Candil Seurieus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Candil Seurieus

Dian Dipa Chandra' ning masarakat kondhang karo jeneng Candil yakuwi penyanyi rock saka Indonésia kang wiwitanế kondhang amarga dadi vokalis grup band Seurieus.[1] Grup musik kang digarap dening dheweké kuwi kondhang amarga tembangan kang judulé Rocker Juga Manusia.[1] Priya kang lair ning tanggal 25 Agustus 1974 iki nikah karo wanita kang jenengé Fanny, saiki wis duwe anak siji kang dijenengi Biya.[1]

KARIR[sunting | sunting sumber]

Kariré ning donya hiburan Indonésia diwiwiti bebarengan karo Ezy (kibor), Koko (gitar), Hayam (drum), Mulek (bass), lan Deenar (gitar) kang nggabung ning grup musik kang dijenengi Seurieus.[1] Bebarengan karo Seurieus dheweké wis ngerilis ROCKS BANG-GET (2003), ROCKER JUGA MANUSIA (2004), HEART ROCK (2006), SAMA-SAMA CARI MAKAN (2007), lan SERDADU ROCK (2008).[1]

Ora namung nembang, dheweké uga tau tampil dadi cameo ning film-film Indonésia, kayata dadi waria ning film kang judulé THE TARIX JABRIX lan ning film kang judulé ASOY GEBOY.[1] Ning taun 2008, Candil ditawari kanggo ngerjakaké scoring film KAWIN LARIS.[1] Ora namung kuwi, dheweké uga kapilih dadi paraga kanggo tokoh Mahmud, yakuwi asisten penghulu ning film kasebut.[1]

Ananging, sasuwené 14 taun bebarengan karo Seurieus, Candil mutusakjudulé kanggo metu saka band kang wis gawe dheweké kondhang ning donya hiburan Indonésia awit Desember 2008.[2][1] Dheweké luwih seneng solo karir amarga bisa ngejak duet para penyanyi lan musisi Indonésia.[2] Ora namung sibuk kanggo akting ning layar lebar, bapak kang wis duwe anak loro iki lagi nggarap album soloné.[1]

Sasuwené nggarap album solo, Candil wis ngelakoni kolaborasi karo musisi-musisi liyané kaayata Peterpan lan Saykoji.[1] Candil nyambut gawe karo Peterpan kanggo nggarap single kang berjudulé Ayah.[1] Ananging kerja sama karo Saykoji kuwi kanggo nggarap soundtrack ning film garapané kang judulé SELENDANG ROCKER.[1]

Cathetan Suku[sunting | sunting sumber]

  1. ^ a b c d e f g h i j k l m (id)biografi Candil Seurieus dipununduh tanggal 18 September 2011
  2. ^ a b (id)berita Candil Seurieus dipununduh tanggal 18 September 2011
Sumber artikel punika saking kaca situs web: "http://jv.wikipedia.org/w/index.php?title=Candil_Seurieus&oldid=851679"