Bell AH-1 SuperCobra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cobra Front 2.jpg

AH-1 SuperCobra yaiku jenis helikopter serang kanti mesin ganda kang dirancang lan diproduksi dening perusahaan Bell Helicopter. Pabrikan pesawat helikopter kang mapan ing Hurst, Texas, USA iki meh gawe pira-pira versi helikopter kang dadi andalan militer AS. Saklitane AH-1 SuperCobra, Bell kang bekerjasama karo Boeing uga wis gawe pesawat hybrid V-22 Osprey kang terkenal iku.

AH-1 SuperCobra dikembangake andhedhasar desain AH-1 Cobra, helikopter tempur versi sakdurunge kang digunakake dening Angkatan Darat AS ing Vietnam. Sakwene pirang-pirang tahun AH-1 SuperCobra dadi tulang punggung Korps Marinir AS, nanging sacara bertahap panggonane mulai diganti deing helikopter tempur Bell AH-1Z Viper. Nalika pertengahan dasawarsa 1960-an Korps Marinir AS kepingin benget marang helikopter AH-1G Cobra kang digunakake dening Angkatan Darat, lan kepingin supaya helikopter kasebut dimodifikasi dadi kanti mesin ganda kanggo ningkatake keselamatan operasional ing kawasan perairan. Awale Departemen Pertahanan AS nolak kanggo menehi helikopter Cobra kanti mesin ganda marang Korps Marinir, departemen iki kepengen menehi helikopter kang pada kaya kang digunakake dening Angkatan Darat. Ananging akhire Korps Marinir menangake panjalukakne lan nalika Mei 1968 deweke menehi kontrak marang perusahaan Bell supaya tuku 49 unit helikopter AH-1J SeaCobra kang duweni mesin ganda.

Helikopter tempur AH-1 SuperCobra (varian AH-1J) nglakoake penerbangan perdana nalika tahun 1969. Sebajure varian AH-1J mulai dioperasikake nalika tahun 1971, banjur nyusul varian AH-1W ing tahun 1986.

Sebagian dikenal minangka helikopter tempur kanti mesin ganda, pira-pira varian AH-1 SuperCobra isih kanti mesin tunggal, yaiku: AH-1G, AH-1Q, AH-1S/P/E/F, lan mesti wae AH-1 Cobra. Lan varian seteruse yaiku kanti mesin ganda kaya ing ngisor iki:

AH-1J SeaCobra, iki varian asli utawa awal saka versi mesin ganda. AH-1J Internasional, versi ekspor saka varian AH-1J SeaCobra. AH-1T Improved SeaCobra, upgrade saka varian sedurunge kanti nambah dawa ukuran tailboom sarta peningkatan mesin lan transmisi. AH-1W SuperCobra, uga dikenal kanti jeneng Whiskey Cobra, varian kang isa diandalake kanggo operasional nalika awan utawa wayah wengi, uga dilengkapi kanti mesin kang luwih kuat lan persenjataan kang luwih maju. AH-1(4B)W Viper, iki versi uji coba kanti papat bilah baling-baling. Varian asli amung duweni 2 bilah baling-baling. Rotor kang digunakake padakaya kang diduweni helikopter Bell 680. Salah sijine prototipe wis dikonversi saka AH-1T 161022. AH-1Z Viper, varian anyar kang uga dijuluki "Zulu Cobra". Dikembangake bebarengan karo varian UH-1Y Venom ing Program H-1. Peningkatan ngliputi panggunaan papat bilah baling-baling lan nambah Sistem Penargetan bengi (NTS: Night Targeting System). Model 309 King Cobra, versi eksperimental kanggo helikopter serang kang mampu dioperasikake sajrone kabeh macem kondisi cuaca. Desain dasar dijuku saka AH-1G lan AH-1J. 2 prototip 309 King Cobra wis digawe. kang pertama nggunakake mesin PW&C T400-CP-400, wondene prototip kapindo nggunakake mesin Lycoming T-55-L-7C. CobraVenom, varian kang ditawarake marang Inggris. AH-1RO Dracula, varian kang ditawarke marang Rumania. AH-1Z King Cobra, pernah ditawarke marang Turki kanggo Program ATAK, program pengembangan helikopter tempur kang dikerjakake dening Turkish Aerospace Industries lan AgustaWestland kang ngasilake helikopter tempur T-129. Tawaran varian AH-1Z King Cobra iki dibatalake amerga Bell lan Turki ora isa entuk kesepakatan babagan produksi. Panha 2091, versi upgrade varian AH-1J International kang dikembangake dening Iran tanpa seizin Bell.[1]


Spesifikasi[sunting | sunting sumber]

Karakteristik Umum[sunting | sunting sumber]

  • Crew : 2, pilot lan co-pilot (ngrangkap operator persenjataan)
  • Dawa: 17,7 m
  • Diameter Rotor : 14,6
  • duwur: 4,19 m
  • Amba Lingkaran Baling-baling Rotor : 168,1 m²
  • Bobot Kosong : 4.630 kg
  • Bobot Maksimum Lepas-Landas : 6.690 kg
  • Mesin : 2 unit General Electric T700-401turboshaft, kanti kekuatan 1.690 shp (1.300 kW)
  • Sistem Rotor : 2 baling-baling ing rotor utama, 2 baling-baling ing rotor ekor

=Kinerja[sunting | sunting sumber]

  • Kecepatan Maksimum : 190 knot (218 mph, 352 km/jam)
  • Jarak Jangkau : 587 km
  • Batas Ketinggian Maksimum Penerbangan : 3.720 m
  • Laju Panjat : 8.2 m/detik.[2]



Cathetan sikil[sunting | sunting sumber]

  1. ^ [1], Kaunduh 27/1/13.
  2. ^ [2], Kaunduh 27/1/13.