Bima Sakti

Galaksi Bima Sakti, Srengéngé ana ing salah siji lengan spiral ing pinggir galaksi Bima Sakti

Prakata

Bima Sakti (basa Inggris Milky Way iku salah siji galaksi ing alam semesta. Galaksi Bima Sakti wujudé spiral sing ukurané gedhé, duwé massa ± $10^{12}$ massa srengéngé. Galaksi iki ketata saka 200-400 milyar lintang lan duwé diameter 100.000 taun cahya. Let srengéngé karo pusat galaksi iki kira-kira 27.700 taun cahya.

Sistem tata suryané dhéwé ana ing galaksi Bima Sakti iki.

Pusat galaksi iki ketata saka ewonan lintang-lintang tuwa lan nduwèni gaya gravitasi sing kuwat banget. Ana dugaan yèn ing pusat galaksi iki ana bolongan ireng (black hole) sing gedhé banget.

Spiral-spiral (lengan) ing galaksi iki ana 4 sing utama lan 2 sing luwih cilik, kabèh diwiwiti saka pusat galaksi. Spiral-spiral iku yaiku:

• Lengan Norma
• Lengan Scutum-Crux
• Lengan Sagitarius
• Lengan Orion utawa lengan lokal
• Lengan Perseus
• Lengan Cygnus utawa lengan njaba

Galaksi Tangga

Akèh galaksi-galaksi liya ing jagat raya, galaksi-galaksi iku mangun klompok-klompok (gugus galaksi). Galaksi tangga sing paling cedhak karo galaksi Bima Sakti yaiku galaksi Andromeda