Andi Rianto

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Andi Rianto

Andi Rianto yakuwi musisi lan komposer saka Indonésia kang uga dadi pimpinan Magenta Orchestra, dhèwèké wis kalibet ing ilustrasi musik film lan panggarapan album kanggo artis-artis kondhang ing Indonésia.[1] Dhèwèké kuwi lulusan Berklee College of Music, wis nggarap ilustrasi-ilustrasi musik kanggo film uga dadi arranger, kayata kanggo film kang judhulé Ca-Bau-Kan, dirilis nalika taun 2002, Titik Hitam, dirilis nalika taun 2002, Biarkan Bintang Menari, film kang dirilis nalika taun 2003, Arisan! dirilis nalika taun 2003, 30 Hari Mencari Cinta dirilis nalika taun 2004, film Mengejar Matahari dirilis nalika taun 2004, Vina Bilang Cinta dirilis nalika taun 2005, 9 Naga 2006, Jatuh Cinta Lagi 2006, Mendadak Dangdut 2006, Kuntilanak 2006, Pesan Dari Surga 2006, Pocong 2 2006, Kangen 2007, Pocong 3 2007, lan film kang judhulé Kuntilanak 2 sing dirilis nalika taun 2007.[1]

Andi tau mlebu nganti kaping pidho dadi nominator Pranata Musik Paling Apik ing Fèstival Film Indonésia (FFI), yakuwi kanggo film kang judhulé Mendadak Dangdut (FFI nalika taun 2006) lan kanggo film kang judhulé Mengejar Mas-Mas (FFI nalika taun 2007).[1]

Ora mung nggarap musik kanggo film, Andi uga dadi pranata musik utawa anggawé tembangan kanggo para penyanyi liyané, kayata kanggo album kang dirilis nalika taun 2001 judhulé Bahasa Langit duwèkané Ebiet G. Ade (Andi nggarap tembangan kang judhulé Ingin Kupetik Bintang Kejora, Bahasa Matahari, lan Nyanyian Getir Tanah Air), kanggo album kang dirilis nalika taun 2000, judhulé Perempuan duwèkané Rita Effendy, album ing taun 1999 kang judhulé Bahasa Kalbu duwèkané Titi DJ, sarta album Agnes Monica, judhulé Whaddup A.. '?! dirilis nalika taun 2005.[1]

Bebarengan karo Magenta Orchestra, Andi ngleksanakaké konsèr gedhé tajuké Magenta Moviechestra nalika tanggal 14 Mei 2008.[1] Konsèr iki muter pethikan film, scoring, lan soundtrack kang kapilih saka film-film fénoménal nalika jamanné biyèn, wiwit saka éra film kang diparagakaké déning Tiga Dara lan film-film Benyamin Sueb, Warkop DKI, nganti film-film paling laris ing taun 2000-an, kang dipamèraké kanthi cara orkèstra.[1]

Ing sasi Juli 2011, tembangan kang diriptakaké déning Andi Rianto anggawé Agnes Monica olèh bebungah ing nominasi artis pop solo wanita paling apik.[2] Agnes dadi pamenangé amarga tetembangan kang judhulé Karena Ku Sanggup, tetembangan kang diripta déning Andi Rianto.[2]

Cathetan sikil[sunting | sunting sumber]

  1. ^ a b c d e f (id)biografi Andi Rianto diundhuh tanggal 5 September 2011
  2. ^ a b (id)berita Andi Rianto diundhuh tanggal 5 September 2011
Sumber artikel punika saking kaca situs web: "http://jv.wikipedia.org/w/index.php?title=Andi_Rianto&oldid=832567"