Asparagus

Saka Wikipédia Jawa, bauwarna mardika basa Jawa
Asparagus
Klasifikasi ngèlmiah
Karajan: Plantae
Dhivisi: Magnoliophyta
Klas: Liliopsida
Ordho: Asparagales
Famili: Asparagaceae
Génus: Asparagus
Spésies: A. officinalis
Jeneng binomial
Asparagus officinalis
L.

Asparagus inggih punika salah satunggaling nama janganan ingkang taksih kalebet satunggal spésies jinis tetaneman génus Asparagus mliginipun saking pang ingkang taksih enèm saking Asparagus officinalis.

Asparagus kathah dipuntanem ing Amérika, mliginipun ing Amérika Lor/Amérika Lèr, lan kathah sumber ingkang nyebataken bilih asparagus asaliun saking Amérika Lèr. Laladan-laladan ingkang dipuntanemi asparagus tuladhanipun inggih punika Lembah California, Sacramento, New Jersey, Carolina Kidul, lan Illinois.

Asparagus punika taneman ingkang dipundhahar bungipun, déné bung ingkang dipunpendhet punika bung ingkang ageng ingkang wernanipun pethak lan gadhah karakter empuk lan lema-lema. Asparagus padatanipun dipuncawisaken dados janganan ingkang seger boten kedah dipunmasak rumiyin utawi dados dhaharan ing kalèng.

Kandhutan[besut | besut sumber]

Asparagus sampun dangu dipun-ginakaken dados bahan tetedhan amargi raosipun ingkang éco lan gadhah sipat diuretik. Kanthi sipat diuretik kasebat, asparagus gadhah khasiyat kanggé nglancaraken saluran urin saéngga saged ndadosaken ginjel makarya kanthi saé.[1] Asparagus punika sumber ingkang saé piyambak saking kandhutan asem folat nabati, lan kalorinipun andhap sanget, boten ngewrat lemak utawi kolesterol, saha unsur natriumipun namung sakedhik. Taneman punika ugi kalebet sumber rutin, inggih punika satunggaling senyawa ingkang saged damel langkung kiyat dhindhing kapiler.

Asparagus punika ngewrat sodium ingkang sakedhik. Asparagus ugi dados sumber ingkang saé piyambak kanggé vitamin B6, kalsium, magnesium, lan seng, ugi dados sumber ingkang saé sanget kanggé serat, protéin, vitamin A, vitamin c, vitamin K, vitamin E, thiamin, riboflavin, rutin, niacin, asem folat, wesi, fosfor, kalium, tembaga, mangan lan selenium. Asam amino asparagina punika pikantuk saking taneman asparagus punika.[2]

Pangipun asparagus ingkang wadon langkung lema lan padhet isinipun tinimbang pang asparagus ingkang jaler. Asparagus ingkang langkung empuk inggih punika asparagus ingkang wenanipun ijem utawi pethak, sanès ingkang tipis. Asparagus boten saged dimbu ing wekdal ingkang dangu, ingkang saé langsung dipunsayur ing dinten punika utawi ing wekdal paling dangu tigang dinten.

Punika rantaman manéka warna kandhutan gizi ingkang kawrat wonten ing asparagus:[3]

Kandhutan Gizi Asparagus per 100 g (3.5 oz)

  • Energi 85 kJ (20 kcal)
  • Karbohidrat 3,88 g
  • Gula 1,88 g
  • Diet serat 2,1 g
  • Lemak 0,12 g
  • Protein 2.20 g
  • Thiamine (Vit. B1) 0,143 mg (11%)
  • Riboflavin (Vit. B2) 0,141 mg (9%)
  • Niacin (Vit. B3) 0,978 mg (7%)
  • Asam pantotenat (B5) 0,274 mg (5%)
  • Vitamin B6 0,091 mg (7%)
  • Folat (Vit. B9) 52 mg (13%)
  • Vitamin C 5,6 mg (9%)
  • Kalsium 24 mg (2%)
  • Besi 2,14 mg (17%)
  • Magnesium 14 mg (4%)
  • Fosfor 52 mg (7%)
  • Kalium 202 mg (4%)
  • Seng 0,54 mg (5%)
  • Mangan 0,158 mg

Cathetan suku[besut | besut sumber]

  1. [1] Archived 2013-01-31 at the Wayback Machine. Manfaat Asparagus Kanggé Kaséhatan (dipunundhuh tanggal 27 Januari 2013)
  2. [2] Asparagus information from the Michigan Asparagus Advisory Board (dipunundhuh tanggal 27 Januari 2013)
  3. [3] Multilingual taxonomic information from the University of Melbourne (dipunundhuh tanggal 27 Januari 2013)