Cao
 Cao kang disajekake ana ing gelas |
|
| Informasi | |
|---|---|
| Asal | Asia Tenggara |
| Penyajian lan bahan | |
| Bahan | Godhong Cao |
Cao utawa Cincau (Hanzi: 仙草, pinyin: xiancao) yaiku gèl kang mèmper ager-ager. [1]Cao digawé saka cem-ceman godhong tanduran cao.[1] Gèl kabentuk awit godhong tanduran iku ngandhut karbohidrat kang bisa ngiket molekul-molekul banyu. [1]
Tembung cao asalé saka dialék Hokkian sienchau (Hanzi: 仙草, pinyin: xiancao) kang biyasané diunékaké wong Tionghoa ing Asia Tenggara.[1] Cao dhéwé ing basa asalé sabenere yaiku jeneng tanduran (Mesona spp.) kang dadi bahan kanggo nggawé gel iki.[1]
Cao paling akeh digunakaké dadi bahan kanggo nggawé ombènan kayata ès cao utawa ès campur.[1] Cao uga nduwéni éfék penyejuk lan peluruh.[1]
Bab lan Paragraf |
Carané nggawé [sunting]
Cara nggawé cao kang sepisanan yaiku kanthi ngrendhem godhong cao kang wis diremes-remes utawa diajurké.[1] Ana uga kang nggunakaké kanthi cara nggodhog godhong cao dhisik.[1] Sawisé iku banjur diwénéhi soda kué.[1] Soda kué iki gunané kanggo ngawétaké.[1] Werna cao akéh macemé, ana kang nduwéni werna ijo kenthel, ireng transparan. [1]Konsistensiné uga werna-werna.[1] Werna lan konsistensi iki béda-béda awit tanduran kang dianggo nggawé uga béda-béda.[1]
Tanduran kang ngasilaké cao [sunting]
Tanduran kang ngasilake cao yaiku:
- Tanduran saka genus Mesona, khususé M. procumbens, M. chinensis kang akéh ditandur ing Tiongkok bageyan kidul lan Indocina, utawa M. palustris (misuwur kanthi jeneng lokal Janggelan) kang akeh ditemokake ing Indonésia, tanduran iki ngasilaké cao kang wernané ireng.[1]
- Cylea barbata Myers utawa cao ijo, ngasilaké cao kang werna ijo lan rada luwih kentel konsistensiné.[1]
- Melasthoma polyanthum utawa cincau perdu.[1]
"Woh" botani dudu woh ananging syconia Ficus pumila (fikus rambat) ing Tiongkok uga digunakaké dadi bahan jinis cao liyané kang diarani "pai-liang-fen"[2] Woh iki didol dadi grass jelly kaya cao utawa ai-yu jelly.[2]
Cao ijo [sunting]
Tanduran cao ijo (C. barbata Myers.) mrambat, godhongé nduwéni werna ijo pucet lan ana rambuté ing dhuwur godhong.[3] Saliyané ngasilaké cao, ékstrak tanduran iki uga ngandhut zat anti-protozoa, tetrandine, yaiku alkaloid, khususé marang panyebab malaria Plasmodium falciparum.[3]
Cathetan suku [sunting]
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
