Asap Cair

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Asap cair saking bahan bathok klapa

Asap cair menika dipundamel saking bathok klapa kang dibakar kanthi proses pirolisis saha destilasi.[1] Proses ingkang sepisanan inggih menika bathok klapa ingkang dipunobong kanthi suhu 400-500 celsius saengga dados pega.[1] Pega menika lajeng ngalami proses destilasi ingkang artosipun dipundadosaken cair malih.[1] Sasampunipun menika, pega kalawau banjur dados asap cair.[1] Proses menika dangunipun wolung jam. [1]Kirang langkung tiga ngantos sekawan jam kanggé mbakar bathok klapa, salajengipun mbetahaken wekdal ngantos wolung jam ngantos proses pega menika saged dados asap cair sedaya.[1] Asap cair menika nggadhahi kagunan ingkang sami kaliyan formalin inggih menika kangge ngawétaken.[2] Ananging menawi formalin menika kalebet zat kimia ingkang mbebayani sanget tumprap kaséhatan manungsa dene asap cair menika saged ngawétaken tanpa mbebayani manungsa.[2] Asap cair menika saged kanggé ngawétaken ulam bandeng.[2] Menawi kala rumiyin para pengusaha bandeng ngginakaken kayu ingkang dipunbakar saha nyelehaken ulam bandeng wonten nggilipun kayu ingkang ngetokaken pega kanthi wekdal 12 jam, pramila kanthi ngginakaken asap cair menika langkung cepet saha ngirit wekdal.[2] Kanthi asap cair para pengusaha bandeng namung ngrendhem bandeng wonten ing asap cair kanthi itungan menit kemawon. [2]Menika langkung efisien tinimbang ngginakaken pega saking kayu.[2] Kejawi dipunginakaken kanggé ngawétaken bandeng, asap cair ugi kénging kanggé ngawétaken bakso, mi, tahu saha daging pitik. [3]

Cathetan suku[sunting | sunting sumber]

  1. ^ a b c d e f (id)[Majalah Trubus, Edisi 469 Desember 2008, kaca 30]
  2. ^ a b c d e f (id)[Majalah Trubus, Edisi 169 Desember 2008, kaca 24]
  3. ^ (id)[Majalah Trubus, Edisi 169 Desember 2008, kaca 17]

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Asap_Cair&oldid=832855"