Bulgogi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bulgogi
Korean.food-Bulgogi-01.jpg
Jeneng Koréa
Hangul 불고기
Hanja ora ana
Alih aksara
Anyar
Bulgogi
McCune-
Reischauer
Pulgogi

Bulgogi (basa Korea: geni, lan 고기 daging) iki masakan daging saka Korea. Daging kang digunakaké kayata daging jinissirloin utawa daging kang apik saka sapi.

Bumbu bulgogi iku campuran kécap asin lan gula ditambah bumbu liyané manut karo resep lan panggonané ing Koréa. Sadurungé dipangan, godhong slada digunakaké kanggo mbuntel bulgogi karo kimchi, bawang, utawa micin.

Ing Jepang, panganan kang kaya bulgogi diarani Yakiniku. Dibandingaké karo Yakiniku, bumbu daging kanggo bulgogi digawé luwih legi. Banyu ing bumbuné rada akèh, lan daging ora dipanggang ing plat wesi (teppan), nanging bisa dipanggang ing panci sing rata.

Bulgogi dipercaya wis ana wiwit jaman Goguryeo (37 SM-668 M), nalika iku bulgogi isih diarani maekjeok (맥적). Wujudé arupa daging sapi kang disunduki kaya saté.[1] Iku diarani neobiani (너비 아니), kang tegesé daging tipis amba. Nalika Dinasti Joseon panganan iki disajèkaké kanggo para tamu sugih utawa bangsawan.

Bulgogi miturut makna harfiah tegesé daging geni ing basa Koréa. Maksudé yaiku, anggoné masak daging iku kanthi cara dibakar nganggo geni. Ana jeneng liya saliyané iku, kayata dak Bulgogi, kang digawé saka daging pitik, lan dwaeji Bulgogi kang digawé saka daging babi.[2]


Cathetan sikil[sunting | sunting sumber]

  1. ^ (en)The origin of bulgogi, official site of the Ministry of Culture, Sports and Tourism, South Korea.
  2. ^ (ko) Bulgogi at The National Institute of the Korean Language Dictionary

Deleng uga[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Bulgogi&oldid=832864"