Anne saking Bretagne

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Anne
Adipati Wanita Bretagne
Pamaréntahan 9 September 1488 – 9 Januari 1514
Didhisiki Francis II
Pangganti Claude
Permaisuri Perancis
Kedudukan tetap 6 Desember 1491 – 7 April 1498
8 Januari 1499 – 9 Januari 1514
Panobatan 8 Pebruari 1492
Garwa Maximilian I, Kaisar Romawi Suci
Charles VIII saking Perancis
Louis XII saking Perancis
Isu
Charles Orlando, Dauphin Perancis
Claude, Ratu Perancis
Renée, Adipati Wanita Ferrara
House Dreux-Montfort
Bapa Francis II, Adipati Bretagne
Ibu Margaret saking Foix
Miyos 25 Januari 1476
Nantes, Bretagne
Tilar donya 9 Januari 1514 (umur 36)
Blois, Prancis

Anne, Adipati Wanita Bretagne (25 Januari 1477 – 9 Januari 1514),[1] uga dikenal minangka Anna saking Bretagne (Basa Prancis: Anne de Bretagne; basa Breton: Anna Vreizh), minangka salah sijining pamimpin Bretagne, sing dadi ratu saking rong raja Prancis sing mrintah. Panjenengané dilahiraké ing Nantes, Bretagne, lan minangka putri Francis II, Adipati Bretagne lan Margaret saking Foix. Eyang maternalé yaiku Ratu Eleanor saking Navarra lan Gaston IV, Pangeran Foix. Sawisé tilar donyané bapaké, panjenengané dadi Adipati Wanita Bretagne sing ndaulat dadi Pangeran Wanita Nantes, Montfort lan Richmont lan Viscount Wanita Limoges. Ing mangsané, panjenengané minangka wanita Eropah paling sugih [2].

Wiwitaning Urip[sunting | sunting sumber]

Anne yaiku putri tunggal Francis lan Margaret sing selamet tekané gedhé (panjenengané nduwèni adhi wédok, Isabeau, sing tilar donya ing taun 1490). Panjenengané gedhé minangka pewaris wilayah keadipatian. Panjenengané diwènèhi pendhidhikan sing apik lan diasuh déning Françoise de Dinan, Nyonya saka Laval lan Chateaubriant, lan pujangga Jean Meschinot.

Britannia yaiku salah sijining hadiah sing apik lan Anne ora kurang-kurang sing nyenengi. Panjenengané kanthi resmi dijodohaké karo Edward, Pangeran Wales, putra Edward IV saking Inggris ing taun 1483; ananging, Edwar ngilang, lan dianggep mati, ora suwé sawisé tilar donyané Edward IV. Sing seneng liyané uga kamasuk Maximilian saking Austria (duda Mary saking Burgundia, pewaris liyané), Alain d'Albret, Jean de Châlons (Pangeran Orange) malah uga Louis, Adipati Orléans sing wés nikah.

Ananging, ing taun 1488, pasukan Francis II dikalahaké ing Paprangan Saint-Aubin-du-Cormier, mungkasi Guerre folle ing antarané Britannia lan Prancis. Ing Perjanjian Sablé, disimpulaké kanthi ngrampungaké babagan perdamaian, Adipati dipeksa kanggo nampa kalus sing ditetepaké menawa putri-putriné ora bakal nikah tanpa ana kasepakatan saka Raja Prancis. Francis tilar donya ora suwé saka kuwi, tanggal 9 September 1488, amarga tiba saka jarané. Anne dadi Adipati Wanita, lan Britannia terjun ing krisis anyar sing ngarah ing perang pungkasan Perancis-Britannia.

Adipati Wanita Britannia[sunting | sunting sumber]

Nikahe karo Charles VIII saking Prancis, tablo patung saking lilin ing Château de Langeais.

Tumindak penting kapisan sing dilakoni Anne yaiku golèki bojo sing luwih disenengi dening anti Prancis lan cukup kuat kanggo njaga independen Bretagne. Maximilian I saking Austria dianggep minangka kandidat sing paling cocok. Nikahé karo Maximilian, sing digelar ing Rennes dening wali yaiku tanggal 19 Desember 1490, mènèhi Anne gelar Ratu Romawi, ananging babagan iki kabukti nduwèni konsekuensi sing gedhé.

Prastawa Pernikahan kuwi akhiré wés resmi déning Paus Innosensius VIII tanggal 15 Februari 1492. Akad nikah kanthi ketentuan menawa pasangan sing urip luwih suwé saka sing liyané bakal nahan kaduwénan Britannia; ananging, uga ditetepaké mangkono menawa Charles tilar donya tanpa keturunan lanang, Anne nakal nikah karo pewarisé, salanjuté raja-raja Prancis bakal nduwe kesempatan kaloro kanthi permanèn ngrebut Britannia.

Ratu Prancis[sunting | sunting sumber]

Landak Bretagne sing kebak kanthi kamenangan dikétokaké ing nduwur portal utama Château de Blois

Prastawa Pernikahan kapisan Anne diwiwiti kanthi ora apik: panjenengané nggawa rong kasur karo panjenengané nalika panjenengané teka arep nikah karo Charles, Raja lan Ratu kerep urip kapisah. Panjenengané ditunjuk lan dimahkotai Ratu Prancis ing Saint-Denis tanggal 8 Februari 1492; panjenengané dilarang déning bojoné nganggo gelar "Adipati Wanita Bretagne", sing dadi rebutan ing antarané kalorone. Nalika garwané perang ing perang-perang ing negara Italia, kakuasaan kerajaan digunakake déning seduluré, Anne saking Beaujeu. Sasuwené meteng ing uripé, Anne mapan ing kastil-kastil kerajaan Ambois, Loches lan Plessis utawa ing njero kutha-kutha Lyon, Grenoble utawa Moulins (nalika raja mapan ing Italia). Panjenengané dadi Ratu Sisilia lan gelar Ratu Yerusalem kanthi panguasaan Napoli déning Charles VIII.

Prastawa Pernikahan kuwi ngahasilaké 4 putra, ora ana sing slamet tekan wiwitaning mangsa kanak-kanak. Mung anak sing kapisan, Charles Orland (11 Oktober 1492 – 16 Desember 1495), selamet ing mangsa kanak-kanak. Anak sing sehat lan pinter, panjenengané digawé manja déning wong tuwané, sing kesiksa lair batin amarga panjenengané tilar donya amarga penyakit campak. Sawisé Charles lair, sing urip kurang saka sewulan; Francis lan Anne uga tilar donya ora suwé sawisé dilairaké. Prastawa kuwi nggawé Anne kasiksa batin, sing ndonga terang-terangan kanggo salah sijining putra sawisé tilar donyané Francis.

Ing sakiwa tengené, uga ana sapropirané pujangga istana: ing antarané panjenengané kabèh ana budayawan Italia Publio Fausto Andrelini saking Forlì, sing nyebaraké Pelajaran anyar ing Prancis.

Randa lan nikah maneh[sunting | sunting sumber]

Nalika Charles VIII tilar donya ing taun 1498, Anne yuswané 21 taun lan ora nduwèni keturunan. Kanthi sah, panjenengané saiki dikudukaké nikah karo raja sing anyar, Louis XII saking Prancis; ananging, panjenengané wés nikah karo Joan saking Prancis, putri Louis XI saking Prancis lan seduluré Charles VIII. Ing tanggal 19 Agustus 1498, ing kutha Étampes, panjenengané setuju kanggo nikah karo Louis menawa panjenengané éntuk pembatalan saka Joan sasuwené setaun. Panjenengané masang toh-tohan menawa prastawa pembatalan kasebut bakal ditolak, ananging panjenenegané kalah: prastawa Pernikahan sing kapisan Louis dibatalaké dening Paus sadurungé pungkasaning taun kuwi.

Kanggo sawetara, ing wulan Oktober 1498, Anne mrintah manèh Bretagne. Panjenengane mbalekaké Philippe de Montauban sing loyal ing papan kanselir Bretagne, njenengaké Pangeran Orange minangka Herediter Letnan Jenderal Bretagne, nggawe kebon ing wilayah-wilayah Bretagne, mrintahaké produksi duit logam sing ana tulisan jenenge. Panjenengané njupuk kesempatan mubeng-mubeng ing wilayah adipati, ngunjungi pirang-pirang papan sing durung dikunjungi ing mangsa ciliké. Panjenengané nggawé pemasukan kamenangan ing njero kutha-kutha wilayah adipati, ing kunu pengikuté nyambut kanthi kamewahan.

Upacara nikahané sing katelu Anne digelar nlaika tanggal 8 Januari 1499 (panjenengané nganggo klambi putih, sing netapaké présidhèn kanggo klambi mantèn ing mangsa ngarep), disimpulaké ing kahanan bédha banget sing kaloro. Panjenengané dudu bocah manèh, ananging salah sijining randa ratu, lan nduwèni tekad kanggo njamin diakuiné hak-hak minangka wanita bangsawan sing ndaulat wiwit saiki. Sanadyan garwa anyaré nglakokaké kekuatané panguasa ing Britannia, panjenengané kanthi resmi ngakoni haké kanthi gelar "Adipati Wanita Bretagne" lan ngetokaké keputusan kanggo jenengé.

Minangka salah sijining adipati wanita, Anne kanthi kuat mbéla kebebasan wilayah adipatiné. Panjenengané ngatur prastawa pernikahan anake, Claude, kanthi Charles saking Luksemburg ing taun 1501, kanggo gawé kuat aliansi Perancis-Spanyol lan nggenahaké Prancis suksès ing perang-perang Italia; ananging, Louis gawé keputusan prastawa pernikahan kuwi nalika nduwe firasat kayané Anne ora ngasilaké keturunan lanang. Sewaliké, Louis ngatur salah sijining prastawa pernikahan antarané Claude lan pewaris tahta Prancis, Francis saking Angoulême. Anne, gawé keputusan kanggo njaga independen Bretagne, nolak tekan mati kanggo sanksi prastawa pernikahan kuwi, sewalike ndorong Claude kanggo nikah karo Charles, utawa kanggo wilayah adipati diwarisaké putriné sing liyané, Renee. Prastawa Pernikahan Claude lan Francis akhiré digelar ing taun kuwi sawisé Anne tilar donya.

Tilar Donyané[sunting | sunting sumber]

Anne gagal kanggo urip ing mangsa adem taun 1513-1514, sekarat amarga serangan ginjal batu ing Chateau of Blois. Panjenengané dikubur ing kuburan Santo Denis. Upacara pemakamané dilangsungaké kanthi nggumunaké, yaiku sasuwené 40 dina, lan menehi inspirasi kanggo kabèh upacara pemakaman kerajaan Prancis tekan abad ka-18. Requiem kanggo Anne kemungkinan gedhé dikarang déning pengarang terkenal yaiku Johannes Prioris.[3]

Peti mati Anne saking Britannia.

Mitirut wasiaté, atine dipanggonaké ing salah sijining peti sing dilapisi nganggo émas, salanjute diangkut ing Nantes, ing tanggal 19 Maret 1514, ing salah sijining lemari wési ing biara Carmelite, ing salah sijining kuburan sing digawé kanggo wong tuwané, salanjuté dipindahaké ing Katedral Santo Pierre. Peti sing isiné ati Anne, Adipati Wanita Bretagne yaiku salah sijining kothak lonjong, bivalvular, digawé saka lembaran emas sing bisa disurung manèh lan disambung karo engsel, selebaran saka emas cordelière lan ditutup nggango salah sijining mahkota saka lili lan semanggi. Peti kuwi ditulisi:

En ce petit vaisseau
De fin or pur et munde
Repose ung plus grand cueur
Que oncque dame eut au munde
Anne fut le nom delle
En France deux fois royne
Duchesse des Bretons
Royale et Souveraine.[4]

Peti iki digawe déning salah sijining pande wesi anonim saka wangsa Blois, mungkin digambar déning Jean Perréal. Ing taun 1792, printah saka Convensi Nasional, peti jenazah kuwi dikeruk, dikosongaké, lan disita minangka bageyan saka koleksi logam mulia sing nduwé hubungan karo gereja-gereja, lan dikirim menyang Nantes kanggo dilebur. Ananging, peti kuwi disimpan ing Perpustakaan Nasional, lan dibalekake ing Nantes taun 1819, disimpen ing sapropirané mangsa, lan ing njero Musium Dobrée wiwit taun 1896.

Wasiate Anne uga dirundingaké suksesi Bretagne saka putri kaloroné, Renee. Babagan iki dilerwehaké dening garwané sing ngakoni Claude minangka Adipati Wanita lan ngawinkaké panjenengané karo Francis.

Karakter pribadhi[sunting | sunting sumber]

Anne minangka Ratu, nampa salah sijining buku sing ngagung-ngagungake wanita-wanita terkenal, sing digambar dening Jean Perréal.

Anne yaiku salah sijining wanita sing pinter sing ngentekaké wektuné ing administrasi Bretagne. Panjenengané digambaraké minangka salah sijining wanita sing pinter, kemayu lan bangga ing tabiate.[5] Panjenengané nggawé pengamanan otonomi Britannia, lan pelestarian Kadipaten ing njaba mahkota Prancis, karya uripé, sanadyan tujuan kuwi gagal ora suwé sawise tilar donyané.

Anne uga minangka salah sijining pelindung kesenian lan seneng musik. Salah sijining kolektor produktif saka permandani, mungkin banget menawa permandani jaran sing nduwé sungu saiki dipajang di museum The Cloisters ing Kutha New York sing ditugasake dening panjenengané kanggo perayaan prastawa pernikahané karo Louis XII.[6] Panjenengane uga nugasaké salah sijining buku naskah Prancis (Book of Hours), sing dikenal minangka The Great Hours of Anne of Brittany. Panjenengané uga gawé institusi Pelayan Kehormatan Ratu ing istana.

Siji saka sikilé Anne luwih cendek saka sijiné, lan nggawé abot sisih. Kanggo ndandani masalah iki, panjenenegané nganggo sepatu sing ana hak sing luwih dhuwur saka sikil sijiné.

Anne nyimpen salah sijining kothak watu permata. Panjenengané kanthi acak bakal milih siji saka watu-watu kuwi kanggo pengunjungé.

Panjenengané minangka ibu sing setia, sing ngentèkaké akeh wektuné karo anak-anaké. Kanggo putrané, Charles-Orland, panjenengané nugasake salah sijining buku donga, sing nduwé tujuan kanggo ngajaraké carane donga, lan minangka pemandu kanggo panjenengané minangka calon Raja Perancis; ananging, Charles-Orland tilar donya ing taun 1495, lan ora ana putra liya sing urip luwih saka sapropirané minggu.

Ing Prastawa pernikahané karo Charles VIII, yuswa 14 taun, Anne digambaraké minangka salah sijining prawan sing enom lan ayu; nalika prastawa pernikahané karo Louis, yuswa 22, sawisé ping pitu ngandut tanpa anak sing slamet, panjenengané digambaraké minangka wanita sing nduwé rai sing pucet lan lesu. Ing pungkasan uripe, nalika yuswa 36 taun, panjenengané ngandut ping 14, kanthi 7 anak sing lair mati. Saka 7 sing slamet, mung rong anak sing slamet saka mangsa cilik.

Nikahé lan Keturunané[sunting | sunting sumber]

Kuburane putra-putrane ing Katedral Tours

Nikahe sing kapisan Anne tanggal 19 Desember 1490, minangka nikahané wali karo Maximilian saking Habsburg. Prastawa pernikahan kuwi dibubaraké déning Paus ing taun salanjute; amarga mung léwat wali (ora kanthi pribadhi), babagan kasebut ora dianggep prastawa pernikahan sing sejatiné.

Garwa kaloroné yaiku Charles VIII saking Prancis [7], sing penjenengané nikahi ing Chateau Langeais tanggal 6 Desember 1491. Panjenengané ngandut ping pitu :

  • Charles Orlando, Dauphin Prancis. siji-sijiné putra sing sehat, panjenengané urip ing taun 1492-1495, ananging tilar donya amrga penyakit campak.
  • Anak lair mati. panjenengané ngandut ing pungkasan taun 1492/wiwitane taun 1493, ananging melu ing perjalanan karo garwa saka kastil menyang kastil; panjenengané nglairake nalika nitih kendaraan ing njero alas Courcelles, lan bayi kuwi prematur lan lair mati (Agustus 1493).
  • Anak wedok lair mati. Anne ngandut maneh sawisé 5 wulan keguguran, lan ora melu ing perjalanan (mapan ing Amboise cedhak Dauphin). Ananging, ing wulan Februari 1494, panjenengané ngancani Raja ing Lyons, ing kunu panjenengane nyiapaké perjalanan kanggo perang-perang Italia, lan sawisé tekan tanggal 15 Maret, teko ing kabèh perayaan; stres saka acara-acara kasebut nggawé akibat nglairake prematur lan panjenengané nglairaké salah sijining bayi sing mati ora suwé saka prastawa kuwi.
  • Anak lair mati. Panjenengané ngandut maneh ing wulan Agustus 1494, ananging kelangan bayi salanjuté.
  • Charles, Dauphin Prancis (1496), Dauphin Prancis. Panjenengané urip saka tanggal 8 September tekan 2 Oktober 1496. Tilar donyané nggawé Anne mundur ing Moulins sewetara.
  • Francis, Dauphin Perancis (1497), Dauphin Prancis. Panjenengané tilar donya sapropirané jam sawisé dialiraké ing taun 1497.
  • Anne saking Prancis. Panjenengané mati ing dina pada karo kelairané, 20 Maret 1498 ing Plessis les Tours.

Garwa kateluné yaiku Louis XII saking Prancis [8]. Panjenengané saora-orané ngandut ping 7 kali karo panjenengané:

  • Claude saking Prancis (1499–1524) dadi pewarisé lan uga Permaisuri Francis I saking Prancis.
  • Seorang putra lair mati (1500).
  • Seorang putra lair mati (21 Januari 1503).
  • Sapropirané sumber ngendika menawa panjenengané keguguran ing pungkasan taun 1503.
  • Ing taun 1505 panjenengané keguguran.
  • Salah sijining putra lair mati (1508) - Sapropirané sumber ngendika menawa panjenengané keguguran-.
  • Sapropirané sumber ngendika menawa panjenengané keguguran ing taun 1509.
  • Renée saking Prancis (1510–1575) nikah karo Ercole II d'Este, Adipati Ferrara, lan dadi Adipati Wanita Chartres.
  • Salah sijining putra lair mati (Januari 1512).

Silsilah[sunting | sunting sumber]

Referensi[sunting | sunting sumber]

  1. ^ Cithakan:Genealogics name
  2. ^ http://www.britannica.com/EBchecked/topic/26267/Anne-Of-Brittany (dipununduh 8 April 2013)
  3. ^ For a historical and musicological perspective on Prioris's Requiem, read Schreurs, Eugeen; Snellings, Dirk (2007). "Requiem voor Anna van Bretagne, koningin van Frankrijk". La polyphonie Française. Festival van Vlaanderen 2007. pp. 185–187. Recording: Johannes Prioris, Missa pro Defunctis, Capilla Flamenca, 2003 (Eufoda 1349).
  4. ^ Meaning: "In this little vessel of fine gold, pure and clean, rests a heart greater than any lady in the world ever had. Anne was her name, twice queen in France, Duchess of the Bretons, royal and sovereign."
  5. ^ De La Warr, Constance, A Twice Crowned Queen: Anne of Brittany, p.41.
  6. ^ "Tapestry in the Renaissance: Art and Magnificence". The Metropolitan Museum of Art. http://www.metmuseum.org/Special/Tapestry/5.r.htm. Retrieved 9 January 2008.
  7. ^ http://www.historylearningsite.co.uk/C8.htm (dipununduh 8 April 2013)
  8. ^ http://www.historytoday.com/howell-lloyd/birth-louis-xii-king-france (dipununduh 8 April 2013)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Anne saking Bretagne
Cabang kadet Wangsa Dreux
Lair: 25 Januari 1477 Tilar donya: 9 Januari 1514
Bangsawan Prancis
Sing mengku  sadurungé:
Francis II
Adipati Wanita Bretagne
1488–1514
Diganti déning:
Claude
Perancis
Sing mengku  sadurungé:
Charlotte dari Savoy
Permaisuri Perancis
1491 –1498
Diganti déning:
Joan dari Perancis
Sing mengku  sadurungé:
Joan dari Perancis
Permaisuri Perancis
1499–1514
Diganti déning:
Mary dari Inggris
Italia
Sing mengku  sadurungé:
Isabella del Balzo
Permaisuri Napoli
1501–1504
Diganti déning:
Isabella I dari Kastilia
Bangsawan Italia
Sing mengku  sadurungé:
Beatrice d'Este
Permaisuri Milan
1499 –1512
Diganti déning:
Claude dari Perancis