Carina

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
CARINA

Peta Carina
Daftar lintang ing Carina
Cekakan Car
Genitif Carinae
Asensio rekta 9
Deklinasi −60
Area 494 derajad pesagi (#34th)
Lintang utama 9
Lintang
Bayer/Flamsteed
52
Lintang
mawa planèt
9
Lintang padhang 6
Lintang cedhak 1
Lintang paling padhang Canopus (α Car) (−0.72m)
Lintang paling cedhak LHS 288 ( tc)
Obyèk Messier 0
Udan météor
Rasi lintang
sing wewatesan
Katon antara lintang +20° lan −90°.
Katon paling cetha ing wektu 21.00 jroning sasi Maret.
'

Carina (play /kəˈrnə/) inggih punika salah satunggaling rasi lintang ingkang padhang ingkang mapan wonten ing wilahan langit sisih kidul.[1] Carina punika nami Latin saking bagéyan ing kapal, lan rasi lintang punika maujud saking bagéyan ing rasi lintang ingkang langkung ageng inggih punika Argo Navis (kapal Argo), ngantos rasi lintang punika dipunpérang dados tigang bagéyan, déné bagéyan ingkang kalih inggih punika dados rasi lintang Puppis lan Vela.

Sujarah lan mitos[sunting | sunting sumber]

Carina inggih punika salah satunggaling bagéyan saking Argo Navis, kapal ageng saking Jason lan the Argonauts ingkang nembé pados tambang emas. Ananging lajeng Nicolas Louis de Lacaille mérang Argo dados tigang bagéyan ing taun 1763.[2]

Lintang-lintang[sunting | sunting sumber]

Rasi lintang Carina gadhah dhaérah ingkang ambanipun kirang langkung 494 drajat pesagi lan ngewrat pitung lintang ingkang dipunmangertosi minangka planèt-planet. Rasi lintang punika saged dipuntingali ing garis lintang ing antawispun +20° lan -90° saha badhé ketingal paling saé menawi dipuntingali ing jam 9 dalu ing salebeting sasi Maret. Rasi lintang punika gadhah kathah objèk ingkang narik kawigatosan kanggé dipuntliti. Déné lintang-lintang ingkang wonten ing rasi lintang punika inggih kados mekaten:

  • Alpha Carina utawi ugi dipunsebat Canopus inggih punika lintang ingkang paling padhang nomer kalih wonten ing rasi lintang punika. Lintang punika mapan wonten ing papan ingkang tebihipun 700 taun cahya saking bumi. Canopus gadhah magnitudo ingkang cetha inggih punika -0,72, ingih punika langkung bening kaping 15.000 tinimbang srengéngé, lan kalebet tipe cahya super raseksa tipe F. Lintang Canopus boten saged dipuntingali saking garis lintang lèr 37°18’.

Wonten lintang sanèsipun ingkang gadhah magnitudo udakawis tiga ing Carina. Beta Carine, utawi gadhah nami tradhisional Miaplacidus, inggih punika lintang biru ngantos pethak ingkang gadhah magnitudo 1,7, ingkang tebihipun 111 taun cahya saking bumi. Epsilon Carinae inggih punika lintang ingkang gadhah cahya oranye, ingkang mèh sami kaliyan lintang Miaplacidus kanthi magnitudo 1,9 lan tebihipun 630 taun cahya saking bumi. Theta Carinae inggih punika lintang padhang sanèsipun kanthi werna biru ingkang gadhah magnitudo 2,7 lan tebihipun 440 taun cahya saking bumi. Theta Carinae inggih ugi minangka anggota pokok saking kluster IC 2602. Iota Carinae inggih punika lintang ingkang gadhah cahya super raseksa pethak kanthi magnitudo 2,2 lan tebihipun 690 taun cahya saking bumi.[2]

Objek langit lebet[sunting | sunting sumber]

Carina inggih ugi dipunmangertosi minangka Nebula Carina, NGC 3372 [3] ingkang dipunpanggihaken déning astronom saking Prancis, Nicolas Louis de Lacaille ing taun 1751, ingkang ngewrat sapérangan nebula. Nebula Carina ing sedayanipun inggih ngewrat émisi kolosal nebula ingkang tebihipun kirang langkung 8000 taun cahya lan gadhah périodhe ingkang cepetipun 300 taun cahya, [4] kanthi magnitudo 8,0. Carina ugi ngewrat kluster globular NGC 2808 ingkang saged dipuntingali kanthi mripat langsung.

Epsilon Carinae lan Upsilon Carinae inggih punika lintang rangkep kalih ingkang ketingal kanthi teleskop ingkang alit.

Carina taksih kalebet wonten ing kulawarga rasi lintang Heavenly Waters sesarengan kaliyan rasi lintang Delphinus, Equuleus, Eridanus, Piscis Austrinus, Puppis, Vela, Pyxis lan Columba. Déné rasi lintang sanèsipun ingkang wonten ing sak kiteripun Carina inggih punika rasi lintang Vela, Puppis, Pictor, Volans, Chamaeleon, Musca lan Centaurus.

Cathetan suku[sunting | sunting sumber]

  1. ^ (en)Carina(dipunundhuh tanggal 23 Pebruari 2013)
  2. ^ a b Ridpath & Tirion 2001, hlm. 104–106.
  3. ^ Levy 2005, hlm. 100.
  4. ^ Wilkins & Dunn 2006, hlm. [kaca pira?].
  • Levy, David H. (2005). Deep Sky Objects. Prometheus Books. ISBN 978-1-59102-361-6.
  • Makemson, Maud Worcester (1941). The Morning Star Rises: an account of Polynesian astronomy. Yale University Press.
  • Ridpath, Ian; Tirion, Wil (2001). Stars and Planets Guide. Princeton University Press. ISBN 978-0-691-08913-3.
  • Wilkins, Jamie; Dunn, Robert (2006). 300 Astronomical Objects: A Visual Reference to the Universe (1st ed.). Buffalo, New York: Firefly Books. ISBN 978-1-55407-175-3.
Sumber artikel punika saking kaca situs web: "http://jv.wikipedia.org/w/index.php?title=Carina&oldid=863817"