Candhi Sambisari
Candhi Sambisari inggih punika salah satunggalipun candhi tilaran mangsa kajayaanipun agami Hindu ing Pulo Jawa ingkang miturut administrasinipun wonten ing wewengkon Kabupatèn Sléman, Provinsi Dhaerah Istimewa Yogyakarta (DIY).[1] Candhi menika kalebet candhi aliran Syiwaistis ingkang dipunwangun ing abad X déning Wangsa Syailendra.[1] Candhi Sambisari nembe dipunpangggihi ing taun 1966 déning tiyang tani ingkang asmanipun Karyoniangun ingkang nembe macul sabinipun.[1][2]
Awit pamanggihan Candhi menika, Balé Arkéologi Yogyakarta lajeng ngawontenaken panalitén lan ékskavasi.[1] Adhedhasar panaliten bab géologis watu candhi lan siti ingkang sampun ngurug candhi sadangunipun atusan taun, candhi kanthi inggil 7,5 méter menika kinten-kinten kaurug déning material Gunung Merapi ingkang mbledhos ing wulan 1006 Maséhi.[1][3] Salajengipun, saking asil panalitèn ingkang dipunwontenaken ing wulan Juli 1966, pikantuk asil bilih wewengkon kasebat panci satunggalipun situs candhi.[1] Nalika taksih proses panalitèn (pangerukan) ugi dipunpanggihi kathah piranti ingkang nggadhahi sajarah, kados tembikar, emas, lan prasasti ingkang dipundamel saking emas.[1] Miturut tim ingkang neliti, pamanggihan kathah piranti kasebat dados indhikasi bilih Candhi Sambisari dipunwangun déning Raja Rakai Garung.[1][2] Sasampunipun ékskavasi dipunwontenaken, lajeng dipunwiwiti prosés panataan (panyusunan) malih candhi ingkang ing wekdal semanten taksih misah-misah.[1] Awit saking menika, situs candhi kasebat lajeng dipundadosaken minangka wewengkon suaka budaya.[1]
Taun 1987, Balé Arkéologi Yogyakarta ngawontenaken pamugaran lan rekonstruksi candhi.[1] Saking prosés rekonstruksi kasebat, pikantuk asil bilih wontenipun Candhi Sambisari menika ing jero 6,5 méter saking siti sisih nginggil.[1] Amargi menika, déning masyarakat ing mrika, candhi menika dipunsebat minangka Candhi Salebeting Siti.[1]
Cathetan suku [sunting]
Pranala njawi [sunting]
(id)Candi Sambisari
|
|||||||
|
|||||
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
