Bossa nova
Bossa nova ya iku jinis musik kang sangkané saka Brasil. Ya iku campuran samba lan jazz lan kawitan digawé déning João Gilberto banjur dipopulèraké déning Antonio Carlos Jobim lan Vinicius de Morães ing taun-taun 1950an lan 1960an. Bossa nova yakuwi salah sijining jinis musik Brasil kang paling populèr ing luar nagara kasebut. Bossa nova éntuk akèh pandhemen ing 1960an, utamané musisi anom lan mahasiswa.[1]
Istilah "bossa nova" tegesé "trend anyar" ing basa Portugis. Wong kang kawitan nganggo istilah "bossa nova" ya iku juru warta Moyses Fuks lan kawitan dianggo ing ngarepé akèh uwong kanggo konsèr déning Grupo Universitario Hebráico do Brasil ("Kelompok Universitas Yahudi Brasil"). Kala kaé Fuks lagi promosikaké konsèr kasebut.[2]
Piranti, irah-irahan lan lirik
[besut | besut sumber]Bossa nova utamané nganggo gitar klasik lan piranti perkusi. Irah-irahan kang paling biasa ing bossa nova yakuwi wedon, katresnan, rasa kangen lan alam. Lumrahé bossa nova ora gegayutan karo pulitik. Ing akhir taun 1950an lirik bossa nova ngomongaké urip wong-wong kelas nduwur kang nyaman, sanajan paling akèh wong Brasil kelas tengah. Mulané, sawisé kudéta 1964 ing Brasil, tipe musik kang béda, yakuwi Música popular brasileira, kang liriké luwih pulitik, babagan gelut antarané kelas-kelas masyarakat, dadi luwih populèr ing antaranê kelas tengah lan buruh.
Bossanova Jawa
[besut | besut sumber]Ing taun 2001 kelompok musisi saka Jawa ngetokaké CD gendhing-gendhing campursari utawa keroncong Jawa kanggo musik bossa nova. Irah-irahané CD kuwi Bossanova Jawa diterusaké CD Bossanova Jawa 2 ing taun 2003 lan Bossanova Jawa 3 ing Juli 2007.[3]
Réferènsi
[besut | besut sumber]- ↑ Mariana Garcia (10 July 2006). "A estética da bossa nova (The aesthetics of Bossa Nova)" . Com Ciência. Diarsip saka sing asli ing 19 February 2014. Dibukak ing 29 September 2014.
- ↑ "Moyses Fuks"
- ↑ Media, Kompas Cyber (2008-09-19). "Hip Hop dan Bossanova Rasa Jawa - Kompas.com". KOMPAS.com (ing basa Inggris). Dibukak ing 2018-09-06.