Bella Swan

Issabella Marie Swan

Bella Swan, utawa jeneng jangkepé Isabella Marie Swan, paraga protagonis saka novèl seri Twilight Saga anggitané Stephenie Meyer. Ing seri filem, Bella diparagakaké déning artis Kristen Stewart. Ing seri Twilight, Bella pindhah menyang omahé bapaké, ing Forks, Washington. Ing kéné dhèwèké ketemu karo Édward Cullens ya iku vampire lan nyadhung tresna. Ing pungkasan carita ya iku ing seri Breaking Dawn, Bella nikah karo Édward, duwé anak jenengé Renesmee Cullen. Lan Bella digawé vampire déning Édward nalika Bella sekarat nglairaké Renesmee.

Twilight

Ing seri novèl iki nyeritakaké yèn Bella Swan sing nembé 17 taun pindhah saka Phoenix, Arizona (omahé ibuné) menyang Forks, Washington (omahé bapaké). Ing kéné, Bella ketemu kanca kelas Biologiné ya iku Édwrad Cullen. Bella pacaran karo Édward. Nanging Jacob ngandhani Bella, yèn Édward iku vampire. Édward ngakoni yèn dhèwèké iku vampire, nanging dhèwèké lan kulawargané iku vampire sing ngombé getih kéwan ora getih manungsa. Tresnané Édward marang Bella ngalahaké rasa ngelak getihé Bella kang kuwat banget tinimbang manubgsa liya. Mula James vampire sing senengané matèni manungsa, kepéngèn ngombé getihé Bella. Sinanosa Bella wis nganti dicokot tangané déning James, nanging Édward bisa nylametaké nyawané Bella.

New Moon

Bella ulang taun kang kaping 18, dhèwèké ngimpi yèn Bella luwih tuwa tinimbang Édward. Édward ngajak Bella menyang omah kulawargané kanggo ngrayakaké ulang tauné. Nalika Bella ora sengaja drijiné kepiris, Jasper sing ngambu getihé Bella, langsung péngin nyerang Bella. Édward langsung sadhar yèn dhèwèké lan kulawargané bisa mbahayakaké nyawané Bella. Mula Édward lan kulawargané lunga meneng - meneng. Bella, rumangsa kelangan lan depresi nganti pirang - pirang sasi. Bella mara ing timundak sing bisa nggawé dhèwèké cilaka supaya dhèwèké bisa krungu suwarané Édward. Bella mara ing alas, ing ana Laurent anak buahé Victoria (pacaré James). Dumadakan ana srenggala kang gédhé banget kang nylamataké nyawané Bella. Jebul Jacob uga éwoning manungsa srenggala mau. Kanggo krungu swarané Édward, Bella nyemplung ing jurang nganti arep kelem, nanging Jacob nyelametaké Bella. Édward dikabari Rasalie kabar sing salah ya iku Bella mati lampus dhiri. Mula Édward péngin lampus dhiri sisan ya iku kanthi ngetokaké awaké ing manungsa supaya dieksekusi déning Volturi. Nanging Bella bisa nyegah amarga dibantu déning Alice. Volturi péngin matèni Bella, amarga Bella kadhung weruh akèh babagan vampir. Nanging Alice ngomong yèn bakalé Bella dadi vampir uga. Sakbubaré balik ngomah , mung Rosalie sing ora setuju yèn Bella dadi vampir, Édward gelem ndadèkaké bella vampir yèn dhèwèké nikah dhisik.

Eclipse

Victoria nyokot Riley Biers kanggo nggawé vampor anyar lan kanggo nyerang Bella Swan. Ing Forks, Bella ngomong marang Édward yèn dhèwèké pengèn malih dadi vampir kaya Édward. Nanging Édward menging, sadurungé dhèwèké nikah, Édward mokal nggawé Bella dadi vampir. Édward isih wedi keselamatané Bella, nanging Jacob mènèhi dalan yèn isih ana klan werewolf kang bisa nglindungi Bella. Bella lunya menyang La Push kanggo ketemu karo Jacob, Jacob sadhar yèn dhèwèké nyadhung trésna marang Bella. Mula Jacob njaluk ambung marang Bella, anaging Bella wegah lan ninju Jacob. Édward ménéhi piweling yèn aja ngambung Bella, kajaba Bella dhéwé sing njaluk. Jacob njaluk sepura marang Bella, lan Bella wis nyepurani. Alice ngandhani yèn vampir - vamir kang lagi kagawé arep nyerang bella, mula kulawarga Cullen lan werewolf padha tulung tinulung lan latihan kanggo perang nglawan vampir kang lagi digawé. Édward lan Bella munggah gunung kanggo ndelik saka vampir kang lagi digawé. Benginé Bella ngrungokaké Jacob lan Édward padha pacelathon yèn wong sakloron padha - padha gethingé. Ésuké, sadurungé Jacob perang nglawan vampir - vampir, Bella njaluk diambung Jacob. Bella sadhar yèn dhèwèké uga nyadhung trésna marang Jacob. Édward weruh, yèn Jacob ngmabung Bella, nanging dhèwèké ora ngamuk, amarga sing njaluk Bella dhéwé, Bella wis ngomong yèn trésnané marang Édward luwih gedhé tinimbang marang Jacob. Nalika Victoria weruh panggonan dhelikané Bella, Édward matèni Victoria, lan Seth matèni Riley. Kulawarga Cullen lan para werewolf padha - padha perang tandhing karo vampir - vampir. Jacob, tangané poklèk, amarga tarung lawan vampir. Anggota Voltury teka, dhèwèké weruh yèn kulawarga Cullen nglindhungi vampir sing nembé lair ya iku Bree Tanner, sing wis nyerah lan ora nglawan Carlisle. Jane, arep golèk informasi ngengingi vampir iki lan ngongkon Felix kanggo matèni vampir mau. Cullen nglindhungi supaya vampir mau ora dipateni. Bella marani Jacob lan ngomong yèn dhèwèké luwih milih Édward. Bella lan Édward lunga menyang papan panggonan racaké (lapangan), yèn dhèwèké duwé pamanggih yèn dhèwèké bakal nikah, saresmi, nembé malih dadi vampir. Kuwi kang bisa nggawé Bella luwih bahagia lan kuwat.

Breaking Dawn

Bella nikah karo Édward, lan bulan madu ing Isle Esme, salah sawijining pulo ing Brazil. Wong sakloron kaget nalika Bella dumadakan bisa meteng. Mula Édward ngajak bali Bella kanggo takon marang Carlisle. Édward ngongkon Bella kanggo ngguguraké bayiné amarga bisa nggawé nyawané rancam. Nanging Bella emoh, bayiné nggawé bella sansaya gering nganti Bella kudu ngombé getih manungsa kanggo nyukupi kabutuhan nutrisi bayi kang dikandhut. Wayah nglairaké Bella sekarat, sawisé bayiné lair, Édward nyuntikaké racun vampiré ing jantungé Bella. Nalika prosès malihé bella dadi vampir, Jacob arep maténi bayiné Bella kang dijenengaké Renesmee, Jacob nganggep yèn Renesmee sing nggawé Bella mati. Nanging Jacob malah imprint marang Renesmee. Sawisé Bella dadi vampir, Irina lapor marang Volturi yèn kulawargaCullens nggawé anak vampir immortal. Bella wis bisa ngendhalèkaké kekuwatané, mula bisa nglindhungi kulawargané saka serangan Volturi. Édward lan bella ngadhep Volturi yèn Renesmee iku dudu anak immortal (abadi)lan ora nganggu kesejahteraané Volturi. Ing pungkasan Édward lan kulawargané urip bahgya selawasé.