Arkana Mayor

Saka Wikipédia Jawa, bauwarna mardika basa Jawa

Arkana Mayor utawa trumps kuwi sawijining golongan saka rong puluh-loro kertu ing 78 lembar set kertu tarot. Kertu kuwi dadi kertu utama drub (trump) lan golongan ing permainan kertu tarot, lan dibedakaké saka papat golongan kertu setandar sing diarani arkana minor.[1] Istilah "Arkana Mayor" lan "Arkana Minor" iku digunakaké ing laduni lan ramalan, asalé saka Jean-Baptiste Pitois, nyerat nganggo jeneng Paul Christian.[2]

Dummett njlèntrèhaké asalé Arkana Mayor nduwéni arti pralambang utawa éksotèris,asalé saka idéologiné para èlit karaton ing Itali saka abad angka 15.[3] Bab sing magepokan karo bab iladuni nembé wiwit ing abad kaping 18 nalika Antoine Court de Gébelin (Pendeta Switserlan dan Freemason) nerbitké Le Monde Primitif. Pengembanganing saka iladuni lan divinasiné Tarot, Arkana Mayor lan Minor banjur dibacutaké saka kono.[4] Contoné, Antoine Pengadilan de Gébelin mbantah makna Tarot saka Mesir, Kaballistik, lan divinasi: Etteilla gawé cara divinasi nganggo tarot: Eliphas Lévi mempeni ben bisa metu saka sipat divinasi tarot ing Mesir, mbalekaké ing Tarot de Marsailles, nggawé gegayutan sing mbulet karo kabalistik, lan malah mratelaké yèn Arkana Mayor iki makili urutan kauripan. Marquis Stanislas de Rami nakyinaké Mayor Arcana kanggo prakarsa urutan ing netepake dalan hakékat lan owah-owahaning rohani. Pungkasanipun Sallie Nichols, ahli ngèlmu jiwa Jungian, nyerat nalika tarot gadhah bobot ing ngèlmu jiwa lan arketip, malah tansaya jeru ngubungaké kabèh garapan individu Jungian karo Tarot drub.[5] Manéka warna panapsiran saka Arkana Mayor iki dikembangaké ing pirang ajaran, sakabehé isih terus dinggo mudhengaké bab Mayor Arkana nganti dina iki.

Pratélan Arkana Mayor[besut | besut sumber]

Saben Arkana Mayor nggambaraké sawijining adégan, lumrahé nggambaraké wong utawa sawatara wong, karo akèh perlambang. Ing pirang-pirang jinis kertu lumrahé wis nduwé nomer (lumrahé ing Romawi) lan jeneng, sanadyan ora kabèh kertu duwé loro-loroné, lan sawenèh kertu mung ana gambar waé. Kertu wiwitan ora nduwé jeneng lang nomer ing mayoré (bokmanawa amarga akèh wong rung bisa maca),urutané kertu uga durung ana patokané.[butuh sitiran] Nanging, salah siji sing paling umum dinggo iku antarané:

Nomer Jeneng
Ora ana (0 utawa 22) Gemblung
1 Majusi
2 Pandhita wadon
3 Pramèswari
4 Maharaja
5 Pandhita
6 Sutrisna
7 Kreta
8 Kakuwatan
9 Sutapa
10 Roda Rejeki
11 Keadilan
12 Wong Digantung
13 Pati
14 Dhiri
15 Sétan
16 Menara
17 Lintang
18 Rembulan
19 Srengéngé
20 Kiyamat
21 Donya

Kertu Kakuwatan (Strength) lumrahé kertu nomer sewelas lan Kaadilan (Justice) nomer wolu, nanging saka pengaruh Rider-Waite-Smith ngijoli urutané ben cocog karo padhanan ngèlmu panujuman sing digawé karo Hermetic Order of Golden Dawn. Minangka gayutané kertu nomer wolu karo Leo lan kertu sewelas karo Libra..[citation needed] Golongan-golongan kertu saiki wis nganggo jinis penomeran kaya ngené, kususé ning donya sing nganggo basa Inggris. Loro-lorone dianggep bener.

Nganti abad angka 17, kertu utama kuwi kusus dinggo gim lan judhi. Lumrahé ateges pralambang lan budaya, nanging kertu kuwi kabèh asliné ora akèh ngandhut makna gaib.

Cathetan[besut | besut sumber]

  1. Ronald Decker and Michael Dummett, History of the Occult Tarot, London: Duckworth, 2002 ISBN 978-0715631225
  2. Ronald Decker, Thierry Depaulis, and Michael Dummett.
  3. Michael Dummett.
  4. See Divinatory, esoteric and occult tarot for a detailed history of the construction of the occult Tarot
  5. Sallie Nichols.

Rujukan[besut | besut sumber]

  • Ronald Decker and Michael Dummet (2002). History of the Occult Tarot. London: Duckworth.
  • Garen, Nancy (1989). Tarot Made Easy. Simon & Schuster. ISBN[pranala mati permanèn] 0671670875[pranala mati permanèn].
  • Douglas, Alfred (1972). The Tarot. Penguins Book.
  • Nichols, Sallie (1980). Jung and Tarot: an Archetypal Journey. York Beach: Weiser.
  • Pollack, Rachel (2009). Seventy-Eight Degrees of Wisdom: A Book of Tarot. Red Wheel/Weiser. ISBN 1578634083.