Benteng Van Den Bosch

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bèntèng Van Den Bosch

Bèntèng Van Den Bosch utawa sing luwih dikenal kanthi jeneng Bètèng Pendhem iki dumunung ing Kelurahan Pelem, Kabupatèn Ngawi, Provinsi Jawa Wetan. Bèntèng iki dibangun ing lahan sing ambané kira-kira 18 héktar.[1]

Geografis[sunting | sunting sumber]

Bèntèng Van Den Bosch iki ana ing koordinat 7o23'24S - 111o27'16E. Saliyané kuwi, bèntèng iki uga dumunung ing pinggiré tempukaning Bengawan Solo lan Bengawan Madiun. Bèntèng iki dibangun ing pinggiré kali amarga panggoné nguntungaké kanggo para penjajah. Bagéyan mburi bèntèng, yaiku tempukané Bengawan Solo lan Bengawan Madiun, kuwi dalan transportasi banyu sing cukup wigati. Saliyané kuwi, kali uga bisa dadi pertahanan alami yen sawayah-wayah musuh nyerang.

Sajarah[sunting | sunting sumber]

Bèntèng Van Den Bosch kuwi bangunan kuno sing nuduhaké arsitèktur Walanda. Bèntèng iki dibangun déning Gubernur Jéndral Defensieljn Van Den Bosch ing tahun 1839 nganti 1845 guna ngadhepi tutugané Perjuangan Perlawanan lan serangan rakyat marang para penjajah, antarané ing Ngawi sing dipimpin déning Wirotani, salah sawijiné pengikut Pangéran Diponegoro. Babagan iki kaserat ana ing buku "De Java Oorlog" karangan Pjf. Louw Jilid I Taun 1894.[2]


Bèntèng Van Den Bosch iki diarani Bètèng Pendhem amarga bèntèng iki diubengi galengan sing dhuwuré nganti 20 mèter, dadi yèn dideleng saka njaba ora patiya katon bèntèngé. Saliyané kuwi, ing saubengé bèntèng uga didhudhuk kalèn sing ambané 5 mèter, sing mesthiné kanggo jaga-jaga yèn ana serangan saka musuh. Bèntèng Van Den Bosch iki uga kalebu bèntèng indhuk dideleng saka akèhé ruangan lan bangunan sing dhuwuré rong tingkat. Bèntèng iki dipérang dadi gerbang utama, atusan kamar kanggo para prajurit, lapangan ing tengah bèntèng lan kandhang-kandhang jaran.

Gambar-gambar[sunting | sunting sumber]

Pranala jaba[sunting | sunting sumber]