Badminton

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg
Kanggé kagunan sanès saking ', mangga mriksani [[]].
Badminton
Badminton Peter Gade.jpg
Danish badminton player Peter Gade
Organisasi Badminton World Federation
Dimainaké pisanan Abad ka-17
Characteristics
Kontak Ora ana
Anggota tim Singel utawa dobel
Kategorisasi Olahraga mawa rakèt
Piranti Shuttlecock
Olimpiade 1992-saiki
Gambar:Ardy BW.jpg
Ardy B. Wiranata, pemain badminton misuwur saka Indonésia

Badminton utawa bulu tangkis iku sawijining olahraga mawa rakèt sing dimainaké déning wong loro (tumrap tunggal) utawa rong pasangan (tumrap gandha) sing silih tetandhingan.

Mèmper karo tenis, badminton nduwèni tujuan nampèl bal permainan ("kok" utawa "shuttlecock") ngliwati jaring supaya tiba ing bidang permainan lawan sing wis ditemtoké lan ngupaya nyegah lawan nglakoni bab sing padha.

Partai[sunting | sunting sumber]

Gambar:Bulutangkis ukuran.jpg
Lapangan badminton

Ana lima partai sing biasa dimainaké jroning badminton, yaiku:

  1. Tunggal putra
  2. Tunggal putri
  3. Gandha putra
  4. Gandha putri
  5. Gandha campuran

Lapangan lan jaring[sunting | sunting sumber]

Lapangan badminton awangun pesagi dawa lan nduwèni ukuran kaya katon ing gambar. Garis-garis sing ana nduwèni kandel 40 mm lan kudu awarna kontras karo warna lapangan. Warna sing diprayogakaké kanggo garis yaiku putih utawa kuning. Lumahing lapangan diprayogakaké kagawé saka kayu utawa bahan sintetis sing empuk. Permukaan lapangan sing kagawé saka beton utawa bahan sintetik sing atos ora diprayogakaké banget amarga bisa agawé cidra pemain. Jaring sing dhuwuré 1,55 m dumunung ana ing tengah lapangan. Jaring kudu awarna peteng kajaba lambé jaring sing nduwèni kandel 75 mm kudu awarna putih.

Perlengkapan[sunting | sunting sumber]

  • Rakèt

Sacara tradhisional rakèt digawé saka kayu. Sabanjuré saka aluminium utawa logam ringan liyané dadi bahan sing dipilih. Saiki, mèh kabèh rakèt badminton profèsional digawé saka komposit serat karbon (plastik abalung grafit). Serat karbon nduwèni kakuwatan hébat tumrap perbandingan bobot, kaku, lan mènèhi perpindahan energi kinetik sing apik. Nanging, sawetara modèl sing luwih murah isih migunakaké waja utawa aluminium kanggo sebagéyan utawa sakabèhané bahan rakèt.

  • Senar

Manawa salah siji saka bagian sing paling diwigatèkaké jroning badminton yaiku senar. Jenis senar béda nduwèni ciri-ciri tanggap sing béda-béda. Awèt orané senar sacara umum uga béda-béda. Akèh-akèhé senar mawa katebalan 21 ukuran lan diuntai kanthi ketegangan 18 nganti 30+ lb. Pilihan pribadi sang pemain nduwèni peran sing utama jroning selèksi senar.

  • Kok

Kok iku bal sing dipigunakaké jroning olahraga badminton, kagawé saka rangkaian wulu banyak sing disusun mbentuk kerucut, kanthi pangkal awangun setengah bola sing kagawé saka gabus. Jroning latihan utawa pertandingan ora resmi digunakna uga kok saka plastik.

Induk organisasi[sunting | sunting sumber]

International Badminton Federation (IBF) diadegaké taun 1934 kanthi Inggris, Irlandia, Skotlandia, Wales, Denmark, Walanda, Kanada, Selandia Anyar, lan Prancis minangka anggota-anggota pelopor. India gabung minangka afiliat ing taun 1936. Jroning IBF Extraordinary General Meeting ing Madrid, Spanyol, September 2006, usulan kanggo ngowahi jeneng International Badminton Federation dadi Badminton World Federation (BWF) ditampa déning kabèh 206 delegasi sing rawuh.

Olah raga iki dadi olah raga Olimpiade Musim Panas ing Olimpiade Barcelona taun 1992. Indonésia lan Korea Kidul antuk loro medhali emas taun iku.

Deleng uga[sunting | sunting sumber]

Pranala jaba[sunting | sunting sumber]

Galeri[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Badminton&oldid=827123"