Batik Gumelem

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Klampok Banjarnegara

Batik Gumelam yaiku warisan budaya bangsa kang ana ing wilayah Kabupatèn Banjarnegara.[1] Batik tulis Gumelem dikembangna ing désa Gumelem, Kecamatan Susukan, Kabupatèn Banjarnegara.[2] Désa Gumelem nduwèni jarak sekitar 45 kilomèter saka Kutha Banjarnegara.[2] Batik Gumelem dadi salah siji kebanggaan kang isih ana nganti tekan saiki.[1] Warisan budaya iki diturunakè saka generasi marang generasi ngisorè.[1] Saiki ana sekitar 24 perajin batik asli Gumelem kang yandarakè uripè saka usahanè kuwi. [1] Warga kang nyandarakè uripè saka batik gumelem sing akèh ana ing Dusun Dagaran, Désa Gumelem Wétan, Kecamatan Susukan, Kabupatèn Banjarnegara.[1] Batik Gumelem potènsial dikembangkè saka kaca èkonomi, sosial, lan lingkunganè kanggo ndukung sèktor pariwisata lan bisa uga dadi salah siwijining tujuan wisata Kabupatèn Banjarnegara.[3] Sanajan seni batik tulis dikembangkè ana ing wilayah-wilayah liya nanging batik tulis Gumelem duwè kèunikan dhèwè.[2] Kaunikanè ana ing motif batik kang tanpa pengulangan dadinè motif batik Gumelem katon luwih luwes.[2] Kejaba saka iku werna dasar kain kang luwih enom saka werna motifè ndadèkake desain batik katon tembus utawa bisa didelok saka sisi kekaronè.[2] Motif-motif batik Gumelem tradisional kayata : Cèbong Kumpul (anak katak berkumpul), Kawung Beton, lan Parang Juanda. [4] Motif liyanè kang ana antaranè merak kembangan, ireng blabur, dunia baru tutulan, jagatan tutul baru, kembangan,cendhol wutah, rawisan pare, mega mendung dieng lan jagad sogan.[2] Sejarah batik Gumelem wis ana wiwitanè Gumelem isih dadi Kademangan.[4] Demang Gumelem nalika kuwi uga ngawa budaya batik Mataram ana ing Gumelem, Kabupatèn Banjarnegara.[4] Batik Gumelem luwih ngrembaka wiwit Pèmkab Banjarnegara ngwajibna Pegawènè nganggo batik Gumelem saben dina sètu sawatawis taun 2006.[4] Saya suwe saben dina Kemis lan Jumat pegawe Pemkab Banjarnegara uga diwajibake nganggo Batik Gumelem.[4] Ora mung pegawè pemerintahan, saiki masarakat umum uga wis gelem lan bombong nganggo batik Gumelem kang motif lan warnanè disenengi masarakat Kabupatèn Banjarnegara.[4] Batik Gumelem saiki wis wiwit dikenalakè marang siswa-siswa SD-SD ing Desa Gumelem.[5] Cara ngawè batik Gumelem umumè ana 3 tahapan, pisanan mernani, kaping pindho mènèhi malam (lilin batik), lan kaping telu panyoplokan lilin saka kainé. [6] Cara ngawè batik urutané sing umumé ana nyungging, nganji, njaplak, Nglowong lan Ngisèni, Mopok lan nyolèt, Ngelir lan Nyoga, lan Nglorod. [6] Pungkasané kain kang wis dibatik diresiki banjur dipémé nganti garing.[6]

cathetan suku[sunting | sunting sumber]

  1. ^ a b c d e (id)Copyright© 1996-2004 SUARA MERDEKA (Dipuntingali tanggal 28 Maret 2011)
  2. ^ a b c d e f (id)Copyright © 2009 Pemerintah Kabupatèn Banjarnegara, Propinsi Jawa Tengah (Dipuntingali tanggal 28 Maret 2011)
  3. ^ (id)[http://www.antarajateng.com/detail/index.php?id=25686 Antara Jateng News ANTARA Copyright © 2011] (Dipuntingali tanggal 28 Maret 2011)
  4. ^ a b c d e f (id)Kompas.com © 2008 – 2011 (Dipuntingali tanggal 28 Maret 2011)
  5. ^ (id)Artikel saka Website : Kabupatèn Banjarnegara (Dipuntingali tanggal 28 Maret 2011)
  6. ^ a b c (id)[1] (Dipuntingali tanggal 28 Maret 2011)
Sumber artikel punika saking kaca situs web: "http://jv.wikipedia.org/w/index.php?title=Batik_Gumelem&oldid=685891"