Aubertin Mallaby

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Brigadir Jenderal Aubertin Mallaby

Aubertin Walter Sothern (A.W.S.) Mallaby utawa uga dikenal Brigadir Jenderal Mallaby (lair ing Britania Raya, 12 Desember 1899 – tilar donya ing Surabaya, Indonesia, 30 Oktober 1945 kanthi umur45 taun) yaiku brigadir jenderal Britania sing tilar donya inga prastawa tembak-tembakan 30 Oktober ing Surabaya lan nyurung metuné ultimatum Inggris lan mbledose Paprangan 10 November. Brigadir Jenderal Mallaby yaiku komandan Brigade 49 Divisi India kanthi kekuatan ± 6.000 pasukan sing minangka bagian saka Allied Forces Netherlands East Indies (AFNEI), pasukan Sekutu sing dikirim ing Indonesia sawisé Perang Donya II kanggo nglucuti senjatané tentara Jepang, mbebasaké tawanan perang Jepang lan mbalèkaké Indonesia maneh dadi Hindia Belanda kakuasaan Belanda ing ngisor administrasi NICA (Netherlands Indies Civil Administration).

Mati lan pecahe Paprangan 10 Nopember[sunting | sunting sumber]

Mallaby mimpin pasukanne mlebu Surabaya ing tanggal 25 Oktober 1945 kanggo nglucuti tentara Jepang jumbuh karo isi Perjanjian Yalta. Tujuan iki entuk perlawanan saka pasukan Indonesia amarga AFNEI nuntut panjenengane nyerahake senjata-senjata sing wes dirampas dening Indonesia luwih disik saka Jepang. Lekas pirang-pirang masalah senjata ing antarane rong pasukan, sing salah sijine nalika tanggal 30 Oktober 1945 ing cedhak Jembatan Merah, Surabaya. Mobil Buick sing ditumpaki Mallaby dicegat dening pasukan saka Indonesia nalika arep lewat kreteg lan nyebabake kadadean tembak-tembakan sing akhire Mallaby tilar donya dening tembakan pistol salah sijining pemuda Indonesia sing tekan saiki ora dingerteni identitase, lan kobonge montor Mallaby amarga mbledose salah sijining granat sing nyebabake mayit Mallaby angel dikenali.[1]

Montor Brigadir Jenderal Mallaby sing kebakar ing cedhak Gedung Internatio lan Jembatan Merah

Surabaya

Tilar donyane Mallaby nyebabake Mayor Jenderal E.C. Mansergh, sing ngganti Mallaby ngetokake ultimatum kanggo pasukan Indonesia ing Surabaya tanggal 9 November 1945 kanggo nyerahake senjata tanpa syarat. Ing tanggal 10 November 1945 lekas Paprangan 10 November amarga pihak Indonesia ora peduli karo ultimatum iki.


Karir militer[sunting | sunting sumber]

Rujukan[sunting | sunting sumber]

  • Ensiklopedi Nasional Indonesia, Edisi 1990, Jilid 10
  • Batara R. Hutagalung: “10 November ’45. Mengapa Inggris Membom Surabaya?" Millenium Publisher, Jakarta Oktober 2001, xvi + 472 halaman

Referensi[sunting | sunting sumber]

  1. ^ Batara R. Hutagalung: "10 November ’45. Mengapa Inggris Membom Surabaya?" Penerbit Millenium, Jakarta Oktober 2001, cetakan xvi, 472 halaman
  2. ^ Profil ing Generals.dk

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Aubertin_Mallaby&oldid=835122"