Bolot

Bolot
Bolot
Lair	Muhammad Sulaeman; Maret 5, 1942 (umur 82); Bogor, Hindhia Nèderlan
Pakaryan	aktor, pelawak

Bolot (lair ing Bogor, 5 Maret 1942; umur 82 taun) duwé jeneng asli Muhammad Sulaeman. Dhèwèké iku pelawak lan dadi paraga ing lenong Betawi. Nalika ing panggung, dhèwèké dadi wong goblok kang bisane mung ngrungokaké babagan dhuwit lan wong wadon. ning lawakané dhèwèké dikancani karo Malih Tong-Tong.^[1] Ora mung dadi paraga komedi kang dilakoni déning priya kuru iki, nanging uga ana filem liyané kang tau diperagakaké dhèwèké.^[1] Jenengé sempet kacathet dadi pemeran minor ing filem-filem kaya ta filem kang judhulé MAS SUKA, MASUKiN AJA BESAR KECIL IT'S OKAY, filem kang dirilis nalika taun 2008 lan SEHIDUP (TAK) SEMATI, kang dirilis nalika taun 2010.^[1]

Kabar paling anyar babagan dhèwèké ya iku dhèwèké lagi meluni apa kang dilakoni déning kanca-kancané ing donya hiburan. Dhèwèké bakal nyoba ngurusi donya pulitik ing Indonésia.^[1]

Wiwitan taun 2010, Bolot gawé geger. Dhèwèké bakal dadi Calon Walikota Tangerang Selatan ing Pilkada kang dianakaké sasi Oktober taun 2010.^[1] Sanajan ora ana kepastian saka parté pulitik babagan panjurung marang Bolot, nanging dhèwèké ngakoni yakin lan siyap dadi Walikota ing papan panggonan kang uga tau dipanggoni Rano Karno nalika ana ing donya pulitik iki.^[1]

Nanging ing tegah-tengahing taun 2010, Bolot ngabaraké manawa dhèwèké mung dadi Juru Kampanye kanggo pasangan Yayat Sudrajat lan Norodom supaya dadi kepala laladan ing Tanggerang Selatan, Banten.^[1]