Beton semprot

Shotcrete nozzle with 75 mm concrete hose from line pump and 20 mm compressed air line.

Shotcrete swimming pool under construction in Northern Australia.

Beton semprot utawa Shotcrete iku beton (utawa kadhangkala mortar) kang diilèkaké liwat pipa lan kanthi tekanan dhuwur disemprotaké marang sawijining ‘lumah, minangka sawijining tèknik konstruksi. Beton semprot migunakaké hawa kang ditekan (compressed air) kanggo nyemprot (cast) beton kango gawé frame utawa struktur. Shotcrete paling akèh dianggo rock support, mligi nalika gawé trowongan. Saiki ana rong métoda aplikasi kanggo gawé shotcrete: prosedhur campuran garing (dry-mix) lan campuran teles. Sajeroning Dry-mix, campuran semèn agrégat garing dilebokaké mesin lan disaluraké nganggo tekanan hawa liwat selang pipa. Banyu kang dibutuhaké kanggo hidrasi ditambahaké ing nozzle. Ing campuran teles, bahan dicampur nganggo banyu sacukupé kanggo hidrasi. Asil campuran dipompa liwat selang. Ing nozzle banjur disemprot nganggo angin. Kaloro métoda iku dat tambahan kaya plasticizer lan akselerator bisa dipigunakaké. Shotcrete biyasa dikuwataké nganggo serat (fiber).

Sajarah

Beton semprot utawa Shotcrete, sabanjuré dikenal minangka gunite, tinemu ing wiwitan taun 1900an déning wong Amérika Carl Akeley, kang migunakaké kanggo mlèster modhèl kéwan. Carl Akeley nganggo cara nyemprotaké material garing liwat pipa kanthi tekanan hawa, nyuntikaké banyu ing pucuking pipa (nozzle) nalika hawa diwetokaké. Bab iki ing tembé dipigunakaké kanggo nambal utawa nguwataké pérangan kang ringkih saka yasan-yasan tuwa. Ing taun 1911, Carl olèh hak patèn saka panemoné iku, ya iku pirantiné wujud "cement gun", land "gunite", material kang diasilaké. Nganti taun 1950an mung cara prosès campuran garing (dry-mix) kang dipigunakaké. Ing taun 1960an, cara liya tinemu kanthi migunakaké rotary gun.

Uga delengen

Shotcrete-stabilized cliff above a motorway in New Zealand

• Semèn
• Beton

Pranala njaba

• American Shotcrete Association
• Sprayed Concrete Association