Astana Windsor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Istana Windsor
Istana Windsor

Astana Windsor menika astana abad tengahan lan dalemipun Krajaan Britania Raya kanthi resmi ingkang mapan wonten ing Windsor, Berkshire, Inggris. Astana menika kawéntar awit saking asosiasi jangka dangu kaliyan kulawarga krajaan Inggris lan ugi awit saking arsitèktur ingkang megah. Astana ingkang asli dipunbangun saksampunipun invansi Norman déning William Sang Penakluk. Nalika masa pamaréntahan Henry I, istana menika dipunginakaken kanggé dalem kulawarga Krajaan Inggris lan dados istana paling dangu ingkang dipunnggèni ing Eropa.

Arsitèktur kastil ingkang megah menika dipungambaraken déning sejarawan seni Hugh Roberts minangka Arsitektur luar biasa ingkang boten ketandingan ing Eopa [1]. Bangunan astana kalebet Kapel St George ingkang dipunbangun nalika abad kaping 15. Langkung saking gangsal atus tiyang ingkang mapan lan nyambut damel ing Windsor saéngga ndadosaken astana kuno ingkang dinggèni paling ageng ing donya.

Ing wiwitanipun, astana menika karancang kanggé nglindungi dominasi Norman saking sekitar pinggiraning kutha London. Kejawi menika kanggé ngawasi bagéyan strategis ingkang wigati ing Kali Thames. Kanthi bertahap struktur bangunan banjur dipungantos kanthi bèntèng watu. Bèntèng menika tahan nalika pangepungan ingkang dangu nalika Perang Baron I ing wiwitan abad kaping 13. Henry III banjur mbangun astana ingkang mewah ing dalem kastil nalika abad tengahan. Edward III ugi ngembangaken astana dados langkung megah, ingkang pembanungan kala menika dipunwastani dados proyek bangunan ingkang paling awis ing Abad Tengahan ing Inggris[2]. Nalika ing periode Tudor, Henry VIII lan Elizabeth I ningkataken pangginaan kastil minangka astana resmi kerajaan lan pusating hiburan diplomatik.

Astana Windsor saged slamet saking periodé ingkang kebak kaliyan gejolak nalika Perang Saudara Inggris. Bèntèng menika kaginakaken minangka markas militer kanggé pasukan Parlemen lan penjara kanggé Charles I. Nalika ing era Restorasi, Charles II nata malih Astana Windsor kanthi pambiyantu saking arsitek Hugh May, nyipta satunggal kompleks bangunan megah lan interior Barok ingkang tasih jumeneng dumugi sakmenika.

Ing abad kaping 18, George III lan George IV ngrenovasi lan mbangun malih bangunan astana Charles II kanthi béaya ingkang ageng. Asilipun desain ingkang samenika dados apartemen negara kanthi Gaya Rococo, Gotik, lan Barok. Ratu Victoria damel éwah-éwahan alit ing astana kanthi ndadosaken pusat hiburan kerajaan nalika masa pamaréntahanipun. Astana Windsor kaginakaken kangge papan berlindung kanggé kulawarga kerajaan nalika wonten pangeboman Jerman Nazi dhateng London ing Perang Dunia II lan slamet saking kobongan ageng taun 1992. Sakmenika astana menika dados atraksi wisata ingkang kawentar ing Inggris, papan kanggé njamu kunjungan kanegaran, lan papan kanggé liburan ingkang dipunremeni dening Ratu.

Pranala Njawi[sunting | sunting sumber]

Referensi[sunting | sunting sumber]

  1. ^ Hugh Roberts, Options Report for Windsor Castle, cited Nicolson, p.79.
  2. ^ Nicolson, p.78; Brindle and Kerr, p.61.
Sumber artikel punika saking kaca situs web: "http://jv.wikipedia.org/w/index.php?title=Astana_Windsor&oldid=839971"