Badhut

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Badhut sakan Donya Wétan

Badhut yaiku wong kang nglipur kanthi macak rainé nganggo wedhak kang kandel lan nganggo klambi kang anèh lan werna-werni. [1]Badhut uga pinter kanggo mragakaké gerakan lan rai kang lucu.[1] Profesi badhut sabenere wis ana wiwit biyén.[1] Badhut wis ana nalika jaman Romawi Kuna.[1]

Badhut ora mung nggawé ngguyu wong-wong sugih kang stress kanthi tontonan, ananging uga nglipur lan luru dhuwit ing dalan-dalan utawa kang dikenal kanthi istilah ngamèn. Badhut nduwé kabisan kanggo pantomim kanthi gerakan-gerakan slapstik kang konyol.[1] Badhut uga ana kang nyebut dadi panglipur ing dalan-dalan kang paling tuwa ing donya.[1]

Miturut sajarah, badut tegesé wong kang dandan lucu lan kadang-kadang niru karakter komik, nganggo make-up kandel lan sandhangan kang unik.[1] Badhut uga bisa mragakaké gerakan kanthi lucu lan konyol ora nganggo omongan. Iki kang mbedakaké karo pelawak konvensional.[1]

Sajarah[sunting | sunting sumber]

Ing abad pratengahan nalika kurang luwih taun 500 M nganti 1500 M ana karakter badhut kang misuwur banget.[2] Masyarakat Eropah, kususé Italia ngertèni karakter iki kanthi jeneng arlecchino utawa harlequin.[2] Karakter iki dipopulèraké karo kalompok sandiwara commedia dell`arte.[2] Ananging kostum kang dianggo isih apa anané.[2]

Klambi badhut kang kaya saiki iku asil perkembangan kostum kang tau dipopulèraké ing Jerman lan Inggris, yaiku nalika abad kaping 18 M.[2] Nalika iku dandanan lan gaya pantomim Pickellherring misuwur banget.[2] Sandhangan kang dienggo nduwé ciri, klambi lan sepatu gombrong utawa gedhé, topi kang werna-warni, lan rénda gedhé kang bunder lan dianggo ing gulu.[2]

Nalika abad kaping 18 M iki, badhut uga dadi bageyan penting ing sirkus.[2] Atraksi badhut biyasané nganggo gerakan-gerakan akrobat kang nggawé sepaneng.[2] Karakter Jocy kang diciptakaké Joseph Grimaldi kalebu karakter kang misuwur banget, karakter iki ora mung isa nggawé seneng nanging uga nggawé sedhih lan wedi.[2]

Cathetan suku[sunting | sunting sumber]

  1. ^ a b c d e f g h (id)lintasberita.com(dipunundhuh tanggal 13 Juni 2011)
  2. ^ a b c d e f g h i j (id)sayona.web.id(dipunundhuh tanggal 13 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Badhut&oldid=830564"