Bandhar Udhara Internasional Kuala Namu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kuala Namu International Airport
Bandar Udara Internasional Kuala Namu
Kuala-Namu.jpg
Bandara Kuala Namu
IATA: ora anaICAO: ora ana
Ringkesan
Tipe Airport Sipil
Operator PT Angkasa Pura II
Lokasi Medan

Bandhar Udhara Internasional Kuala Namu inggih punika salah satunggaling bandhar udhara enggal kangge kutha Medan, Indonesia. Lokasinipun minangka bekas areal perkebunan PT. Perkebunan Nusantara II Tanjung Morawa, dumunung ing Kuala Namu, Desa Beringin, Kecamatan Beringin, Kabupaten Deli Serdang. Kuala Namu badhe nggantosaken Bandara Polonia ingkang sampun kagungan yuswa langkung saking 70 taun. Nalika pungkasan kabangun, Kuala Namu dipunpangajabi saged dados bandhara pangkalan transit internasional kangge kawasan Sumatra lan sakitaripun, badhe dados bandhara paling ageng angka kalih ing Indonesia sabibaripun Bandhar Udhara Soekarno-Hatta. Karantam bilih bandhara punika badhe dipunresmikaken wonten ing wulan Maret 2013.[1]

Latar Belakang Pambangunan[sunting | sunting sumber]

Gambar:Kuala-namu-medan-new-airport.jpg
Maket rencana Bandara Kuala Namu.

Pamindhahan bandhara dhateng Kuala Namu sampun karantam wiwit taun 1991. Wonten ing kunjungan kerja dhateng Medan, Azwar Anas, Menteri Perhubungan nalika iku, ngendika bilih saperlu kaslametan penerbangan, bandhara badhe dipunpindhahaken ing njawi kutha.[2]

Pembebasan lahan[sunting | sunting sumber]

Rencana pambangunan ingkang sampun dangu kenging kendhala perkawis pembebasan lahan ingkang dereng pungkasan. Dumugi Juni 2006, nembe 1.650 hektar lahan ingkang sampun beres (sampun beres wiwit 1994), dene lahan ingkang dipundunungi 71 kepala kulawarga sanesipun taksih dipunrembag, ananging nalika November 2006 dipunlaporaken bilih Angkasa Pura II sampun mungkas sedaya pembebasan lahan.[3]

Pangangkutan[sunting | sunting sumber]

Gambar:Kuala-namu full.jpg
Stasiun kereta Kuala Namu yang saat ini sedang dalam proses pembangunan.

Pambangunan Tahap I dipundhereki ugi dening pambangunan jalur kreta saking Stasiun Aras Kabu ing Kecamatan Beringin dhateng bandhara ingkang jarakipun antawis 450 meter. Stasiun Aras Kabu piyambak kahubung dhateng Stasiun Medan kanthi jarak 22,96 km. Dipunprakirakaken jarak tempuh saking Medan dumugi Kuala Namu antawis 16-30 menit.[4] [5]

Jembar Bandhara lan Kapasitas[sunting | sunting sumber]

Tahap I bandhara dipunprakirakaken saged nampung 7 dumugi 10 yuta panumpang lan 10.000 pergerakan pesawat per taun,[6] dene pungkasanipun tahap II bandhara punika karantam saged nampung antawis 25 yuta penumpang per taun.

Wiyar terminal panumpang ingkang badhe kabangun sakitar 6,5 hektar kanthi fasilitas area komersial antawis 3,5 hektar lan fasilitas kargo antawis 1,3 hektar. Bandhara International Kuala Namu kagungan dawa landas pacu 3.750 meter[7][8], lan saged dipundarati dening pesawat ingkang ageng kalebet Airbus A380.[7]

Cathetan Suku[sunting | sunting sumber]