Borgol

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Borgol
Borgol jempol
Borgol kuna

Borgol iku piranti penahan sing dirancang kanggo nyawijèkaké kaloro ugel-ugel tangan. Dumadi saka ronggelang sing digandhèng nganggo ranté cendhak, saben gelang bisa dibuka lan ditutup nganggo kunci. Pamborgolan biasané dilakoni kanggo nyegah supaya wong ora mlayu saka tahanan. Ana uga borgol sikil, borgol tangan sing nduwèni borgol jempol, lan sapanunggalané. Borgol bisa digawé saka waja tahan karat, waja karbon, aluminium, utawa polimèr.

PlastiCuffs[sunting | sunting sumber]

PlastiCuffs utawa FlexiCuffs iku borgol saka bahan plastik sing ènthèng, bisa digawa jroning gunggung sing akèh déning pulisi anti huru-hara, umpamané kanggo nangani protès lan karusuhan. Saliyané iku sawetara maskapai pamaburan uga saiki nggawa borgol plastik kanggo nahan penumpang sing gawé onar utawa tersangka térorisme. Borgol plastik mung bisa dicopot kanthi cara dikethok nganggo barang landhep.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Borgol&oldid=833220"