Athena (mitologi)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Athena
Athena Varvakeion, patung saking masa Romawi paruh kapisan abad kaping 3 Masehi. Patung menika replika saking arca kanthi ukuran raksesa Athena Parthenos karyanipun Phidias ingkang nate jumeneng wonten ing Parthenon, Akropolis Athena. Dipunpanggihaken wonten ing Athena celak kalihan sekolah Varvakeion.
Athena Varvakeion, patung saking masa Romawi paruh kapisan abad kaping 3 Masehi. Patung menika replika saking arca kanthi ukuran raksesa Athena Parthenos karyanipun Phidias ingkang nate jumeneng wonten ing Parthenon, Akropolis Athena. Dipunpanggihaken wonten ing Athena celak kalihan sekolah Varvakeion.
Dewi kebijaksanaan, perang, strategi[1]
Dewi pelindung kutha Athena
Simbul Burung hantu, pohon zaitun, ular, laba-laba, Aigis, baju perang, helm perang, tombak
Wong tuwa Zeus lan Metis
Sedulur Poros[2]
Padanan jroning mitologi Romawi Minerva

Athena utawi Athene (Attika: Ἀθηνᾶ, Athēnā atau Ἀθηναία, Athēnaia; Epik: Ἀθηναίη, Athēnaiē; Ionia: Ἀθήνη, Athēnē; Doria: Ἀθάνα, Athana; Basa Latin: Minerva),ugi dipunwastani Pallas Athena utawi Pallas Athene (Παλλάς Αθηνά; Παλλάς Άθήνη) wonten ing mitologi Yunani inggih menika dewi kawicaksanan, strategi, lan perang. Athena ugi kawentar minangka dewi ingkang nulungi para pahlawan. Athena menika satunggaling dewi ingkang wiyos dados priyantun estri dewasa lan naté dipungambaraken minangka lare alit. Athena boten gadhah garwa utawi pasangan saengga dipunwastani parthenos ("perawan"), Hefaistos nate nyobi merkosa ananging boten saged. Kuil Parthenon ing kutha Athena, Yunani menika kuilipun ingkang paling kondhang.[3]

Miturut legenda, Athena menika putri ingkang paling dipunremeni dening Zeus, dewa paling kuwat. Ibunipun menika dewiMetis ingkang kalebet dewi pamikiran lan kepandaian, ugi kondhang minangka dewi kawicaksanan. Athena dipunparingi kekuwatan saking bapakipun lan kawicaksanan dening ibunipun. Wonten ing legenda sanèsipun, Pallas dipunanggep dados bapakipun awit saking menika piyambakipun pikantuk gelar Pallas Athena (Παλλάς Αθηνά). Kejawi menika ugi wonten ingkang nyebat bilih Athena saged mateni Pallas nalika perang Dewa nglawan Titan saenga pikantuk gelar Pallas Athena.

Athena naté ngéwahi Medusa saking wanita ayu dados monster. Salajengipun Perseus nugel sirah Medusa lan maringaken dhateng Athena, sang dewi banjur masang sirahipun Medusa ing perisainipyn utawi wonten Aigis. Athena dipunubungaken déning bangsa Etruria kalihan Dewi anama Menrva, lajeng dipunadaptasi dening tiyang Romawi minangka Minerva.[3] Athena dipunkancani dening burung hantu alit lan dewi kemenangan Nike. Piyambakipun ugi asring dipungambaraken nyekel tombak.

Asal-usul[sunting | sunting sumber]

Relief Athena ing Astana Louvre, damelan Philippe-Laurent Roland, 1806.

Pamujan dhumateng Athena minangka ingkang njagi kutha Athena katingalipun sampun wonten wiwit masa kuno saengga mitos-mitos kuno babagan piyambakipun dipunadaptasi miturut mekaring budaya. Filsuf Yunani, Plato (429–347 SM), damel identifikasi kalihan dewi Libya, Neith, dewi perang lan perburuan saking Mesir wiwit periode pradinasti, lan ngubungaken kalihan kegiyatan nenun. Sejarawan Yunani, Herodotos (484–425 SM), ugi nyebataken bilih penduduk Sais ing mesir nyembah dewi anama Neith;[4].

Atribut[sunting | sunting sumber]

Minangka dewi perang, simbol Athena antawisipun busana perang, tombak, helm perang, perisai mawi sirah Gorgon, sarta Aigis. Aigis menika mantel utawi jubah ingkang dipunrenggani kalihan sirahipun Medusa ugi dipunpitayani saged paring perlindungan ingkang kuwat (Aigis ugi dipunsebat minangka perisai Zeus lan Athena). Lajeng kewan ingkang dados atribut Athena inggih menika burung hantu, ula, lan lkemangga. Amargi wonten gegayutanipun kalihan dewi Athena ingkang dados dewi kawicaksanan banjur dumugi samenika burung hantu dipunwsatani minangka simbol, kawicasanan. Athena naté ngéwahi Arakhne dados kemangga (laba-laba) saéngga kéwan kasebut ugi dados attributipun. Lajeng ula menika lambang saking Erikhtonios, manungsa ingkang nate dipunurus déning Athena. Wit ingkang keramat kagem piyambakipun inggih menika wit zaitun. Athena ugi kadang kala kalihan Nike, dewi kemenangan.

Cathetan suku[sunting | sunting sumber]

  1. ^ "Athena". Myths Encyclopedia. http://www.mythencyclopedia.com/Ar-Be/Athena.html. Retrieved 2009-11-24.
  2. ^ Poros menika sedherek kuwalon Athena amargi Poros menika putra Metis ingkang nglairaken piyambakan, Dene Athena wiyos saking hubungan hubungan Metis lan Zeus.
  3. ^ a b Deacy, Susan, and Alexandra Villing. Athena in the Classical World. 1st ed. Koninklijke Brill NV,Leiden, The Netherlands: Brill, 2001. Print.
  4. ^ "masyarakat tersbeut memiliki dewi untuk sang pendiri kota mereka; dia disebut sebagai Neith, dan menurut mereka itu adalah dewi yang sama dengan dewi Athena dari Yunani; mereka sangat menyukai orang-orang Athena, dan mereka mengatakan bahwa mereka dan bangsa Athena memiliki ikatan tertentu" ( Timaios 21e)

Referensi[sunting | sunting sumber]

  • Apollodoros, Bibliotheke, 3,180
  • Augustine, De civitate dei xviii.8–9
  • Cicero, De natura deorum iii.21.53, 23.59
  • Eusebius, Chronicon 30.21–26, 42.11–14
  • Lactantius, Divinae institutions i.17.12–13, 18.22–23
  • Livius, Ad urbe condita libri vii.3.7
  • Lucan, Bellum civile ix.350

Referensi modern[sunting | sunting sumber]

  • Burkert, Walter. 1985. Greek Religion (Harvard).
  • Graves, Robert. (1955) 1960. The Greek Myths edisi revisi.
  • Kerenyi, Karl. 1951. The Gods of the Greeks (Thames and Hudson).
  • Harrison, Jane Ellen. 1903. Prolegomena to the Study of Greek Religion.
  • Palaima, Thomas. 2004. "Appendix One: Linear B Sources." dalam Trzaskoma, Stephen, et al., eds., Anthology of Classical Myth: Primary Sources in Translation (Hackett).
  • Ruck, Carl A.P. dan Danny Staples, 1994. The World of Classical Myth: Gods and Goddesses, Heroines and Heroes (Durham, NC).
  • Telenius, Seppo Sakari, 2005 dan 2006. Athena-Artemis.
  • Trahman, C.R. 1952. "Odysseus' Lies ('Odyssey', Buku 13-19)" dalam Phoenix, Vol. 6, No. 2 (Classical Association of Canada), hal. 31–43.
  • Ventris, Michael dan John Chadwick. 1973. Documents in Mycenaean Greek (Cambridge).
  • Friel, Brian. 1980. Translations

Pirsani ugi[sunting | sunting sumber]

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Athena_(mitologi)&oldid=870265"