Amplop

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Amplop Surat

Amplop yaiku bungkus saka layang utawa barang kang dikirim liwat kantor pos. Amplop biyasané digawé saka dluwang kang dikethok lan dibentuk kaya belah ketupat. Kertas mau banjur ditekuk lan dilèm nganti kaya bentuk amplop.[1] Ing bagéyan ngarep amplop ing bagéyan tengen ngisor, jeneng lan alamat kang nampa kiriman pos iki ditulis.[1] Ing bagéyan tengen dhuwur utawa ing bagéyan mburi kanggo nulis jeneng lan alamat kang ngirim layang.[1] Amplop bisa langsung ditutup awit biyasané amplop dilèm supaya raket lan ora kena dibukak manèh saliyané karo sing nampa.[1] Amplop duwèni akéh ukuran. [1]Amlop ana kang duwé kaya cendhéla saéngga jeneng lan alamat kang nampa bisa ditulis ing bagéyan jero surat.[1]

Saiki amplop ora mung kanggo mbungkus surat ananging uga kanggo mbungkus barang lan dhuwit.[1] Amplop kang ukurané gedhé biyasané kanggo wadhah kertas kayata dokumen, sertifikat, makalah.[1]

Étimologi[sunting | sunting sumber]

Tembung amplop kalebu tembung serapan kang asalé saka basa Walanda yaiku envelop.[1] Ing basa Walanda iki uga kalebu tembung serapan saka basa Prancis yaiku envelope kang uniné dilafalaké /ɑ̃.və.lɔp/.[1] Tembung iki ing basa Prancis kalebu tembung turunan saka tembung kriya envelopper kang tegesé mbungkus.[1]

Tembung amplop uga nduwé teges konotasi yaiku dhuwit sogokan.[2] Kang dadi fokusé yaiku dhuwit kang ana ing jero amplop ananging biyasané diarani amlop kanggo kiasan utawa ing bahasa Indonesia diarani amplop pelicin yaiku amplop kang isiné dhuwit kanggo nggampangaké utawa nglancaraké proyek.[2]

Cathetan suku[sunting | sunting sumber]

  1. ^ a b c d e f g h i j k (id)artikata.com(dipunundhuh tanggal 17 Juni 2011)
  2. ^ a b (id)nasional.kompas.com(dipunundhuh tanggal 17 Juni 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Amplop&oldid=830684"