Bae Yong Joon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bae Yong Joon
Bae Yong Joon.jpg
Miyos 29 Agustus 1972 (umur 42)
Seoul, Koréa Kidul
Pakaryan Pameran
Taun aktif 1995 - saiki
Situs resmi www.byj.co.kr
Jeneng Koréa
Hangul 배용준
Hanja 裵勇俊
Alih aksara
Anyar
Bae Yong-jun
McCune-
Reischauer
Pae Yong-chun

Bae Yong Joon (배용준, (lair ing Seoul, Koréa Kidul, 29 Agustus 1972; umur 42 taun), dhèwèké kuwi aktor Koréa Kidul kang kondhang amarga mainaké peran ing film-film drama. Penggemaré nyebut dhèwèké mawa singkatan BYJ, ananging penggemar ing Jepang ngundang nganggo undangan kurmatan Yon-sama (ヨン様 Tuan Yon?).

Dhèwèké miwiti kariré ing donya seni peran lumantar film kang judhulé PPILKU kang dirilis ing taun 2004.[1] Saka peran iki, Bae Yong Jun nuli olèh tawaran kanggo mbintangi peran ing film drama kayata SALUT D'AMOUR lan SIX STEPS TO SEPARATION.[1] Ananging nembé lumantar perané ing film SUNNY PLACE OF THE YOUNG, aktor iki olèh sorotan saka para kritikus film.[1] Kasuksèsan peran iki agawé dhèwèké olèh tawaran kanggo main ing film "FIRST LOVE" kang agawé dhèwèké tambah kondhang.[1]

Sawisé sempet mutusaké kanggo ninggalaké donya peran kanggo nerusaké pendhidhikané ing Sung Kyun Kwan University, Bae Yong Jun akiré bali manèh ing donya film lan mbintangi film sérial tivi "HOTELIER".[1] Jeneng Bae Yong Jun kuwi malah kondhang sacara internasional nalika dhèwèké mainaké peran ing film kang judhulé "WINTER SONATA".[1] Film iki uga kang akiré agawé pambukan anggoné dhèwèké mainaké film-film Koréa kanggo nembus pasar Jepang.[1]

Wis nganti ana limalas film kang tau dibintangi déning dhèwèké, Bae Yong Jun akiré bisa olèh bebungah.[1] Dhèwèké olèh bebungah ora kurang saka sepuluh bebungah, kayata saka ajang KBS, Bak Sang, Blue Dragon lan MBC.[1]

Ing taun 2011, Bae Yong Jun kang mbintangi film DREAM HIGH, nekani konsèr ing Jepang.[2] Masarakat Jepang ngerti film kasebut ing channel Koréa KBS2TV, lan ditayangaké ing Jepang diputer déning stasiun tivi DATV.[2]

Tanggal 14 Maret 2011, Bae Yong Jun nyumbang 1 milyar won utawa 72 yuta yen ($900.000 USD) kanggo mbantu para korban bencana ing Jepang.[2] Sumbangan kuwi ora bisa diomong sithik, dhuwit kuwi bakal diwènèhaké marang Kepala Japan Tourism Agency, kang dienggo kanggo organisasi kang nyambut gawéné mulihaké pasca bencana.[2]

Cathetan sikil[sunting | sunting sumber]

  1. ^ a b c d e f g h i (id)biografi Bae Yong Jun diundhuh tanggal 20 Agustus 2011
  2. ^ a b c d (id)berita Bae Yong Jun diundhuh tanggal 20 Agustus 2011
Sumber artikel punika saking kaca situs web: "http://jv.wikipedia.org/w/index.php?title=Bae_Yong_Joon&oldid=832268"