kacathet ing urutan 927 saking 1000 tiyang paling sugih sadonya versi kalawarti Forbes kanthi kasugihan USD 1 Milyar.
Chairul Tanjung ngrembakaken perusahaan Para Group, salajengipun nama kasebat dipun-gantos dados CT Corp. Lumrahé CT Corp kapérang dados tigang perusahaan subholding inggih punika Mega Corp, Trans Corp, lan CT Global Resources.Mega Corp inggih punika perusahaan induk kanggé jasa keuangan ingkang nglayani masarakat ing babagan perbankan, asuransi, pambeyayaan, lan pasar modal. Trans Corp punika perusahaan bisnis medhia, gaya pagesangan, lan hiburan. Wonten ing perusahaan punika, wonten kalih stasiun TV, inggih punika Trans TV lan Trans 7.
Pagesangan lan Karieripun[besut | besut sumber]
Chairul miyos ing jaman orde lama ing Jakarta. Panjenenganipun punika putranipun A. G Tanjung ingkang nyambut damel dados wartawan lan sampun ngedalaken gangsal ariwarta.[1] Nalika jaman samanten ramanipun kepeksa nutup perusahaan pers-ipun amargi bènten prinsip kaliyan panguwaos pulitik ing jaman samanten.[1]
Nalika taun 1981, Chairul mlebet Universitas Indonésia kanthi milih jurusan kadhokteran waja. Amargi agengipun beaya kuliah, ndadosaken Chairul nyobi kanggé sadean manéka warni barang/piranti kanggé mbiyayani kuliahipun. Panjenenganipun miwiti sadean kaos, buku kuliah, lan manéka warni piranti kadhokteran. Sasampunipun Chairul lulus, lajeng nyobi kanggé mbika toko piranti medhis lan ugi piranti laboratorium nanging ngalami bangkrut. Sasampunipun punika, Chairul ugi nyobi satunggalipun babagan usaha kontraktor lan sampun ngerjakaken manéka proyek indhustri mliginipun piranti saking rotan. Sasampunipun punika Chairul nyobi yasa perusahaan Pariarti Shindutama kaliyan kanca-kancanipun. Kawitanipun, perusahaan punika sampun nandhangi jinis ekspor. Ekspor-ipun inggih punika sepatu. Bisnis Chairul dados minggah amargi perusahaanipun angsal pesenan 160 èwu pasang sepatu lare alit saking Italia. Nalika samanten Chairul gadhah pamikiran ingkang bènten kaliyan kanca bisnisipun, saéngga Chairul nyobi kanggé ngembangaken bisnisipun piyambak.[2]
Pendidikan[besut | besut sumber]
- SD Van Lith, Jakarta (1975)
- SMP Van Lith, Jakarta (1978)
- SMA Negeri I Boedi oetomo, Jakarta (1981)
- Fakultas Kedhokteran Gigi, Universitas Indonésia (1987)
- Executive IPPM (MBA; 1993)[2]
Cathetan suku[besut | besut sumber]
- ↑ a b orangterkayaindonesia.com (30 April 2012). "Profil Chairul Tanjung – Putra Seorang Wartawan". OneEarthMedia. Diarsip saka sing asli ing 23 August 2012. Dibukak ing 20 Juli 2012.
- ↑ a b Almas Adibah. "Chairul Tanjung". merdeka.com. Dibukak ing 20 Juli 2012.
Pranala njawi[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |