Bilal bin Rabah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Bilal bin Rabah (Basa Arab بلال بن رباح) inggih menika budhak ingkang kagungan kulit cemeng saking Habsyah (sakmenika Ethiopia) ingkang mlebet Islam rikala taksih dados budhak. Sasampunipun majikan Bilal mangertosi menawi piyambakipun sampun mlebet islam, Bilal asring dipun siksa, supados nilaraken islam, ananging Bilal boten purun ngicalaken kaislamanipun sesarengan ngendika "Ahadun Ahad, Ahadun Ahad...".[1]

Biografi[sunting | sunting sumber]

Bilal miyos saking tlatah as-Sarah sakitar 43 taun sadéréngipun hijrah, asma Ramanipun Rabah, asma ibunipun Hamamah, budhak éstri ingkang kagungan kulit cemeng saking Mekah, amargi ibunipun Bilal dipun wastani ibnus-Sauda’ (putra wanita cemeng).[2] Bilal ageng wonten ing kutha Ummul Qura (Mekah) minangka budhak kaluwarga bani Abduddar. Rikala ramanipun pejah, Bilal dipun warisaken dhumateng Umayyah bin Khalaf, minangka tokoh penting kaum kafir. Bilal kalebu tiyang ingkang sapindha mlebet islam, ingkang sadéréngipun sampun dipun wiwiti déning Ummul Mu’minin Khadijah binti Khuwailid, Abu Bakar ash-Shiddiq,Ali bin Abu Thalib, ‘Ammar bin Yasir sesarengan ibunipun, Sumayyah, Shuhaib ar-Rumi, saha al-Miqdad bin al-Aswad. Kaum Quraisy langkung asring nyiksa Bilal amargi sampun ndhérèk piwulang Muhammad, para budhak dipun siksa kaum Quraisy ingkang boten kagungan raos welas asih kadasta Abu jahal ingkang sampun mejahaken Sumayyah kanthi cara nunclepaken Tombak ing padharan ngantos pamidhanganipun Sumayyah. Wondéné sadhérèk sanésipun Sumayyah, kadasta Bilal terus dipun siksa déning kaum Quraisy, biyasanipun rikala matahari tepat ing inggilipun panengeran, tiyang kafir miwiti mbikak agemanipun budhak islam ingkang katindhas menika, saha nggantos ageman menika kanthi nganggé ageman saking bahan wesi sesarengan nyambuk sariranipun kanthi ngenyèk Muhammad.[2] Tiyang Quraisy ingkang asring nyiksa Bilal inggih menika Umayyah bin Khalaf sesarengan kaliyan para algojonipun kang nindihi jaja Bilal nganggé séla kang bentér, ananging Bilal terus ngendika “Ahad, Ahad … (Allah Maha Esa).” [2] Umayyah bin Khalaf sesarengan kaliyan para algojonipun nyuwun supados Bilal nyebat asma Latta dan ‘Uzza ananging Bilal tetep nyebat asma Allah saha Muhammad.[2] Sakmenika, Abu Bakar Rodhiallahu ‘anhu nyuwun dhumateng Umayyah bin Khalaf supados Bilal dipun sadé kanggé piyambakipun, Umayyah bin Khalaf sarujuk ananging kanthi regi ingkang sanget awis, Ingkag pungkasan, Bilal dipun mardikakaken déning Abu bakar saha dados sahabat setya Rasulullah.[1]

Cathetan Suku[sunting | sunting sumber]

  1. ^ a b (ar)Perjuangan Bilal bin Rabah (dipun unduh 15 Nopember 2012)
  2. ^ a b c d (id)Bilal bin Rabah (dipun unduh 15 Nopember 2012)

Pranala Jaba[sunting | sunting sumber]

Cithakan:Pemeluk Islam pertama

Sumber artikel punika saking kaca situs web: "http://jv.wikipedia.org/w/index.php?title=Bilal_bin_Rabah&oldid=835380"