Basa Prancis Swiss

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Basa Prancis Swiss (Prancis Suisse Romand) iku variétas basa Prancis sing dipituturaké ing Swiss lan diarani Romandie. Basa Prancis iku séjé saka basa Prancis-Provençal/Arpitan sing uga dipituturaké ing Romandie lan Basa Romansh sing dipituturaké ing Grisons. Kaloro basa pungkasan iki uga basa Roman.

Prabédan antara Basa Prancis Swiss lan Basa Prancis dialèk Paris iku sethithik lan biasané namung ing tingkat kosakata waé. Sawijining Wong Swiss ora olèh masalah menawa kudu guneman karo Wong Paris. Nanging kosokbaliné, menawa Wong Paris guneman karo Wong Swiss ana sawetara tembung-tembung sing ora ditepungi. Banjur Basa Prancis Swiss iku ndarbèni èfèk ‘nyanyi’ lir ditembangaké. Basa Prancis Swiss iku prabédané luwih sithik saka Basa Prancis Paris menawa dibandhingaké karo Basa Jerman Swiss lan Basa Jerman Baku.

Ing Swiss ora ana Basa Prancis Swiss tunggal sing baku nanging saben kanton utawa malahan kutha ndarbèni dialèk dhéwé-dhéwé utawa nganggo kosakata dhéwé sing akèhé dipangaribawani Basa Jerman. Awit ing Swiss iku Basa Jerman basa mayoritas. Ing Jenewa akèh tetembungan saka Basa Prancis Baku amerga papané ing tapel wates.

Sumber artikel punika saking kaca situs web: "http://jv.wikipedia.org/w/index.php?title=Basa_Prancis_Swiss&oldid=847676"