Andien Aisyah Hariadi
| Andien | |
|---|---|
 | |
| Lair | Andinie Aisyah Haryadi Agustus 25, 1985  Jakarta, Indonésia |
| Jeneng liya | Andien |
| Pakaryan | penyanyi |
| Taun aktif | 1999 - saiki |
Andien kang duwé jeneng dawa Andinie Aisyah Haryadi (lair ing Jakarta, 25 Agustus 1985; umur 38 taun) ya iku penyanyi saka Indonésia kang musiké saka genre Jazz.[1] Dhèwèké kondhang amarga debut albumé kaping pisanan kang judhulé BISIKAN HATI kang dirilis ing sasi Fèbruari 2000.[1] Anak pambarep saka telu sasedulur pasangan Didiek Hariadi lan Henny Sri Hardini iki tau pacran karo Andhika Monoarva kang uga mantan manajeré dhéwé.[1] Hubungan sakloron kang wis dilakoni 3 taunan suwené nanging ning taun 2007 kudu dipungkasi.[1]
Ing tengahan taun 2010, bapaké Andien, Didiek Hariadi nekani kantor Mapodal Metro Jaya kanggo nakoni kajelasan kasus kang wis dilaporaké déning dhèwèké nalika sasi Juli 2009, babagan Maya Panduwinata lan Jani Panduwinata, sadhulur enomé penyanyi kondhang Vina Panduwinata kang sadurungé iku dadi rekané bapaké Andien ning pangembangan bisnis iwak.[1]
KARIR[besut | besut sumber]
Andien sinau babagan nembang awit isih umur telung taun.[1] Awit ning bangku kelas telu Sekolah Dasar (SD), dhèwèké wiwit mèlu kagiyatan ajang festival musik.[1] Amarga dukungané ibuné, Andien meluni pandidikan musik ning EMS (Elfa Music Studio), kang dibawahi pimpinan Elfa Secioria.[1]
Andien miwiti debuté liwat albumé kang kaping pisanan, album mau judhulé BISIKAN HATI dirilis nalika taun 2000.[1] Sukses karo album kang wis dikira bakal kaedol punjul 30.000 kopi iku, Andien ngrilis manèh albumé kang kaping loroné dirilis ning taun 2002, album mau judhulé KINANTI lan GEMINTANG kang dirilis ning taun 2005.[1]
Suksès karo karir soloné, Andien bebarengan karo Nina Tamam, Iga Mawarni, Yuni Shara lan Rika Roeslan anggawe kelompok vokal lima perempuan, kang anggotané 5 Wanita.[1] Dhèwèké iku penyanyi kang miwiti kariré ning umur kang esih enom banget, akiré bisa anggawe variasi-variasi kanggo karya-karyané dhéwé.[1]
Sawisé bisa kasil karo grup vokalé, Andien nyoba manèh kolaborasi.[1] Wektu iku, dhèwèké kerja sama karo grup musik Ungu kanggo ngerilis single duet kang judhulé Saat Bahagia.[1] Saiki dhèwèké lagi repot ngurusi lan nyiapaké kanggo albumé kang paling anyar kang esih digarap.[1]
Sasi Juli 2011, ning benginé acara Puncak AMI Awards Ka-14 Andien lan penyanyi-penyanyi liyané nampilaké Kolaborasi.[2] kaya ta kolaborasi kang digawakaké déning Faank Wali Band lan Syahrini.[2] Padha karo kaya ta penyanyi Andien, Syaharani, Andity lan Yovie Widianto kang ora gelem kalah kanggo nyuguhaké kolaborasi istimewa karo nembangaké tembangan kang judhulé Peri Cintaku lan Takkan Terganti kanthi cara medley.[2] Ning acara iku, uga ditekani déning ST12, Nidji, Wali, Geisha, Tompi, Glenn Fredly, Sandhy Sondoro, Vidi Aldiano, Vierra, Bondan & Fade2Black, Syahrini, Andien, Melinda, Syaharani, Andity, Coboy, Killing Me Inside, Max 5 sarta Yovie Widianto.[2]
DISKOGRAFI[besut | besut sumber]
Diskografi[1]:
- BISIKAN HATI (2000)
- KINANTI (2002)
- GEMINTANG (2005)
- KIRANA (2010)
IKLAN[besut | besut sumber]
Iklan[1]:
- Indosat Mentari Obral Obrol Pool!
- Ale-Ale
Cathetan suku[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |