Caesarion

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sawijining relief Cleopatra lan Caesarion ing kuil Dendera, Mesir

Ptolemy XV Philopator Philometor Caesar (dipunjuluki Caesarion (Caesar alit), basa Yunani: Πτολεμαίος ΙΕ' Φιλοπάτωρ Φιλομήτωρ Καίσαρ, Καισαρίων, 23 Juni 47 SM – Agustus 30 SM) punika firaun pungkasan ing dinasti Ptolemeus ing Mesir. Panjenenganipun mréntah wiwit yuswa 3 taun sesarengan ibunipun, Cleopatra VII, saking 2 September 44 SM dumugi Agustus 30 SM, nalika panjenenganipun dipunsédani déning Oktavianus, ing salajengipun dados kaisar Romawi Augustus.

Panjenengangipun punika putra kakung paling sepuh Cleopatra VII. Kamungelan ageng ramanipun inggih punika Julius Caesar. Mila leres mekaten, panjenenganipun punika putra kandhung Caesar satunggal-satunggalipun.

Biografi[sunting | sunting sumber]

Ptolemy XV, kadhang dipunsebat "Ptolemy Caesar", biasanipun dipunkenal kanthi asma panggilan "Caesarion", dipunwiyosaken ing Mesir taun 47 SM lan nglampahi kalih taun, saking 46-44 SM, ing Roma, ing pundi panjenenganipun lan ibunipun punika tamu Caesar. Cleopatra VII ngajeng-ngajeng bilih yoganipun badhé nerasaken ramanipun Caesar dados kepala Républik Romawi lan Mesir. Sasampunipun pamejahan Caesar tanggal 15 Maret 44 SM, Cleopatra lan Caesarion kundur malih ing Mesir. Caesarion dados raja lan sesarengan mréntah kaliyan ibunipun wiwit 2 September 44 SM ing yuswa 3 taun, éwadéné panjenenganipun namung njawat minangka raja, sauntawis Cleopatra VII mréntah piyambak.

Ing mangsa sadèrèngipun sengketa antawis Markus Antonius kaliyan Octavianus, Antonius, ing wekdal semanten nguwaosi Républik ing triumvirat kaliyan Oktavianus lan Lepidus, maringi dhaérah-dhaérah kakuwosan ing wétan lan gelar-gelar dhumateng Caesarion lan dhumateng 3 yoga Markus Antonius sesarengan Cleopatra. Caesarion dipunparingi gelar "Raja segala Raja". Ingkang paling ngancam Oktavianus (ingkang kakuwosanipun dipundhasaraken ing statusipun minangka putra kaponakan lan putra angkat Julius Caesar), Antonius maringi gelar Caesarion putra kandhung lan ahli waris Caesar. Pranyatan puniki njalari sengkéta serius antaranipun Antonius lan Oktavianus, ingkang ngumumaken perang nglawan Antonius lan Cleopatra.

Nalika Oktavianus nyerang Mesir taun 30 SM, Cleopatra VII ngintun Caesarion, wekdal punika yuswanipun 17 taun, nuju palabuhan Segara Abang Berenice kanggé kaamananipun, kanthi rencana mlajar nuju India. Oktavianus nglenggahi kitha Alexandria tanggal 1 Agustus 30 SM, tanggal nalika Mesir dipunlebetaken ing Républik Romawi. Markus Antonius sampun nglalu sadèrèngipun Oktavianus mlebet ing ibukutha; Cleopatra tumut nglalu tanggal 12 Agustus 30 SM. Panjaga-panjaga Caesarion, kalebet gurunipun, ngianati panjenenganipun lan Oktavianus mréntahaken pamejahan Caesarion.

Oktavianus salajengipun mréntah Mesir. Taun 30 SM BC dipunanggep minangka taun sepisanan pamaréntahan raja enggal sami kaliyan sistem pananggalan tradhisional Mesir. Ing daftar-daftar wekdal semanten Oktavianus dipunsebat minangka firaun lan pangganti Caesarion.

Dipundhisikki déning:
Ptolemy XIV lan Cleopatra VII
Firaun
kaliyan Cleopatra VII
Dipunterusaken déning:
Augustus
Sumber artikel punika saking kaca situs web: "http://jv.wikipedia.org/w/index.php?title=Caesarion&oldid=813907"