Biltong

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Biltong griyanan mawi bumbu Afrika Kidul

Biltong inggih menika dhaharan ingkang arupi daging garing mawi bumbu ingkang asalipun saking Afrika Kidul. Dhaharan menika saged dipundamel saking maneka jinis daging kadosta : daging sapi, daging asil saking buruan utawi manuk unta saking peternakan. Biltong menika dipundamel saking filet daging mentah ingkang dipuntugel setunggal arah kalihan serabut otot utawi dipuniris kanthi nugel serabut otot.

Dhaharan menika mirip kalihan dhèndhèng amargi sami-sami arupi daging garing mawi bumbu, ananging bummbu, rasa lan proses anggènipun damel menika bènten. Nama dhaharan menika asalipun saking Basa Belanda, inggih menika bil (Basa Indonesia: tanjung) lan tong (tugelan utawi ilat)[1] amargi katingal kados lidah asap.[2] padatanipun Biltong dipunsadé kanthi wujud kepingan dawa utawi dipuntugel dados kepingan alit saéngga gampil menawi dipundhahar. Raosipun radi asin, legi lan radi alot.

Bumbu[sunting | sunting sumber]

Biltong ing pasar swalayan Johannesburg

Bumbu tradisional Biltong menika kados ingkang wonten ing ngandhap menika :

Kejawi bumbu-bumbu kasebut wonten malih bumbu sanèsipun, inggih menika :

Daging[sunting | sunting sumber]

Biltong langkung asring dipundamel mawi aging sapi. Kanggé tugelan paling saé, has jero langkung kathah dipunginakaken. Sanajan bagéyan sapi sanèsipun saged dipundamel, ananging asilipun boten patos saé.

Biltong ugi saged dipundamel saking daging kéwan kadosta :

  • Rusa utawi daging antelop kudu
  • Manuk unta (werna daging abrit terang, mirip sanget kalihan daging rusa)[3]
  • Iwak, asilipun dipunsebat bokkom.
  • Pitik, asilipun dipunsebat chicken biltong.

Biltong lan dhèndhèng[sunting | sunting sumber]

Biltong ingkang nembé dipungaringaken

Antawisipun Biltong lan dhèndhèng menika wonten kalih bédanipun, inggih menika :

  • Daging ingkang dipunginakaken langkung kandel; padatanipun daging biltong dipuntugel kanthi kandel 1 inci - ananging saged ugi langkung kandel. Déné dhèndhèng menika langkung tipis tinimbang biltong.
  • Bumbu ingkang dipunginakaken kanggé damel biltong menika cuka lan sarem. Ugi proses damel garing, maringi sarem wonten ing biltong saéngga tèkstur lan rasa saking biltong menika langkung alus. Dhendheng dipundamel garing mawi sarem lan mrica.

Pangginaan[sunting | sunting sumber]

Biltong menika dipundhahar minangka cemilan. Ugi saged dipuntugel kados dadu supados dipunmasak kanggé sop lan ugi kangge jangkepan kagem biskuit lan roti. Saperangan restoran mewah ngginakaken biltong minangka topping pizza. Ugi wonten keripik kentang mawi rasa biltong. Biltong saged dipunginakaken kanggé mamahan bayi. Sapeangan toko nyade biltong ingkang boten dipunparingi bumbu supados dimamah dening bayi kanggé ngrangsang waja.

Cathetan suku[sunting | sunting sumber]

  1. ^ Eric Partridge (20 September 2006). Origins: An Etymological Dictionary of Modern English. Routledge. http://books.google.com/books?id=xA9dxrhfa5kC.
  2. ^ Llewellyn, E.C. (1977). The Influence of Low Dutch on the English Vocabulary. London: Oxford University Press. p. 172. http://www.dbnl.org/tekst/llew001infl01_01/llew001infl01_01_0016.htm.
  3. ^ "Biltong profits cut and dried", Business Report, 13 Mei 2003. diaksès tanggal 23 September 2008. 

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Biltong&oldid=843448"