Archelon

Saka Wikipédia Jawa, bauwarna mardika basa Jawa

Archelon, kapendhet saking basa Yunani ingkang gadhah pangertosan pimpinan para penyu. Archelon punika penyu seganten saking jaman prasajarah ingkang sampun cures. Archelon kalebet penyu ingkang paling ageng ingkang naté dipundokumentasikaken. Spesimén archelon pinanggih déning Dr. G.R. Wieland wonten ing formasi géologis Pierre Shale, Dakota Selatan, Amérikah Sarékat, 1895. Wonten ing warsa 1970an, fosil Archelon ingkang paling ageng dipuntemokaen wonten ing papan ingkang sami. Fosil punika gadhah ukuran dawa langkung 4 mèter saha amba saking sirip satunggal dumugi sirip sanèsipun kinten-kinten 4,87 mèter.