Bangsa Kazakh

Etnis Kazakh Қазақтар
A. Qunanbayuli • Ablai Khan • A. Baitursynov • Chokan Valikhanov • A. Baitursynov, A. Bokeikhanov, M. Dulatuli
Gunggung populasi
kurang luwih 13,800,000
Kawasan kanthi gunggung pedunung sing signifikan
Kazakhstan 10,098,600 China 1,400,000 - 1,500,000 Uzbekistan 800,000 - 1,100,000 Russia 654,000 Mongolia 140,152 Turkmenistan 40,000 - 90,000 Kyrgyzstan 33,200 Afghanistan 21,000 Turkey 19,000-25,000 Germany 890 Tajikistan 900 Iran 10,000-15,000 Ukraine 5,526 Belarus 1,239
Basa
Kazakh, Rusia (lan/utawa basa saenggon)
Agama
Mayoritas Sunni Islam
Kelompok etnis paling cedhak
Bangsa Turkik liyané

Bangsa Kazakh iku salah siji bangsa utawa ètnis utawa suku kang kagolong rumpun ras Bangsa Turkik kang manggon ing Asia Tengah, umumé ing Kazakhstan, nanging uga ana kang urip ing Républik Rakyat Cina sisih kulon ing propinsi Xinjiang. Saliyané iku suku-suku utawa bangsa iki uga mapan ing Uzbekistan, Rusia, lan Mongolia.

Jaman biyèn bangsa iki urip ing papan wiwit saka Sibéria sisih wétan nganti tekan Segara Ireng ing sisih kulon, lan saiki punjeré ing Asia Tengah wiwit bangsa Turkik lan Turko-Mongol bisa ngrebut papan iku ing abad ka-5 lan ka-13. Menawa nyebut jeneng Kazakh, mesthi kèlingan Kazakhstan. Ètnis Kazakh iki asal-usulé sakaturunan karo suku Kazakhstan ing Asia Tengah.

Cacahé wong Kazakh ing Cina kurang luwih ana 1.250.458 lan manggon ing Xinjiang Uyghur. Bangsa iki nduwèni panggon otonomi dhéwé, yaiku Prefektur Otonomi Ili Kazak, Mori Kazak Otonom County lan Barkol Kazak Otonomi County. Ana uga wong bangsa Kazakh kang urip ing haixi Mongolia amarga kawin karo suku liya. Ana uga kang urip ing Tibet lan Kazak Prefektur Otonomi ing Propinsi Qinghai lan Aksay Kazak Otonom Kabupaten ing Propinsi Gansu.

Agama kang dianut dening wong suku Kazakh umumé agama Islam. Wong-wong suku Kazakh anggoné nganggo klambi katon banget bédané dibandhingaké karo suku liyané. Wong suu Kazakh anggoné nganggo klambi asring nggunakaké cadhar, utawa sorjan saben metu saka omah.