Bakpia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bakpia Pathok
Bakpia pathok.jpg
Bakpia
Informasi
Asal Indonésia
Dhaérah Jawa
Penyajian lan bahan
Bahan kacang glèpung lan endhog

Bakpia menika dhaharan khas saking Yogyakarta.[1][2] Bakpia sajatosipun sanés asli saking Yogyakarta, ananging saking negeri China.[1] Ing negeri asalipun bakpia nggadhahi nama asli Tou Luk Pia ingkang tegesipun roti ingkang isinipun dhaging.[1] Senajan asli saking China, bakpia ingkang wonten ing Yogyakarta isinipun sanès daging, ananging isinipun kacang ijem.[1] Ing taun 1948, wonten kulawarga saking Tionghoa ingkang naminipun Goei Gee Oe nyobi damel bakpia kagem indhustri griyan.[1] Wekdal menika bakpia taksih dèrèng dipunsadè ing toko, ananging dipunsadè kanthi ècèran.[1] Bakpia menika ugi dèrèng dipunwungkus lan dipunparingi label kados samenika.[1] Wiwit taun 1980 bakpia sampun dipunprodhuksi wonten ing griya lan dipunsadé ing toko-toko.[1][1]

Jinis Raosipun Bakpia[sunting | sunting sumber]

Wonten tigang pilihan raosipun Bakpia ingkang sampun umum, inggih menika kacang ijem, kéju, lan coklat.[3]

  • Kacang Ijem, bahan ingkang dipunangem isi bakpia raos kacang ijem inggih menika: kacang ijem, gendhis pasir, lisah, lan sarem. Bahan ingkang kagem kulitipun inggih menika: glepungan, lisah, lan toya.[3]
  • Kéju, bahan ingkang dipunagem isi bakpia raos keju inggih menika: glepungan, gendhis, margarin, kèju, butter, susu, lan sarem.[3]
  • Coklat, bahan ingkang dipunaagem inggih menika: glepungan, gendhis, maizena, butter, coklat, susu, lan toya.[3]

Resép Adonan Kulit Bakpia Pathuk[sunting | sunting sumber]

Resèp bahan kulit bakpia Pathuk:[4]

  • glepungan protèin sedhengan 250 gram
  • glepungan protèin ageng 125 gram
  • gendhis pasir 75 gram
  • sarem 1/2 sendhok teh
  • toya 200 ml
  • lisah sayur 200 ml
Ngawe Bakpia

Resèp bahan lapisan kulit Bakpia Pathuk:[4]

  • glepungan protein sedhengan 125 gram
  • lisah sayur 50 ml
  • margarin 1/2 sendhok

Caranipun damel kulit Bakpia Pathuk:[4]

  1. Bahan lapisan : Campur sedaya bahan, adhuk kanthi rata lajeng dipunsisihkan. Panasaken kanthi toya 100 ml, lajeng dipuncampur gendhis pasir, adhuk ngantos rata, campur glepungan trigu lan uyah. Paringi toya lajeng larutaken gendhis menika, lajeng uléni ngantos rata.
  2. Tuangaken 100 ml lisah sayur, uléni adhonan ngantos rata.
  3. Gulung adhonan ngantos mbentuk bundheran ingkang panjang kanthi dhiameter 2 cm. Kethik kanthi ukuran 5 gram, lajeng dipundamel bundher, damel ngantos adhonan telas.Tipisaken adhonan, pendhet sekedhik adhonan lapisan (kirang langkung 1 gram).
  4. Limpet kados amplop lajeng dipunsetunggalaken pucuk-pucukipun (dipundamel bundheran).
  5. Lebetaken bundheran adhonan wonten ing lisah, dipuntengga kinten-kinten 15 menit.
  6. Adhonan kulit bakpia pathuk siap dipunisi lan dipunpanggang.

Resépipun Bakpia Keju Susu[sunting | sunting sumber]

Bahanipun Bakpia Keju Susu:[4]

  • Adhonan kulit bakpia pathuk 1 resep
  • Kacang ijem 250 gram, dipunkukus, dipunalusaken
  • Gendhis 50 gram
  • Margarin 2 sendhok ageng
  • susu bubuk 100 gram
  • kèju parut 100 gram
Panggangan Bakpia

Caranipun Damel Bakpia Keju Susu:[4]

  • Isi : Campur kacang ijem, gendhis alus, margarin, susu bubuk, lan kèju. Dipunadhuk ngantos rata.
  • Damel adhonan isi bundheran pipih kanthi diameter 3 cm lan dhuwur 1,5 cm ngaantos adhonan isi telas. Sisihaken.

Piranti kagem damel Bakpia[sunting | sunting sumber]

Piranti ingkang dipunginakaken menawi badhé damel bakpia utaminipun wonten ing prosès pengolahanipun inggih menika bak plastik, méja, nampan, ladhing, timbangan, wajan, adhukan, tungku, oven, loyang, dhandhang, mesin kanggé nggiling, lan tumbu alit.[5] Menawi badhe damel bakpia saenipun wonten pinten-pinten tahap ingkang kedah dipungatosaken kados nyiapaken bahan, damel adhonan, damel keju/isi, nyethak, manggang, ngandhemaken, lan mbungkus.[5]

Cathetan suku[sunting | sunting sumber]

  1. ^ a b c d e f g h (id)Bakpia Pathuk(diundhuh tanggal 14 April 2011)
  2. ^ (id)Seputar Djogja(dipunundhuh tanggal 14 April 2011)
  3. ^ a b c d (id)Bakpia Pathok(diundhuh tanggal 14 April 2011)
  4. ^ a b c d e (id)Resep Bakpia Keju Susu(diundhuh tanggal 14 April 2011)
  5. ^ a b (id)Melihat Cara Pembuatan Bakpia(diundhuh tanggal 15 April 2011)
Sumber artikel punika saking kaca situs web: "http://jv.wikipedia.org/w/index.php?title=Bakpia&oldid=829788"