Anas Urbaningrum

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Anas Urbaningrum
Anas Urbaningrum

Mangsa jabatan
23 Mei 2010 – Samenika
Pejabat sadurungé Hadi Utomo
Pengganti Taksih njabat

Anggota Dewan Perwakilan Rakyat
saking dhaerah pamilian Jawa Timur VI (medal saking jabatan menika awit Juli 2010)
Mangsa jabatan
2009 – 2014

Mangsa jabatan
2001 – 2005

Lair 15 Juli 1969 (umur 45)
Flag of Indonesia.svg Blitar, Indonesia
Partai pulitik 30px|Lambang Partai Demokrat Partai Demokrat
Pasangan Athiyyah Laila
Anak Akmal Naseery
Aqeela Nawal Fathina
Aqeel Najih Enayat
Aisara Najma Waleefa
Agama Islam
Situs resmi www.bunganas.com

Anas Urbaningrum (lair ing Blitar, Jawa Timur, 15 Juli 1969; umur 45 taun) inggih menika salah satunggalipun politikus Partai Demokrat ingkang dados partai pamenang ing pemilu 2009.[1][2] Panjenenganipun kapilih dados ketua partai ing yuswa 40 taun, lan kalebet pangarsa partai paling enem sa-Indonesia.[1] Anas nate mimpin Divisi Otonomi Politik lan Dhaerah saderengipun dados ketua fraksi Partai Demokrat ing DPR.[1]

Pendidikan[sunting | sunting sumber]

Lair ing desa Ngaglik, Srengat, Blitar, Jawa Wetan, Anas nindakaken pendidikan awit SD ngantos SMA ing Kabupaten Blitar.[2][3] Sasampunipun lulus saking SMA, Anas nglajengaken dhateng Universitas Airlangga, Surabaya, kanthi jalur Penelusuran Minat dan Kemampuan (PMDK) ing taun 1987.[2] Ing kampus menika Anas sinau ing Jurusan Politik, Fakultas Ilmu Sosial lan Politik, ngantos lulus ing taun 1992.[2][4]

Anas nglajengaken pendidikanipun ing Program Pascasarjana Universitas Indonesia lan pikantuk gelar master ing bidhang ilmu politik ing taun 2000.[4][5] Tesis pascasajananipun sampun dipundamel buku kanthi irah-irahan “Islamo-Demokrasi: Pemikiran Nurcholish Madjid” (Republika, 2004).[3][4]

Pendidikan Anas Urbaningrum[sunting | sunting sumber]

  • Madrasah Tsanawiyah Negeri Kunir, Blitar
  • SMA Negeri Srengat, Blitar
  • S1 Sarjana Ilmu Politik Universitas Airlangga, 1992,
  • S2 Magister Sains Ilmu Politik UI, 2000.
  • S3 taksih dipunlaksanakaken Program Doktor Ilmu Politik di Universitas Gajah Mada, Yogyakarta.[5]

Pagesangan Pribadi lan Keluarga[sunting | sunting sumber]

Anas nggadhahi hobby olahraga lan maos buku.[4] Anas remen kaliyan olahraga voli, badminton, lan bal-balan.[4] Panjenenganipun tansah mirsani tetandhingan tim nasional Indonesia.[4] Anas palakrami kaliyan Athiyyah Laila Attabik (Tia).[6] Kekalihipun kepanggih lan tepang ing HMI Yogyakarta.[6] Samenika Anas pidalem ing dhaerah Duren Sawit, Jakarta Wetan, kaliyan sekawan putra-putrinipun Akmal Naseery (lair 2000), Aqeela Nawal Fathina (lair 2001), Aqeel Najih Enayat (lair 2003), lan Aisara Najma Waleefa (lahir 2005).[4]

Karier[sunting | sunting sumber]

Karir Anas ing donyaning politik dipunwiwiti ing organisasi gerakan mahasiswa. Panjenenganipun nggabung kaliyan Himpunan Mahasiswa Islam (HMI) ngantos dados ketua umum pengurus ageng HMI ing kongres ingkang dipunwontenaken ing Yogyakarta nalika taun 1997;[4] Minangka ketua organisasi paling ageng menika, Anas dados salah satunggalipun tiyang ingkang mangaribawani ewah-ewahan politik nalika jaman reformasi 1998.[4] Nalika wekdal menika Anas ugi dados anggota Tim Revisi Undang-Undang Politik, utawi Tim Tujuh, ingkang dados salah satunggalipun panyuwunan reformasi.[4]

Nalika pamilian umum demokratis taun 1999, Anas dados anggota Tim Seleksi Partai Politik, utawi Tim Sebelas, ingkang nggadhahi tugas meverifikasi kalayakan partai politik kangge ndherek pemilu.[4] Salajengipun Anas dados anggota komisi Pamilian Umum periodhe 2001-2005.[4]

Sasampunipun medal saking Komisi Pamilian Umum (KPU), Anas nggabung kaliyan Partai demokrat awit taun 2005 minangka Ketua Bidhang Politik lan Otonomi Dhaerah.[4]

Karier lan Padamelanipun[sunting | sunting sumber]

  • Ketua Umum Partai Demokrat Periode 2010-2015
  • Ketua Fraksi Partai Demokrat DPR RI Periode 2009-2014
  • Pimpinan Kolektif Nasional KAHMI, 2009
  • Ketua Yayasan Wakaf Paramadina, 2006-samenika
  • Ketua DPP Partai Demokrat, 2005-samenika
  • Anggota KPU Periode 2001-2005
  • Anggota Tim Seleksi Parpol Peserta pemilu 1999 (tim 11), 1999
  • Anggota Tim Revisi UU Politik (tim 7), 1998
  • Ketua Umum PB HMI Periode 1997-1999 [5]

Wekdal Reformasi 1998 lan Transisi Politik[sunting | sunting sumber]

Anas dipunpilih dados anggota tim revisi undang-undang politik utawi misuwur kanthi nami Tim Tujuh. Tim menika dipunpimpin dening Ryaas Rasyid kanthi anggota sanesipun inggih menika Affan Gaffar (alm.), Andi Mallarangeng, Djohermansyah Djohan, Luthfi Mutty, lan Ramlan Surbakti. Tim menika ngasilaken paket undhang-undhang pemilu ingkang dipunsahaken DPR RI dados UU No. 2/1999 ngengingi Politik, UU No. 3/1999 ngengingi Pamilhan Umum, lan UU No. 4/1999 ngengingi Susunan lan Kedudukan MPR, DPR lan DPRD.[4]

Nalika nyiapaken pemilu demokratis ingkang kapisan nalika taun 1999, pamarentah damel Panitia Persiapan Pembentukan Komisi Pamilian Umum ing taun 3 Februari 1999 ingkang dipunngertosi kanthi nama Tim Sawelas. Tugas tim menika inggih menika meverifikasi panjangkepan syarat administari partai kangge ndherek pemilu. Anas dipunpilih minangka anggota tim ingkang dipunpimpin Nurcholish Madjid (alm.). Anggota sanesipun inggih menika Adi Andojo Sutjipto, Adnan Buyung Nasution, Affan Gaffar (alm.), Andi Mallarangeng, Eep Saefulloh Fatah, Kastorius Sinaga, Miriam Budiardjo (alm.), Mulyana W. Kusumah, lan Rama Pratama.[4]

Sasampunipun ngawontenaken verifikasi, tim menika ngumumaken 48 Partai ingkang nggadhahi hak dados peserta pemilu 1999.[4]

Dados Anggota Komisi Pemilihan Umum[sunting | sunting sumber]

Anas dipunlantik dados anggota Komisi Pemilian umum (KPU) ing periodhe 2000-2007 dening Presiden Abdurrahman Wahid (alm.) ing tanggal 24 April 2001.[4] Anas dados anggota KPU sareng kaliyan Chusnul Mar’iyah, Daan Dimara, Hamid Awaludin, Imam Prasodjo, Mudji Sutrisno, Mulyana W Kusuma, Nazaruddin Syamsuddin, Ramlan Surbakti, Rusadi Kantaprawira, lan Valina Singka Subekti.[4] Tugas ageng KPU periodhe menika inggih menika nglaksanankaken pamilian presidhen kanthi langsung ingkang kapisan ing salebetipun sajarah ingkang ugi dados bab ingkang awrat (penting) kangge demokratisasi ing Indonesia.[4] Anas medal saking KPU nalika tanggal 8 Juni 2005.[4]

Dados Anggota DPR RI[sunting | sunting sumber]

Anas kapilih dados anggota DPR RI ing Pemilu 2009 saking dhaerah pamilihan Jawa Wetan VII ingkang kaperang saking pinten-pinten dhaerah Kota Blitar, Kabupaten Blitar, Kota Kediri, Kabupaten Kediri lan Kabupaten Tulungagung lan angsal swanten paling kathah, cacahipun 178.381 swanten, nglangkungi angka Bilangan Pembagi Pemilih (BPP) ingkang cacahipun 177.374 swanten.[4]

Nalika 1 Oktober 2009, Anas dipunpilih dados Ketua Fraksi Partai Demokrat ing DPR RI.[7] Tugas ageng ingkang kasil kanthi sae ndadosaken solid-ipun sedaya anggota Fraksi Partai Demokrat ing voting Kasus Bank Century.[4]

Kapilih dados Ketua Umum DPP Partai Demokrat[sunting | sunting sumber]

Minangka pamenang Pemilu 2009, kongres ka-2 Partai Demokrat ing Bandung ingkang dipunlaksanakaken 20-23 Mei 2010 dados satunggaling prastawa mirunggan ing donyaning politik Indonesia.[7] Anas ndheklarasikaken pancalonanipun ing Jakarta ing tanggal 15 April 2010.[4] Ing salebetipun kongres palian ketua umum, Anas menang ngalahaken Andi Mallarangeng lan Marzuki Ali.[7]

Medal saking Parte Demokrat[sunting | sunting sumber]

Nalika wulan Februari 2013, Anas Urbaningrum mandhap saking jabatan Ketua Umum Partai Demokrat. Panjenenganipun mandhap amargi dipuntetepaken minangka tersangka kasus dugaan korupsi proyek Hambalang dening KPK. Sanesipun menika, Anas ugi mandhap saking kadher Parte Demokrat. Sanajan mekaten, Anas tetep ngudi ing babagan politik. Panjenenganipun damel satunggaling organisasi masyarakat ingkang nami Perhimpunan Pergerakan Indonesia (PPI). Ormas kasebat dados wadhahing loyalis (pandherek) Anas sasampunipun medal saking Parte Demokrat.

Bebingah ingkang dipuntampi Anas[sunting | sunting sumber]

Kasus Korupsi[sunting | sunting sumber]

Dinten Jumat, 22 februari 2013, Anas Urbaningrum resmi dipundadosaken tersangka korupsi dening Komisi Pemberantasan Korupsi (KPK). Anas dipuntuduh angsal hadhiyah utawi janji ingkang wonten gayutanipun kaliyan kawenanganipun minangka anggota DPR 2009-2014.[8] Anas dipundadoaken tersangka kasus korupsi pambangunan pusat pelatian pendidikan lan sekolah olahraga nasional Bukit Hambalang, Jawa Kilen.[9]

Cathetan suku[sunting | sunting sumber]

  1. ^ a b c (id)Anas Urbaningrum dipunundhuh tanggal 22 Februari 2013)
  2. ^ a b c d (id)Profil/Biografi Anas Urbaningrum dipunundhuh tanggal 22 Februari 2013)
  3. ^ a b (id)[Koran Suara Merdeka edisi 23 Februari 2013, Semarang Anas "Menuju Monas"] dipunwaos tanggal 23 Februari 2013)
  4. ^ a b c d e f g h i j k l m n o p q r s t u v w (id)Biografi Anas Urbaningrum, Demokrat dipunundhuh tanggal 23 Februari 2013)
  5. ^ a b c d (id)Anas Urbaningrum dipunwaos tanggal 23 Februari 2013)
  6. ^ a b (id)Biografi Anas Urbaningrum" dipunwaos tanggal 23 Februari 2013)
  7. ^ a b c (id)Piawai Memilih Kata dipunundhuh tanggal 22 Februari 2013)
  8. ^ (id)Kekuasaan Anas Urbaningrum Berakhir di Demokrat dipunundhuh tanggal 23 Februari 2013)
  9. ^ (id)KPK Persilahkan Anas Urbaningrum Ungkap Bukti Kasus Hambalang dipunundhuh tanggal 26 Februari 2013)
Sumber artikel punika saking kaca situs web: "http://jv.wikipedia.org/w/index.php?title=Anas_Urbaningrum&oldid=878780"