Astana Changdeok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Astana Changdeok
Hangeul 창덕궁
Hanja 昌德宮
Alih Aksara sing disampurnakaké Changdeokgung
McCune–Reischauer Ch'angdŏkkung
Komplek Istana Changdeokgung*
Situs Warisan Donya UNESCO

Changdeokgung-Injeongjeon.jpg
Changdeokgung Injeongjeon
Negara Flag of Koréa Kidul Korea Selatan
Tipe Budaya
Kriteria ii, iii, iv
Referensi 816
Wilayah Asia-Pasifik
Sajarah prasasti
Prasasti resmi 1997  (Sèsi 21st)
* Jeneng resmi jroning Daftar Warisan Donya.
Miturut klasifikasi resmi UNESCO.

Astana Changdeok utawi Astana Changdeokgung menika satunggaling astana Dinasti Joseon ing Seoul, Korea Selatan ,[1] [2]. Astana menika mapan wonten ing sisih wétan astana utama ( Astana Gyeongbok ). Astana menika pikantuk jejuluk Donggung ( Istana Timur ). Changdeokgung piyambak menika ateges Astana Kebajikan Gemilang [3] Changdeokgung bermakna "Istana Kebajikan Gemilang".[3].

Minangka astana utama, Astana gyeongbok dados pusating pamaréntahan ing dipunubengi déning kuil leluhur, altar kurban, lan kantor-kantor pamaréntahan. Ananging astana ingkang dipunremeni lan dipun-nggèni langkung dangu menika Changdeok. Nalika pungkasan Dinasti Joseon ing taun 1910, Astana Changdeok dados asèt pamaréntah lan kabikak kanggé umum.

Dumugi samenika, kompleks menika dipunremeni amargi marisi èlemen-èlemen arsitektur Zaman Tiga Kerajaan ingkang harmonis kaliyan alam. Metode kados mekaten boten dipunpanggihaken ing pembangunan Astana Gyeongbok. Sesarengan Bèntèng Hwaseong, Astana Changdeok dipunlestantunaken minangka Situs Warisan Donya UNESCO ing taun 1997 [4] [5].

Sejarah[sunting | sunting sumber]

Astana Changdeok menika dipunbangun nalika taun 1405. Wiwitanipun astana menika dados villa utawi bale angin ( igung ). Astana kados mekaten padatanipun namung kaginakaken kanggé dalem raja sawetara nalika ngaso. Kathahipun dipunbangun tebih saking ibukota, mliginipun wonten ing dhaérah-dhaérah kanthi pemandhangan ingkang éndah. Ananging, Changdeok menika satunggaling vila ingkang mapan wonten ing ibukota namung 1 km saking Astana Gyeongbok. Kebiasaan mbangun vila wonten ing kutha kados mekaten kawiwitan nalika zaman Dinasti Goryeo.

Amargi wiwitianipun dipunbangun dados vila bangunan ing Astana Changdeok menika boten wiyar lan fasilitasipun kanggé nggampilaken raja. Nalika peran astana menika langkung kathah kanggé adicara ingkang resmi, banjur dipunwiyaraken lan cacahipun bangunan ugi dipuntambah.

Nalika 200 taun kapisan, Astana Changdeok boten kénging pengaruh masalah politik ingkang kedadosan ing astana utama. Nalika gesangipun raja nembé tentrem banjur tindak dhateng Astana Changdeok. Ing periode menika, papan ingkang dados remenanipun raja inggih menika Gwangyeollu ( Pendhapa ingkang wiyar ) ingkang sampun jumeneng saking purwa. Raja Taejong asring ngawontenaken jamuan kanggé para pejabat astana Gwangyeollu lan mirsani gyeokgu ( polo ) saking mriki.

Astana Chaengdeok naté kobongan nalika prastawa Perang Imjin ing taun 1592 [6]. Pembangunan malih dipunwontenaken ing taun 1609 ingkang nggantos Astana Gyeongbok minangka astana utama [5].

Pirsani ugi[sunting | sunting sumber]

Pranala Njawi[sunting | sunting sumber]

Cathetan suku[sunting | sunting sumber]

  1. ^ [1] (id) Objek wisata di Korea Selatan - Istana Changdeok ( dipun-akses tanggal 8 Januari 2013 )
  2. ^ (en)Changdeokgung Palace Complex, UNESCO.
  3. ^ a b Kim, Dong-uk (2006). Palaces of Korea. Seoul: Hollym Corp. pp. 88. ISBN 1-56591-224-1.
  4. ^ (en)World Heritage Committee Inscribes 46 New Sites on World Heritage List, UNESCO.
  5. ^ a b [2] (id) Changdeokgung ( dipun-akses tanggal 8 Januari 2013 )
  6. ^ (en)Changdeok Palace / Biwon Garden, lifeinkorea
Sumber artikel punika saking kaca situs web: "http://jv.wikipedia.org/w/index.php?title=Astana_Changdeok&oldid=836081"