Boy Noya
Boy Noya (lair ing Pangkal Pinang, 29 Juli 1963; umur 60 taun).[1] Boy Noya punika salah setunggaling présènter pawarta tivi Indonésia.[1] Sapunika Boy Noya nggabung kaliyan salah setunggaling stasiun tivi swasta ingkang namanipun Metro TV.[1]
Boy Noya punika alumni saking Universitas Kristen Indonesia.[1] Nalika kuliyah, Boy Noya mendhet jurusan hukum. Sasampunipun punika, Boy Noya lajeng nggabung kanggé ndhèrèk pelatihan singkat ngenani babagan jurnalis tivi saking TF1 France.[1] Nalika taun 1993 Boy Noya miwiti karir dados wartawan.[1] Boy Noya kang sepisanan dados wartawan wonten ing dintenan Kompas.[1] Sasampunipun punika, nalika taun 1994 dumugi taun 2000 Boy Noya lajeng pindhah wonten salah setunggaling stasiun tivi swasta ingkang namanipun ANTV.[1] Nalika nyambut damel wonten ing Antv, Boy Noya dados salah setunggaling présènter acara ulah raga.[1] Kajawi punika Boy Noya ugi taksih nyambut damel dados panyerat lepas wonten ing médhia-médhia cithak upaminipun wonten ing Kalawarti Liga Italia saha Kalawarti Liga Inggris ngantos taun 2000.[1] Nalika taun 2000, Boy NOya ugi nyerat buku pandhuan Piala Éropah 2000.[1] Sasampunipun punika, nalika taun 2000, Boy Noya lajeng pindhah panyambutdamelipun wonten ing Metro TV.[1] Wonten ing Metro Tv, Boy Noya dados présènter pawarta ulah raga.[1] Boy Noya ugi taksih dados présènter ulah raga wonten ing Metro TV ngantos sapunika.[1]
Boy Noya gadhah hobi maos saha ulah raga.[1] Boy Noya punika remen kaliyan salah setunggaling klub bal-balan Italia ingkang dipunwastani Juventus FC.[1] Boy Noya saged wicara kanthi ngginakaken basa Inggris kaliyan basa Indonésia.[1] Miturut Boy Noy, ulah raga langkung ngremenaken tinimbang pulitik.[2]
Cathetan suku[besut | besut sumber]
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |