CIA World Factbook

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cover CIA World Factbook 2007 (edisi pamaréntah).
Edisi online saka Factbook, Februari 2007.

CIA World Factbook (ISSN 1553-8133; ing Amérika Sarékat disebut The World Factbook), iku sawijining publikasi taunan saka Central Intelligence Agency (CIA), badan intèlijen Amérika Sarékat. CIA World Factbook (dicekak Factbook waé) isi data-data almanak ngenani negara-negara ing donya. Ing njeroné ana ringkesan 2-3 kaca bab masalah demografi, geografi, komunikasi, pamaréntahan, ekonomi lan militer saka 268 negara utawa dependensi sing diakoni déning Amérika Sarékat.

Tujuan utama saka panulisan buku iki yakuwi kanggo nyadiakaké informasi marang para pegawai pamaréntah Amérika Sarékat. Nanging, Factbook uga kerep dipigunakaké minangka sumber utawa referensi déning mahasiswa, pelajar, utawa publikasi-publikasi liyané. Amarga arupa karya pegawai pamaréntah AS, Factbook dumunung ing domain umum (public domain).

Sumber-sumber Factbook[sunting | sunting sumber]

Jroning nyusun factbook, CIA migunakaké manéka werna sumber, antara liya

Lan uga migunakaké sumber-sumber publik utawa swasta liyané.

Hak cipta[sunting | sunting sumber]

Factbook dumunung ing domain umum. Amarga saka kuwi, sapa waé nduwèni hak kanggo nyebaraké, nyalin utawa ngowahi isiné. Senadyan mangkono, CIA nyuwun supaya jeneng Factbook disebutaké yèn dikutip isiné. Amarga dumunung ing domain umum, akèh website lan buku sing migunakaké informasi lan gambar saka Factbook.

Kacumepakan[sunting | sunting sumber]

Edhisi cithak Factbook sumadya jroning rong jinis, yaiku edhisi pamaréntah lan edhisi cithak saka Potomac Books Inc.. Edhisi online saka Factbook uga sumadya ing internet. Factbook uga tau dipublikasèkaké jroning wangun CD-ROM, kaset tape, microfiche, lan disket.

Sadurungé taun 2001, Factbook dianyaraké saben taun. Biasané edhisi paling anyar diterbitaké saben tanggal 1 Januari. Wiwit taun 2001, CIA nganyaraké edhisi online Factbook saben rong minggu. Edhisi cithak tetep dianyaraké saben 1 taun.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=CIA_World_Factbook&oldid=821981"