Anjasmara

Anjasmara
Lair	Anjasmara Prasetya
Pakaryan	Artis
Taun aktif	1993 - saiki
Dhuwur	175 cm (5 ft 9 in)
Bojo	Dian Nitami
Anak	Sasikirana Zahrani Asmara Arka Setya Andipa Asmara Amanda Annette Syariff (anak angkat) Aldi Syariff (anak angkat)

Anjasmara Prasetya (lair ing Blitar, Jawa Wétan, 13 Novèmber 1975; umur 48 taun) ya iku juru main filem Indonésia. Anjasmara miwiti kariré dadi modhèl. Sawisé iku dhèwèké banjur main ing sinétron. Jeneng Anjasamara sangsaya misuwur nalika Anjasmara main sinétron kang judhulé Romi dan Juli. Anjasmara main ing sinétron iki karo pasangané kang jenengé Dian Nitami.

Sanajan sabeneré Anjasmara kepéngin dadi modhèl, nanging Anjasmara malah sangsaya sibuk main sinétron. Aktingé dadi wong lanang kang endong lan lucu ing sinétron kang judhulé Si Cecep ndadèkaké Anjasmara éntuk bebungah ing SCTV Award kategori aktor paling populèr.

Ing filem layar amba, aktor kang akrab diundang Anjas iki tau meranaké dadi bapak ing filem Joshua, Oh, Joshua nalika taun (2000).

Anjasmara tau dituntut déning sawijining organisasi massa kaagaman. Kasus iki kadadéan amarga foto-foto nglegenané karo Isabel Yahya ing Paméran CP Biennale taun 2005. Foto-foto iki dianggep ngracuni génerasi anom lan ana unsur pornografiné.

Anjasmara nikah karo aktris Dian Nitami lan nduwé anak loro. Anaké Anjasmara jenengé Sassi Kirana Asmara lan Arka Setyaandipa Asmara. Saliyané iku Anjasmara lan Dian Nitami duwé anak angkat kang jenengé Amanda Annette Syariff lan Luther Syariff.

Anjasmara duwé awak kang dhuwuré 175 cm.

Filmografi

Film kang dibintangi Anjasmara.

• Joshua, Oh, Joshua (2000)
• Koper (2006)

Sinétron

Sinétron kang dibintangi Anjasmara.

• Romi Dan Yuli
• Mutiara Cinta
• Wah Cantiknya!!!
• Wah Cantiknya!!!2
• Si Cecep
• Mukjizat Allah
• Cintaku Di Rumah Susun
• Cinta Indah
• Sulaiman
• Cinta Indah 2
• Indahnya Karunia Mu
• Titipan Illahi
• UFO
• Anugerah

FTV

FTV kang dibintangi Anjasmara.

• Ia Yang Terindah

Kuis

Kuis kang dipandhu Anjasmara.

• 1 Lawan 100