Kadhaton Changgyeong

Saka Wikipédia Jawa, bauwarna mardika basa Jawa
(Kaelih saka Astana Changgyeong)
Kadhaton Changgyeong
Jeneng Koréa
Hangul창경궁
Hanja昌慶宮
Alihaksara Koréa Kang SinampurnaChanggyeonggung
McCune–ReischauerCh'anggyŏnggung

Kadhaton Changgyeonggung utawi Kadhaton Changgyeong punika satunggaling astana ingkang mapan wonten ing Seoul, Koréa Kidul [1]. Astana Changgyeonggung punika naté dados kebun binatang lan taman botani lan dados situs sajarah ing Koréa [2].

Sajarah[besut | besut sumber]

Astana Changgyeonggung punika dipunyasa déning panguwasa kaping 4 Dinasti Joseon inggih punika Raja Sejong ing taun 1104. Wiwitanipun astana punika dipun-ginakaken kanggé bapak Sejong inggih punika Raja Tejong ingkang sampun lèngsèr. Sapunika astana punika kaubungaken langsung kaliyan Jongmyo Shrine nggginakaken kreteg[2].

Nalika jumeneng, Astana Changgyeonggung sampun naté dipunrenovasi saéngga naté dados kebun binatang lan taman botani nalika masa papréntahan Jepang. Lajeng astana punika dipun-restorasi lan dipunkonduraken marang fungsi mliginipun ing taun 1983. Mbetahaken wekdal langkung saking 20 taun kanggé damel rekonstruksi yasan ingkang rusak amargi Invasi Jepang dhateng Koréa nalika taun 1592[2]. Nalika taun 1893, kebun binatang lan taman botaninipun dipunicalaken.

Wangunan ing Astana Changgyeonggung[besut | besut sumber]

Sapunika papan ingkang ngandhut aji sajarah ing Astana Changgyeonggung inggih punika:

  • Gerbang Honghwamun utawi Gerbang Hongwa ingkang dipunyasa nalika taun 1484 nanging risak amargi kobongan lajeng dipunyasa malih ing taun 1616 nalika masa papréntahan Raja Gwanghaegun[2].
  • Kreteg Okcheongyo utawi Kreteg Ocheon kanthi wujud lengkung kanthi dawa 9,9 mèter lan lebar 6,6 mèter ingkang dipunyasa ing taun 1483.
  • Myeongjeongjeon punika kantor raja ingkang dipunyasa tau 1484 kanthi satunggal lantai lan atap ingkang wujudipun susunan. Béda kaliyan griya sanèsipun ingkang madep ngidul, Myeongjeongjeon madep mangetan. Punika amargi kuil saking leluhur karajan mapan wonten ing kidul saéngga pintu gerbang Myeongjeongjeon boten kénging madep kidul ugi miturut ajaran lan piwulangan konfusianisme.
  • Sungmundang. Wangunan astana ingkang dipunyasa ing taun 1830 kanggé Raja Sunjo, Raja Yeongjo ingkang ngawontenaken ujian kanigaran ing mriki.
  • Paviliun Haminjeong ingkang dipunyasa ing taun 1633.
  • Gyeongchunjeon. Wangunan astana punika ingkang dipunyasa ing taun 1483. Raja Jeongjo lan Raja Heonjong wiyos wonten ing papan punika.
  • Hwangyeongjeon punika yasan ingkang dipunyasa ing taun 1484 nalika panguwasanipun Raja Seonjong.
  • Tongmyeongjeon punika dados bangungan paling ageng ingkang gadhah sajarah ingkang dawa lan sampun naté dipunrenovasi bola bali. Dipunbangun ing taun 1484 lajeng risak ing taun 1592 nalika invasi Jepang. Déning karajan, Tongmyeongjeon dipunyasa malih taun 1616 nanging kobongan ing taun 1834. Lajeng jumeneng malih nalika taun 1834[2].
  • Kolam Chundangji Dipundamel nalika taun 1909 kanthi satunggal pulo ingkang wiyaripun 366 mèter persegi lan satunggal kreteg ingkang dipuntambah ing taun 1984. Kolam ingkang paling alit wiyaripun 1.107 mèter persegi déné ingkang paling ageng kanthi 6.483 mèter persegi.

Ugi pirsani[besut | besut sumber]

Gladri[besut | besut sumber]

Cathetan suku[besut | besut sumber]

  1. [1] (id) Pura Koréa (dipun-akses tanggal 9 Januari 2013)
  2. a b c d e [2] Archived 2012-11-07 at the Wayback Machine. (id) Changgyeonggung-Pura di Jantung Kota Seoul (dipun-akses tanggal 9 Januari 2013)